Posted by അത് പറയുമ്പോൾ അനുവിന്റെ നെഞ്ചിടിപ്പ് കൂടിയത് ദേവൻ തൊട്ടറിഞ്ഞു.
അതിനു മോളു കട്ടിലിൽ ആയിരുന്നില്ല തൊട്ടിലിൽ ആയിരുന്നു കിടത്തിയത് ഉണർന്നാലും അവൾക്ക് അതിന്നു പുറത്തു വരാൻ കഴിയില്ല. പിന്നെ തന്നെ കൊണ്ടുവന്നു കിടത്തിയപ്പോളാണ് മോളെ ഞാൻ എടുത്തു തന്റെ അടുത്ത് കിടത്തിയത്…
ഞാൻ ഒത്തിരി നേരം ഉറങ്ങി കിടന്നോ ദേവേട്ടാ…
ഏയ്.. ഒരു 15മിനിട്ട്.. ഞാൻ ബി പി നോക്കിയപ്പോ നോർമൽ ആയിരുന്നു. അതാ പിന്നെ ഞാൻ ഉണർത്താതിരുന്നത്.
ദേവേട്ടന് എന്നോട് പറയാമായിരുന്നില്ലേ..
അതിനു പറയാനുള്ള സാവകാശം തന്നില്ലല്ലോ അതിനു മുന്നേ ചക്ക വെട്ടിയിട്ട പോലെ വീണില്ലേ.
വീട്ടുകാരും നാട്ടുകാരും പിഴച്ചവൾ എന്ന് മുദ്ര കുത്തി ആട്ടി പുറത്താക്കിയപ്പോ ആത്മഹത്യ ചെയ്യാൻ തീരുമാനിച്ചതാണ് ഞാൻ. മരിക്കുന്നതിന് മുന്നേ എന്റെ അവസ്ഥക്ക് കാരണക്കാരൻ ആയ ആളെ ഒന്ന് കൂടി കാണണം എന്ന് തോന്നി. അങ്ങനെയാ അന്ന് ഞാൻ തേടിപിടിച്ചു ഈ വീടിന്റെ പടിപ്പുര കടന്നു വന്നത്. കാലെടുത്തു വച്ചതു മാത്രേ എനിക്ക് ഓർമയുണ്ടായിരുന്നുള്ളു. പിന്നെ ഹോസ്പിറ്റലിൽ വച്ചു രാമേട്ടനെ പറഞ്ഞത് ക്ഷീണം കാരണം തലചുറ്റി വീണു എന്നും ഗർഭവസ്ഥയിൽ അധികം ഇങ്ങനെ യാത്ര ചെയ്യണ്ട എന്നുവോക്കെ.
അനു പറയുന്നതത്രയും ഒരു നിർവികരതയോടെ ദേവൻ കേട്ടിരുന്നു…
ഞാൻ ഗർഭിണി ആണെന്ന് അറിഞ്ഞപ്പോ ആകെ ഒരു തരം മരവിപ്പ് ആയിരുന്നു. എന്തു ചെയ്യണം എന്ന് പോലും അറിയാത്ത അവസ്ഥയിൽ ആയിപോയി…. വേണ്ട എന്ന് മനസ്സിൽ ഉറപ്പിച്ചിട്ടു പോലും എനിക്ക് അതിനു കഴിഞ്ഞില്ല . ഒരു തെറ്റും ചെയ്യാത്ത ഈ ജീവൻ കളയേണ്ട എന്ന് തോന്നിയപ്പോളാണ് ആത്മഹത്യ ചെയ്യാനുള്ള എന്റെ തീരുമാനം മാറ്റിയത്. അന്ന് മുതൽ ഞാൻ ജീവിച്ചത് മൊത്തം അവൾക്കു വേണ്ടിയാണു. മോളെ കാണാണ്ട് വന്ന ഭയത്തിൽ ഞാൻ തിരിഞ്ഞു നോക്കിയപ്പോ ചിരിച്ചോണ്ട് നിക്കുന്ന ദേവേട്ടനെയാണ് കണ്ടത്. ദേവേട്ടൻ അവളെ എന്തേലും ചെയ്‌തോ എന്ന് പോലും ഞാൻ ചിന്തിച്ചു പോയി ദേവേട്ടാ…