Posted by “ഇത്രയും കാലം ചേച്ചി ശ്രമിച്ചിട്ടും പറ്റിയില്ലല്ലോ. ഇനി ഞാൻ പറയുന്നതുപോലെ ചെയ്യാൻ പറ്റുമോ.. അങ്ങിനെ ചെയ്താൽ പിന്നെ അവൻറെ ബുദ്ധിമുട്ടുണ്ടാവില്ല…”
“അതെന്താ നീ കാര്യം പറ..”
ഞാൻ ചേച്ചിയോട് വിശദമായി കാര്യങ്ങൾ പറഞ്ഞു കൊടുത്തു.പിറ്റേന്ന് രാവിലെ ഞാൻ ചേച്ചിയെ സ്കൂളിൽ ഡ്രോപ്പ് ചെയ്യുകയും വൈകുന്നേരം ഞാൻ തന്നെ പിക്ക് ചെയ്യാൻ വരുമെന്നും പറഞ്ഞു.വൈകുന്നേരം സ്കൂൾ വിട്ടിട്ട് എല്ലാ ടീച്ചേഴ്സും പോകുന്നവരെ വെയിറ്റ് ചെയ്യാനും ചേച്ചിയും ഷാജി മാഷും മാത്രമാകുന്ന ഒരു സാഹചര്യം ഉണ്ടാക്കാനും ഞാൻ പറഞ്ഞു. ഷാജി മാഷ് മോശമായി എന്തെങ്കിലും പറയുകയാണെങ്കിൽ അത് ഫോണിൽ റെക്കോർഡ് ചെയ്യാനും ഇനി തോന്നിവാസവുമായി വന്നാൽ ജോലി കാണില്ലെന്ന് പറയാനും മുഖത്തൊന്നു കൊടുക്കാനും പറഞ്ഞു.പിന്നെ പറ്റുമെങ്കിൽ നല്ല രണ്ടു തെറി പറയാനും ഞാൻ പറഞ്ഞു.
ഷാജി മാഷ് കോഴിത്തരം കാണിക്കുന്നതെന്ന് തൊട്ടുമുന്നേ ചേച്ചിയോട് എനിക്ക് മെസ്സേജ് അയക്കാൻ പറഞ്ഞു. മെസ്സേജ് കിട്ടി 5 മിനിറ്റ് കൊണ്ട് ഞാൻ സ്കൂളിലേക്ക് കയറി ചെല്ലുമെന്നും പറഞ്ഞു. എന്തേലും കാരണവശാൽ ഷാജി മാഷ് കയ്യാങ്കളിക്ക് എങ്ങാനും നിന്നാലോ എന്ന് എനിക്ക് ഒരു പേടി ഉണ്ടായിരുന്നു.
അന്നത്തെ കോച്ചിംഗ് ക്ലാസ് എനിക്ക് ലീവ് ആക്കേണ്ടി വന്നു. അങ്ങനെ വൈകുന്നേരം സമയമായപ്പോൾ ഞാൻ സ്കൂളിൻറെ താഴെ പോയി വെയിറ്റ് ചെയ്തു. കുറച്ചു കഴിഞ്ഞപ്പോൾ ചേച്ചിയുടെ മെസ്സേജ് വന്നു.. അപ്പോൾ തന്നെ ഞാൻ വണ്ടിയിൽ നിന്ന് ഇറങ്ങി പെട്ടെന്ന് സ്കൂളിലേക്ക് ഓടി.