Posted by ഇതായിരുന്നോ… എടുത്തോടാ… പിന്നെ ഫ്രണ്ടിലെ ബോക്സിലുള്ള സ്വിച്ച് ഒന്നും തൊടാൻ നിക്കണ്ട വണ്ടി കൺട്രോളിൽ നിർത്താൻ പറ്റില്ല…
ശെരിയിക്കാ (അവൻ അവളെ നോക്കി) നിന്നെ വല്ലിത്ത തിരക്കി…
ഞങ്ങളും അവനൊപ്പം വീട്ടിലേക്ക് നടന്നു പോവും വഴി പൈപ്പിന് ചുവട്ടിൽ നിന്നവൾ മുഖം കഴുകി
ചെല്ലുമ്പോ ഇത്ത അടുക്കള വാതിലിൽ അവളെ കാത്തു നിൽപ്പുണ്ട്
ഞാനും മൂസിയും മുന്നിലേക്ക് നടന്നു ഇരമ്പി വരുന്ന വണ്ടിയുടെ ശബ്ദം വീടിനു മുന്നിലേക്ക് കയറിവന്നു സുഹൈലിന്റെ വണ്ടിയിൽ നിന്നും ബിച്ചു ഇറങ്ങി ആരോടും ഒന്നും പറയാതെ അകത്തേക്ക് കയറി പോവുന്ന കണ്ട് അവിടെ തന്നെ നിൽക്കുന്ന മൂസിയെ നോക്കി
നീ പോണില്ലേ…
അല്ലിക്കാ… ആ വണ്ടി…
എന്നാ അതെടുത്തോ… മെല്ലെ പോണം… വണ്ടിയുടെ എക്സ്ട്രാ സ്പീഡ് ബട്ടൻ എല്ലാം ഓഫ്‌ ചെയ്തു
അതികം കൊടുക്കണ്ട… സീറ്റ് ബെൽറ്റ്‌ ഇടണം…
ശെരിയിക്കാ…
അവർ വണ്ടിയുമായി പോയതും ഞാൻ അകത്തേക്ക് ചെല്ലുമ്പോ ബിച്ചു ട്രേയുമായി കിച്ചണിലിരുന്ന് കഴിക്കുകയാണ് ഭക്ഷണത്തിന്റെ മണമടിച്ചതും എവിടെയൊക്കെയോ വിശപ്പിന്റെ നാമ്പു മുളച്ചു കൈ കഴുകി അവനരികിൽ കയറി ഇരുന്നു കഴിക്കാൻ തുടങ്ങിയതും ഉമ്മ എന്നെ നോക്കി
ഉമ്മ : നിനക്ക് വേണോങ്കി വേറേ തരൂലേ ചെക്കൻ വിശന്നോണ്ട് കയറിവന്നതാ…
(തല ഉയർത്തി അവനെ നോക്കി) നീയൊന്നും കഴിച്ചില്ലേ…
ബിച്ചു : ഹാ…രാവിലെ കഴിച്ചതാ… ഉച്ചക്ക് ചോറ് തിന്നാൻ ഹോട്ടലികയറിയതാ മൂത്രമൊഴിക്കാൻ പോയി തിരിച്ചു വരുമ്പോ കിച്ചണിന്റെ പിറക്കുവശം കണ്ട് പിനെ തിന്നാൻ തോന്നിയില്ല