Posted by ഒച്ച കേട്ട് ആൾകാർ ഒക്കെ കൂടി തുടങ്ങി. അപ്പോഴാണ് ഞാൻ ഓടിച്ച ആളെ നോക്കുന്നത്,ഒരു പെണ്ണ് ആയിരുന്നു, നിലത്തു തന്നെ ഇരിക്കുക ആണ് എതിർ വശത്തേക്ക് നോക്കി, അതുകൊണ്ട് മുഖം കാണുന്നില്ല. എന്തിരുന്നാലും എനിക്ക് അവളെ നല്ല പരിചയം ഉള്ളത് പോലെ തോന്നി, ഞാൻ വേഗം തന്നെ അങ്ങോട്ട് ചെന്നു. വണ്ടി ഇപ്പോഴും റോഡിൽ തന്നെ ഉണ്ടായിരുന്നു, ആ വണ്ടി കണ്ടപ്പോ അതും എനിക്ക് പരിചയം ഉള്ള വണ്ടി പോലെ തോന്നി. അതെ ഇത് അവളുടെ വണ്ടി തന്നെ ആയിരുന്നു ആ വണ്ടി നമ്പർ എനിക്ക് ഇപ്പോഴും ഓർമയുണ്ട്. എനിക്ക് ആകെ നെഞ്ഞ് വേദന വന്ന് തുടങ്ങി,
ഞാൻ കാരണം അവൾക് ഇപ്പൊ അപകടം സംഭവിച്ചു. ഞാൻ വേഗം തന്നെ ആൾക്കാരെ എല്ലാം തട്ടി മാറ്റി അവളുടെ മുന്നിലേക്കു പോയി. അവൾ കാലിൽ പിടിച്ചു കൊണ്ട് കരയുക ആയിരുന്നു, അവളെ അങ്ങനെ കാണുന്നത് എന്നെ കൂടുതൽ അസ്വസ്ഥൻ ആക്കി, അതുകൊണ്ട് അവളെ കൂടുതൽ നോക്കി നിലക്കാതെ ഞാൻ വേഗം തന്നെ ഒരു ഓട്ടോ വിളിച്ചു വന്നു.
വണ്ടിയിൽ നിന്നും വീണത് ഒരു പെൺകുട്ടി ആയത് കൊണ്ടുതന്നെ ഉപദേശത്തിന് പകരം റോഡിന്റെ പ്രെശ്നം ആണ് എന്നാണ് അവിടെ കൂടിച്ചേർന്ന വിദഗ്ദ്ധർ പറഞ്ഞത്. ഞാൻ അവളുടെ അടുത്ത് ചെന്നിട്ട് ഹോസ്പിറ്റലിൽ പോവാം എന്ന് പറഞ്ഞു, അവളുടെ അടുത്ത് നിന്നും വല്യ പ്രതികരണം ഒന്നും ഉണ്ടായില്ല, അവൾ ഇപ്പോഴും അവളുടെ കാലിൽ പിടിച്ച ഇരിക്കുക ആണ് അതുകൊണ്ട് അവൾക്ക് എണീക്കാൻ ബുദ്ധിമുട്ട് ആണ് എന്ന് ഞാൻ മനസ്സിലാക്കി.
വേഗം തന്നെ ഞാൻ അവളെ എടുക്കാൻ തീരുമാനിച്ചു, അവളുടെ അടുത്ത് എത്തിയപ്പോ പിന്നെയും പഴയത് പോലെ അവളോട് സംസാരിക്കാൻ ഒരു പേടി ഉള്ളിൽ നിന്നും വന്നു. ഒന്നും മിണ്ടാതെ ഞാൻ എന്റെ ഒരു കൈ ഞാൻ അവളുടെ പുറത്ത് വെച്ച് എന്നിട്ട് അവളോട് എന്റെ കഴുത്തിൽ കൂടി കൈ ഇടാൻ പറഞ്ഞു.