Posted by “ആഹാ അടിക്കുകയും ചെയ്തോ.. കൊട് കൈ,ചേച്ചിക്ക് ഇത്രയൊക്കെ ധൈര്യം ഉണ്ടായിരുന്നോ.എന്നിട്ടാണോ ഇത്രയും കാലം അയാളെയും സഹിച്ചിരുന്നത്.. മുൻപേ ഇതൊക്കെ ചെയ്തു കൂടായിരുന്നോ..”
“എടാ എനിക്ക് ധൈര്യമില്ലാത്ത പ്രശ്നം മാത്രമല്ല, ഒരു സപ്പോർട്ട് വേണ്ടേ? നീ ഇങ്ങനെയൊക്കെ ചെയ്യാൻ എന്നെ പുഷ് ചെയ്തില്ലേ, പുഷ് ചെയ്തില്ലേലും വേണ്ട ചെറിയൊരു സപ്പോർട്ട് എങ്കിലും കണ്ണേട്ടന്റെ ഭാഗത്ത് നിന്ന് ഉണ്ടായിരുന്നെങ്കിൽ ഞാൻ അയാളെ മുൻപേ പൊട്ടിച്ചേനെ.. ആ ഒരു കാര്യത്തിൽ എനിക്ക് ഭയങ്കരമായിട്ട് വെറുപ്പുണ്ട് കണ്ണേട്ടനോട്….”
“ചിലപ്പോൾ ഇങ്ങനെ മോശമായി ഒന്നും പറയുന്നത് കണ്ണേട്ടൻ അറിഞ്ഞിട്ടുണ്ടാവില്ല”
“ഡാ, നീ വെറുതെ അങ്ങേരെ ന്യായീകരിക്കാൻ നിൽക്കരുതെ.. ഞാൻ മാഷ് പറയുന്ന ഓരോ കാര്യവും വള്ളി പുള്ളി തെറ്റാതെ കണ്ണേട്ടനോട് പറയാറുണ്ട്.. എന്നിട്ടും..” ചേച്ചി ചെറുതായി ദേഷ്യം വന്നു എന്ന് എനിക്ക് തോന്നി
“അയ്യോ ന്യായീകരിച്ചത് ഒന്നുമല്ല..”
“കണ്ണാ സ്വന്തം ഭാര്യയല്ലേ ഇങ്ങനെ ഒരു അനുഭവം പറയുന്നത്, എന്നാലെങ്കിലും കുറച്ച് ചിന്തിച്ച് നോക്കണ്ടേ.. അങ്ങേർക്ക് അവിടെ ദുബായിൽ സുഖിച്ചിരുന്നാൽ മാത്രം മതി ഇവിടെ എന്തായാലും കുഴപ്പമില്ല..”
കണ്ണേട്ടനോട് ചേച്ചിക്കുള്ള ദേഷ്യവും നിരാശയും എല്ലാം ചേച്ചിയുടെ വാക്കുകളിൽ കാണാമായിരുന്നു. ചേച്ചിയെ കുറ്റം പറയാനും പറ്റില്ല ഇതുപോലൊരു കാര്യത്തിന് കിട്ടേണ്ട സപ്പോർട്ട് ഒന്നും കണ്ണേട്ടന്റെ അടുത്ത് നിന്ന് കിട്ടിയിട്ടില്ല. എന്തായാലും എനിക്ക് ഉള്ളിൽ ഒരു സന്തോഷം ഒക്കെ തോന്നി. ചേച്ചിക്ക് എന്നോട് വലിയ കാര്യമാണ് അതെ സമയം തന്നെ കണ്ണേട്ടനോട് നല്ല വെറുപ്പുമുണ്ട്. ഭാഗ്യമുണ്ടെങ്കിൽ ആ വെറുപ്പ് കൂടുന്തോറും എന്നോടുള്ള ഇഷ്ടം കൂടിക്കൂടി വരും.