Posted by “നീ നിൻറെ സങ്കല്പങ്ങൾ പറഞ്ഞില്ലായിരുന്നോ, അതിനു ഒട്ടും മാച്ച് ആയിട്ടുള്ള ഒരു കുട്ടി ഒന്നുമല്ലല്ലോ ഇത് അത്യാവശ്യം നല്ല തടി ഒക്കെ ഉണ്ടല്ലോ മുടിയും കുറവ്”
“ഈശ്വരാ..”
“ഈശ്വരനെ വിളിക്കാതെ കാര്യം പറയടാ..”
“അന്നു ഞാൻ പറഞ്ഞത് കല്യാണം കഴിക്കാൻ ആഗ്രഹിക്കുന്ന കുട്ടിയെ കുറിച്ചുള്ള സങ്കല്പങ്ങൾ അല്ലേ, ഇതു പക്ഷേ അങ്ങനെയല്ലല്ലോ..”
“ഓഹോ ഇതപ്പോൾ കല്യാണം കഴിക്കാൻ വേണ്ടി അല്ല പിന്നെന്തിനാണാവോ..’
“ചേച്ചി പോയെ ഞാൻ പോകുവാ എനിക്ക് വീട്ടിൽ കുറച്ച് പണിയുണ്ട്..”
“മോൻ എവിടെ പോകാൻ ഇവിടെ ഇരുന്ന് പറഞ്ഞിട്ട് പോയാൽ മതി”
“എന്തു പറയാൻ.’
“നീ നിനക്ക് ഇവളോട് തോന്നിയത് എന്തായിരുന്നു..ഇവൾ എങ്ങാൻ സെറ്റ് ആയിരുന്നെങ്കിൽ മോന്റെ പ്ലാൻ എന്തായിരുന്നു”
“എന്തു പ്ലാൻ ചുമ്മാ കറങ്ങാൻ പോകും ഷോപ്പിങ്ങിന് പോകും പിന്നെ പറ്റിയാൽ ട്രിപ്പ് പോകും പിന്നെ…”
“ആ അങ്ങനെ വരട്ടെ.. പിന്നെ നീ നമ്മളെ ന്യൂസിൽ കണ്ട പോലെ ഓരോന്നും ഒപ്പിച്ചു വച്ച് അവളെ അങ്ങ് തേക്കും.. നീ ആളു മോശമില്ലല്ലോ”
“അയ്യോ ഇല്ലേ, ഞാൻ അങ്ങനെയൊന്നും വിചാരിച്ചില്ല..”
“ഒരു പുണ്യാളൻ വന്നിരിക്കുന്നു.. നിന്നെക്കുറിച്ച് പറയുമ്പോൾ 100 നാവാണ് അമ്മയ്ക്കും കണ്ണേട്ടനും അച്ഛനും എല്ലാവർക്കും ഇതാണല്ലേ മനസ്സിലിരിപ്പ്”
“എൻറമ്മേ, ഈ ചേച്ചിയുടെ ഒരു കാര്യം ആരോടും ഒന്നും പറയില്ല എന്ന് പറഞ്ഞതല്ലേ.. എന്നെക്കൊണ്ട് നിർബന്ധിച്ച് ഓരോന്ന് പറയിപ്പിച്ചിട്ട്”
“അയ്യോടാ… ഞാൻ ചുമ്മാ പറഞ്ഞതല്ലേ.. ടീനേജിലുള്ള ഏതൊരു ആൺകുട്ടിക്കും പെൺകുട്ടിക്കും തോന്നാവുന്ന കാര്യങ്ങളാണ് ഇതൊക്കെ.. ഇപ്പോഴുള്ള കുട്ടികളെ വെച്ച് നോക്കുമ്പോൾ മോനൊക്കെ എത്രയോ ഭേദമാണ്… ഒരു പക്ഷേ നന്നായി..ഒരു പെണ്ണിനെയും പറ്റിച്ചിട്ട് അവളുടെ ശാപം ഏറ്റുവാങ്ങരുത്..”