Posted by
കറുത്ത സാരിയിൽ ഒരു രാജകുമാരിയെ പോലെ. ചിലർ വായ പൊളിചു നിൽക്കുന്നുണ്ടായിരുന്നു. യാതൊരു വിധ അഹങ്കാരവും അവരുടെ മുഖത്തില്ല. മുഖത്ത് എപ്പോഴും കാണുന്ന പുഞ്ചിരി.
സിനിമയിലൂടെ മാത്രം കണ്ട അവരെ നേരിൽ കണ്ടതോടെ ഞങ്ങൾ എല്ലാവരും അറിയാതെ എഴുനേറ്റ് നിന്നു. ഏതോ ഒരു അത്ഭുത കാഴ്ച പോലെ ഞങ്ങൾ അവരെ നോക്കി നിന്നു. സത്യമാണോയെന്ന് വരെ സംശയിച്ചു. മാം ഓടി വന്നു അവരെ കെട്ടി പിടിച്ചു സ്വീകരിച്ചു.. അവർ ഞങ്ങളോട് ചിരിച്ചു കൊണ്ട് കൈ കൂപ്പി അവിടെ ഒരു കസേരയിൽ ഇരുന്നു.
“”മഡോണ എന്റെ ഒരു പ്രിയ സുഹൃത്താണ്.. ഈ വലിയ അവസരത്തിൽ നിങ്ങള്ക്ക് ഒരു സർപ്രൈസ് നൽകണമെന്നുണ്ടായിരുന്നു.. അപ്പോഴാണ് ഇവൾ ഇങ്ങോട്ട് വരുന്നുണ്ടെന്നു അറിഞ്ഞത്. അതുകൊണ്ടാണ് ഈ ദിവസം പാർട്ടി വച്ചതു””
അങ്ങനെ മാം ഓരോ കാര്യങ്ങൾ പറഞ്ഞുകൊണ്ടിരുന്നു. പിന്നെ മഡോണയും കുറെ സംസാരിച്ചു ഞങ്ങളുടെ കൗതുകങ്ങളായ ചോദ്യങ്ങൾക്കു രസകരമായ മറുപടികൾ നൽകുകയും ചെയ്തു..
എല്ലാം കഴിഞ്ഞു പിന്നെ ഫോട്ടോ എടുക്കാൻ തുടങ്ങി. കുറെ ആളുകൾ സെൽഫി എടുത്തും അല്ലാതെയും ഫോട്ടോ കൊണ്ട് ഒരു കളി. മിയയും ആവണിയും ഒരുമിച്ചു മഡോണയുടെ കൂടെ ഫോട്ടോ എടുത്തു. ഞാൻ അവരുടെ കൂടെ സെൽഫി എടുത്തു.
പിന്നെ ഭക്ഷണം രാജാകീയമായി തന്നെയായിരുന്നു. അതിൽ ഒരു തർക്കവുമില്ല. അത്രക്കും ഉഷാർ!!!!!!!
മഡോണ പെട്ടെന്ന് പോയി. പിന്നെ എല്ലാവരും മാമിനോട് നന്ദിയൊക്കെ പറഞ്ഞു. അതിനിടക്ക് മാമിന്റെ കൂടെ എല്ലാവരും ഫോട്ടോയെടുത്തു. മാം എന്നെ വിളിച്ചു എന്റെ തോളത്തു കൂടെ കയ്യിട്ടു ഫോട്ടോക്ക് പോസ്സ് ചെയ്യുകയായിരുന്നു. അപ്പോഴാണ് മിയയുടെയും ആവണിയുടേം മുഖം ഞാൻ ശ്രദ്ധിച്ചത്. രണ്ടുപേരും കുശുമ്പ് കൊണ്ട് എന്നെ നോക്കാൻ തുടങ്ങി… എനിക്ക് ചിരിയാണ് വന്നതു. ഞാൻ മൈൻഡ് ചെയ്തില്ല.. അതിനിടക്ക് ഞങ്ങൾ മൂന്നുപേരും സംസാരിക്കുകയായിരുന്നു. ആ സമയം ഓഫീസിലെ ഒരു കിഴങ്ങൻ വന്നു ഞാനും മാമും നിൽക്കുന്ന ഫോട്ടോ കാണിച്ചു ഞാനും മാമും നല്ല ചേർച്ചയാണെന്ന് കളിയാക്കി പറഞ്ഞു. ഈശ്വരാ ഇവന് ഇത് കാണിക്കാൻ കണ്ട സമയം. മിയയും ആവണിയും പരസ്പരം കാണാതെ കുശുമ്പ് കുത്തി നിന്നു..