Posted by അങ്ങനെ വീട്ടിലെത്തി കാര്യങ്ങളെല്ലാം ചോദിച്ചറിഞ്ഞു. ചേച്ചിയുടെ അമ്മ ഇന്ന് രാവിലെ ബാത്റൂമിൽ കാൽ തെന്നി വീണൂ. ഇപ്പോൾ ഹോസ്പിറ്റലിൽ ആണെന്ന് ആണ് അറിഞ്ഞത്. ചേച്ചിക്ക് അവിടേക്ക് പോകണം എന്ന് പറഞ്ഞപ്പോൾ അമ്മയാണ് പറഞ്ഞത് എന്നോട് കൂടെ ചെല്ലാൻ. അമ്മ പറഞ്ഞാലും ഇല്ലെങ്കിലും ഞാൻ പോകണമെന്ന് തീരുമാനിച്ചതായിരുന്നു. അങ്ങനെ ഞങ്ങൾ കാറും എടുത്ത് ഹോസ്പിറ്റലിൽ എത്തി.
അമ്മയുടെ ഒരു കൈയുടെ എല്ല് പൊട്ടുകയും തല മുറിയുകയും ചെയ്തിട്ടുണ്ട്. തലയ്ക്ക് പരിക്കുള്ളതുകൊണ്ട് സ്കാനിങ്ങും മറ്റും എടുക്കണമെന്ന് പറഞ്ഞു. അതെല്ലാം കൂടെ കഴിഞ്ഞപ്പോഴേക്കും ഏകദേശം മൂന്ന് മണിയായി കാണും. അതുവരെ ചേച്ചിയോട് ഒന്ന് സംസാരിക്കാൻ പോലും എനിക്ക് പറ്റിയില്ലായിരുന്നു. സ്കാനിങ് റിപ്പോർട്ടിൽ കുഴപ്പമൊന്നുമില്ലെന്ന് കണ്ടപ്പോൾ ആണ് ചേച്ചിക്ക് സമാധാനമായത്.
“എന്നാ ഞാൻ ഇറങ്ങട്ടെ ഞാൻ പിന്നെ വരാം.. രാവിലത്തെ കുളി ഒന്നും കഴിഞ്ഞില്ല” ചേച്ചിയുടെ അമ്മയോടും ചേച്ചിയുടെ അനിയത്തിയോടും ചേച്ചിയോടും യാത്ര പറഞ്ഞു ഞാൻ ഇ റങ്ങാൻ തുടങ്ങി.
“നിക്കെടാ, നീ എങ്ങനെയാ പോവുക..”
“ഞാൻ ബസ്സിനു പോയിക്കോളാം ചേച്ചി..”
“എന്നാൽ ഞാൻ വരാം,ബസ്റ്റോപ്പിൽ ഡ്രോപ്പ് ചെയ്യാം..”
അങ്ങനെ ഞങ്ങൾ കാറും എടുത്ത് ബസ്റ്റോപ്പിലേക്ക് തിരിച്ചു.
“ചേച്ചിയുടെ ടെൻഷൻ എല്ലാം മാറിയോ.. രാവിലെ ഭയങ്കര കരച്ചിൽ ഒക്കെ ആയിരുന്നല്ലോ..”
“ഫോൺ വിളിച്ചപ്പോൾ എന്താ സംഭവിച്ചത് എന്ന് പൂർണമായും അറിയില്ലല്ലോ. അതാ ഞാൻ ആകെ പേടിച്ചു പോയത്.ഇപ്പൊ കുറെയൊക്കെ മാറി.. സ്കാനിങ്ങിൽ ഒന്നും കുഴപ്പമില്ലല്ലോ.. പിന്നെ കൈ പൊട്ടിയത് അത് കുറച്ച് സമയം എടുത്താലും ശരിയാവുമല്ലോ..”