ആത്മസഖി 2 [ജിബ്രീൽ]

“ ഒരഞ്ചു മിനിട്ട് ……. ”സലു വിളിച്ചു പറഞ്ഞു

അൽപ സമയം കാത്തു നിന്നിട്ടും അവർക്ക് ഗ്രണ്ടിൽ നിന്നും കയറാൻ ഉദ്ദേശമില്ലന്ന് മനസ്സിലായ അവൾ, ഒരു ചായ കുടിച്ചിട്ട് വരാമെന്നു കരുതി കാന്റീനിലേക്കു നടന്നു

“എങ്ങോട്ടാടി…….” കാന്റീനിലേക്ക് പോകുന്ന വരാന്തയിൽ വെച്ച് ഫ്രഷേഴ്സ് ഡേക്ക് അവളുടെ കൈയ്യിൽ പിടിച്ചവൻ തടഞ്ഞു കൊണ്ട് പറഞ്ഞു

കോളേജ് വിട്ടിട്ട് കുറച്ചു നേരമായിട്ടുണ്ട് അതു കൊണ്ടു തന്നെ വരാന്തയിൽ ആരുമില്ല

“കാന്റീനിലേക്ക് …….” അവൾ ശാന്തമായി മറുപടി പറഞ്ഞു

അവൻ മാറി കൊടുത്തു

അവനെ മറികടന്ന് പോകാൻ നിന്ന അവളുടെ മുടി അവളിട്ടിരിക്കുന്ന ഷാളും കൂട്ടിയവൻ പിടിച്ചു വലിച്ചു

“ആ …….” അവൾ അലറി

പക്ഷേ അത് മുഴുവനാക്കാൻ കഴിയും മുമ്പ് അവളുടെ വായ അവൻ പൊത്തി അവളെ ചുമരിലേക്ക് ചാരി നിർത്തി

അവൾ കുതറി പക്ഷേ അവൻ വിട്ടില്ല. അവൾ കുറച്ചു സമയം അനങ്ങാതെ നിന്ന് ശ്വാസം വലിച്ചു വിട്ട് മുട്ട് കൈ കൊണ്ട് അവന്റെ വയറിനും നെഞ്ചിനുമിടയിൽ കുത്തി

“ആ ……. ആ…..” ഒരലർച്ചയോടെ അവൻ കൈ വിട്ടു

ഉടനെ ഒരു സൈഡ് കിക്കിൽ അവളുടെ കാൽ പാദം അവന്റെ കവിളിൽ പതിഞ്ഞിരുന്നു

ചുറ്റാൻ തുടങ്ങി തലയും വായയയിൽ ചോരയുടെ രുചിയുമായി അവൻ നിലത്തുവീണു

അവൻ പിടിച്ചു വലിച്ച കാരണം കെട്ട് വിട്ടിരുന്ന മുടി ഒന്നും കൂടി വാരി കെട്ടി ഷാള് തലയിൽ കൂടിയിട്ട് കാന്റീൻ ലക്ഷ്യമാക്കി വിട്ടു

 

ഇതെല്ലാം കുറചപ്പുറത്തെ തൂണിന്റെ മറവിൽ നിന്നും കണ്ടു കൊണ്ടിരുന്നിരുന്ന ചെയർമാൻ അഭിനവ് അവന്റെ കൂട്ടുകാരന്റെ അടുത്തേക്ക് ചെന്നു, അവനെ പറഞ്ഞു വിട്ടത് തന്നെ അഭിനവായിരുന്നു

അവൻ മിന്നുവിനെ ശല്യം ചെയ്യുമ്പോ അവളെ രക്ഷിച്ച് അവളുടെ മനസ്സിൽ സ്ഥാനമുണ്ടാക്കി എടുക്കാനുള്ള പദ്ധതിയാണ് പാളി പോയത്

പദ്ധതി പാളി പോയതിന്റെ ദേശ്യത്തിലും ബോധം കെട്ട് കിടക്കുന്നവന് എന്തെങ്കിലും പറ്റിയോ എന്ന പേടിയിലും അഭിനവ് കൂട്ടുകാരനെ തട്ടി വിളിച്ചു

&&&&&&&&&&&&&&&&&&&&&&&&&&&&&

വൈകുന്നേരത്തെ പ്രാക്ടീസെല്ലാം കഴിഞ്ഞ് സലുവും റാഷിയും സലുവിന്റെ വീട്ടിലേക്കെത്തി

പ്രാക്ടീസ് കഴിയാൻ സമയമെടുക്കുമെന്ന് മനസ്സിലായ മിന്നു സലുവിന്റെ ബൈക്കെടുത്ത് പോന്നിരുന്നു.

ബെല്ലടി കേട്ട് വാതിൽ തുറന്ന സൈനബ റാഷിയെ കണ്ടതും അവനെ തലങ്ങും വിലങ്ങും തല്ലാൻ തുടങ്ങി

“ഉമ്മാ ….. തല്ലല്ലേ ….. ഉമ്മ ….. ” അവൻ കരഞ്ഞു വിളിച്ചു കൊണ്ട് ഹാളിലേക്കു കയറി മേശക്കു ചുറ്റും ഓടാൻ തുടങ്ങി