Posted by
“ഞങ്ങടെ ബന്ധം ആരും അറിയരുതെന്ന് എന്നെക്കാൾ ഏറെ ആഗ്രഹിച്ചിരുന്ന ആളായിരുന്നു ജോസേട്ടൻ….”
“എടീ അപ്പോ ഇവിടെ വച്ചാ നിങൾ കാണുന്നത്…”
“അമ്പലത്തിൽ പോകുമ്പോഴും വരുമ്പോഴും പിന്നെ ലൈബ്രറിയിൽ….”
പുള്ളിയുടെ കട അമ്പലത്തിനു അടുത്താണ്…ചുമ്മാതല്ല 7മണിക്ക് തന്നെ കട തുറക്കുന്നത്….
ആ ഏറ്റു പറച്ചിൽ എന്നെ ഞെട്ടിച്ചത് ചില്ലറക്ക് ഒന്നുമല്ല…
“പക്ഷേ നിനക്കും ഇപ്പോഴത്തെ പെൺകുട്ടികൾക്കും ചിന്തിക്കാൻ പോലും പറ്റാത്ത ഒരു ഇഷ്ടമായിരുന്നു ഞങ്ങളുടേത്….”
“എന്നുവച്ചാൽ…”
“ഇന്ന് വരെ എൻ്റെ ശരീരത്തിൽ തൊടുകയോ അല്ല എന്നോട് തെറ്റായി പെരുമാറുകയോ ചെയ്തിട്ടില്ല….”
ജോസ് അണ്ണൻ….
ഒരു നല്ല മാന്യനായ ചെറുപ്പക്കാരൻ ആയിരുന്നു… കണ്ടാൽ തന്നെ അറിയാം ഒരു ശുദ്ധൻ… കള്ളുകുടി വലി ഒന്നുമില്ല… ഒരു പെങ്ങളും പ്രായമായ അമ്മയും ആയിരുന്നു കൂടെ ഉണ്ടായിരുന്നത്… പെങ്ങളെ കെട്ടിച്ച് വിട്ടു… കഴിഞ്ഞ വർഷം പുള്ളിയുടെ അമ്മയും മരിച്ചു… പെട്ടെന്നാണ് ഞാൻ ഓർത്തത് പുള്ളി ഇതുവരെ കല്യാണം കഴിച്ചിട്ടില്ല…
ആ ചിന്ത എന്നെ വല്ലാതെ കൊത്തി വലിച്ചു….
“ഞങ്ങൾക്ക് എന്തെങ്കിലും ഒന്നാകാൻ കഴിഞ്ഞില്ലെങ്കിൽ പുള്ളി കാരണം എനിക്കൊരു പേരുദോഷം ഉണ്ടാകരുതെന്നുള്ള ഒറ്റ ചിന്ത കൊണ്ടാണ് ഒരാളെയും അറിയിക്കാതെ പുള്ളി എന്നെ സ്നേഹിച്ചത്…”
“എന്നിട്ട് എന്താ നീ ഈ കാര്യം എന്നോട് പറയാതിരുന്നത്… ”
“അന്ന് നിനക്ക് എത്രയാ പ്രായം…???”
“അതും ശെരിയാണ്….”
“വീട്ടിൽ പറഞ്ഞാലും അച്ഛൻ സമ്മതിക്കില്ല… നിനക്കറിയാല്ലോ നമ്മുടെ വീട്ടിലെ അവസ്ഥ… ഇതര മതത്തിൽ പെട്ട ജോസേട്ടൻ്റെ കാര്യം നമ്മുടെ വീട്ടിൽ പറഞാൽ എന്തായിരിക്കും സ്ഥിതി… അത് മാത്രവുമല്ല എനിക്ക് താഴെയും ഇരുത്തി ഇല്ലേ വീട്ടിൽ….. അപ്പോ അവളുടെ കാര്യവും ഓർത്ത് എനിക്ക് ടെൻഷൻ ആയിരുന്നു…”
“എന്നിട്ടും ഒരു ദുർബല നിമിഷത്തിൽ ഞങ്ങൾ ഒളിച്ചോടാൻ പോലും തീരുമാനിച്ചതായിരുന്നു….”
“രണ്ടാമത്തെ പെണ്ണ് കാണലിൻ്റെ അന്നുരാത്രി 2 മണിക്ക് ജോസേട്ടൻ കവലയിൽ വന്നു നിൽക്കുമെന്ന് പറഞ്ഞിരുന്നു അന്ന് ഞാൻ എല്ലാം pack ചെയ്തു വച്ചതായിരുന്നു…. പക്ഷേ സമയമായപ്പോൾ എനിക്ക് ഭയമായിരുന്നു.. അത്കൊണ്ട് പോയില്ല… പുള്ളി രാവിലെ വരെ കാത്തുനിന്നു വിഷമിച്ച് തിരികെ പോയി…. ഒരുപക്ഷേ അന്നു ഞാൻ പോയിരുന്നെങ്കിൽ എൻറെ ജീവിതം തന്നെ മാറിയേനെ…. ”
“പിന്നെ നിങൾ ശ്രമിച്ചില്ലേ….???”