Posted by ഉമ്മച്ചീ… അത് വിട്… വാവേടെ കാര്യം അവളെന്നോട് പറഞ്ഞിട്ടുണ്ട്… പിന്നെ അവരെ എന്തേലും ചെയ്ത് ഞാൻ ജയിലിൽ പോവുകയോ എനിക്കെന്തെങ്കിലും പറ്റുകയോ ചെയ്യില്ല… അവര് എന്നെ പറ്റി പറഞ്ഞ ഒരു കാര്യം ശെരിയാ… തല്ലും പിടിയും കൊട്ടേഷനും ഒക്കെ എടുക്കാറുണ്ട്… തല്ലും പിടിയും എന്ന് പറഞ്ഞാൽ തിരിച്ച് തല്ലില്ലെന്ന് ഉറപ്പുള്ള പാവങ്ങളെ പിടിച്ച് തല്ലലല്ല… ഒരാളെ കൈ വെക്കുവാണേൽ ഞാൻ അയാളെ തല്ലുന്നത് ശെരിയാണെന്ന് എനിക്ക് ബോധ്യമാവാൻ പാകത്തിന് ഒരു കാരണം വേണം… പിന്നെ കോട്ടഷൻ എന്ന് പറഞ്ഞാൽ പലതും എടുക്കും മധ്യസ്ഥം പറയൽ (എന്ത് പ്രശ്നമായാലും തല്ലിയോ പറഞ്ഞോ ഞങ്ങൾ കോട്ടേഷൻ എടുക്കുമ്പോ പറഞ്ഞപോലെ തീർത്തുകൊടുക്കും)… ഇവിടുത്തെ മന്ത്രിമാർ അടക്കം ആരുടെ പൈസയും ഇന്ത്യയിൽ എവിടേക്കും ഞങ്ങൾ ട്രാൻസ്‌പോർട്ടേഷൻ ചെയ്തുകൊടുക്കാറുണ്ട്… പക്ഷേ ഇങ്ങനെ ഉണ്ടാക്കുന്ന ഒരു രൂപ പോലും ഞങ്ങൾ ഞങ്ങളെ ആവശ്യത്തിന് എടുക്കാറും ഇല്ല… അങ്ങനെ എടുത്തിരുന്നേൽ എന്നോ ഇതിനേക്കാൾ പത്തിരട്ടി വലിപ്പമുള്ള കൊട്ടാരം തന്നെ പണിതേനെ ഞാൻ… ഈ കാര്യമെല്ലാം അഫിക്കറിയാം… പിന്നെ അവര് പറഞ്ഞു തല്ലും പിടിയും ആയി നടന്ന ഞാനോ എന്റെ പിള്ളേരൊ ഒരിക്കൽ പോലും ലോക്കപ്പിലോ ജയിലിലോ കിടന്നിട്ടില്ല… ഞങ്ങളെ പേരിൽ ഒരു സ്റ്റേഷനിലും ഒരു പെറ്റി കേസ് പോലും ഇല്ല… നാട്ടുകാർക്ക് മുന്നിൽ അഭിമാനകുറവും ഇല്ല…
പക്ഷേ നിങ്ങളെ ആങ്ങളമാർ നാട്ടുകാരെ മുന്നിൽ നാണം കെടും… ഇത് വെറുതെ പറയുകയല്ല… അവര് പറഞ്ഞ കുടുംബ മാനവും അന്തസ്സും എല്ലാം പോയി തല ഉയർത്തി ഒരാളെ നോക്കാൻ പറ്റാത്ത പരുവത്തിൽ അവരെ ഞാൻ എത്തിക്കും… നിങ്ങളെ കെട്ടിയോന് പൈസയും പെണ്ണും അല്ലേ വേണ്ടേ… രണ്ടുമില്ലാതെ അയാളെയും ഞാൻ നിർത്തും… അയാൾ നിങ്ങളെ പുറകെ നായയെ പോലെ നടക്കും… എന്റെ പെണ്ണിന്റെ ചിരി മാഴ്ച്ചവരെ എല്ലാം ഇനി ഒരിക്കലും ചിരിക്കാത്ത വിധത്തിൽആക്കും ഞാൻ… അതിനെന്താ വേണ്ടതെന്നെനിക്ക് വെക്തമായി അറിയാം…