Posted by പക്ഷെ അതൊക്കെ പഴയ കഥകൾ അല്ലെ. ഇപ്പൊ പുള്ളി സുഖം ഇല്ലാതെ ഇരിക്കുവാണെന്നു ആണ് അറിവ്. എന്തായാലും ഒരു അറുപതു വയസു കാണുവാരിക്കും. എങ്ങനെ ഉള്ള മനുഷ്യൻ ആണോ….
ഡേവിഡിനും നല്ല പേടി ഉണ്ട് അപ്പനെ ഫേസ് ചെയ്യാൻ. പക്ഷെ ഞങ്ങളുടെ ആവശ്യം ആയി പോയില്ലേ. ഭാസ്കരേട്ടൻ പറഞ്ഞ അറിവിൽ അപ്പന് കുറച്ചു സ്ഥലം കോട്ടയം അടിപ്പിച്ചു കിടപ്പുണ്ട്. എത്രയുണ്ടെന്ന് ഒന്നും അറിയില്ല പക്ഷെ കണ്ണായ സ്ഥലം ആണെന്നാണ് അറിഞ്ഞത്. പക്ഷെ അത് പ്രേത്യേകിച്ചു ഒന്നും ചെയ്യാതെ കിടക്കുവാണ്. അതാണ് ഞങ്ങളുടെ ഈ വരവിന്റെ മിഷൻ. അപ്പനെ സോപ്പിട്ട് ആ സ്ഥലം എഴുതി വാങ്ങണം. എന്ത് പറഞ്ഞു വാങ്ങും എന്ന് ഒരു ഐഡിയയും ഇല്ല. അപ്പന്റെ സ്വഭാവം അനുസരിച്ചു വേണം കാര്യങ്ങൾ നീക്കാൻ.
ഭാസ്കരൻ അങ്കിൾ അയച്ചു തന്ന ലൊക്കേഷൻ ഒക്കെ ഉണ്ടെങ്കിലും ഞങ്ങൾക്ക് ലൊക്കേഷൻ കൃത്യമായി കിട്ടിയില്ല.
“ബ്രോ വണ്ടി ദേ ആ കാണുന്ന കടയുടെ മുന്നിൽ നിർത്തു പ്ലീസ്”
ഡേവിഡ് പറഞ്ഞ പോലെ ഡ്രൈവർ ഒരു ചെറിയ ചായക്കടയുടെ മുന്നിൽ വണ്ടി നിർത്തി. ഡേവിഡ് തല കാറിനു വെളിയിലേക്കിട്ടു.
“ചേട്ടാ, ഈ കുഞ്ഞച്ചന്റെ വീട് ഏതാണ്?”
“ഏതു കുഞ്ഞച്ചൻ, ഇവിടെ ഒരുപാടു കുഞ്ഞച്ഛന്മാരുണ്ട്.”
“ചേട്ടാ പണ്ട് തടിമില്ല് ഒക്കെ ഉണ്ടായിരുന്ന. ഇപ്പൊ സിറ്റിയിൽ ഷോപ്പിംഗ് മാൾ ഒക്കെ ഉള്ള”
“ആ മൊതലാളിയോ…അത് പറയണ്ടേ.. ദേ ആ കാണുന്ന കുരിശടിയുടെ ഇടത്തോട്ട് ഉള്ള വഴി ഒരു മുന്നൂറ് മീറ്റർ പോയാൽ മതി വലത്തു സൈഡിൽ ഒരു വല്യ ഗേറ്റ് കാണും, തെക്കുംകാട്ടിൽ എന്ന് ബോർഡ് ഒക്കെ ഉണ്ട്. അത് തന്നെ വീട്.”
“ഒക്കെ ചേട്ടാ, താങ്ക്സ്”
ഡേവിഡ് പറഞ്ഞിട്ട് തല കാറിനുള്ളിലേക്ക് വലിച്ചു.
“അല്ല നിങ്ങൾ എവിടുന്നാ,?”
ചേട്ടൻ വിടാൻ ഭാവം ഇല്ല.
“കുറച്ചു ദൂരെന്നാ ചേട്ടാ, എന്റെ പേര് ഡേവിഡ്, പുള്ളിടെ മോനാ”
ചായക്കടക്കാരൻ ചേട്ടന്റെ കണ്ണ് തള്ളുന്നത് ഞാൻ കണ്ടു. പുള്ളി ഒന്നും പറഞ്ഞില്ല മിണ്ടാതെ തല കുലുക്കി ഞങ്ങൾക്ക് ബൈ പറഞ്ഞു. ഡേവിഡ് കാര്യം വ്യക്തം ആക്കി കൊടുത്തത് എന്തിനാണെന്ന് എനിക്ക് മനസിലായി. വീടിനു തൊട്ടടുത്തുള്ള ചായക്കട ആണ്. ന്യൂസ് ഇപ്പൊ നാട്ടിൽ പാട്ടാകും. ഡേവിഡ് ഇവിടെ സ്വയം എസ്റ്റാബ്ലിഷ് ചെയ്യുകയാണ്, കുഞ്ഞച്ചന്റെ മകനായി. അതെനിക്ക് ഇഷ്ട്ടപെട്ടു.
വണ്ടി ചായക്കടക്കാരൻ അമ്മാവൻ പറഞ്ഞ റൂട്ടിൽ നീങ്ങി. എനിക്ക് നല്ല ടെൻഷൻ ഉണ്ടായിരുന്നു. അവന്റെ കാര്യവും സെയിം അവസ്ഥ ആയിരിക്കും എന്ന് എനിക്ക് ഉറപ്പാ. ഡേവിഡ് തന്നെയാണ് ഇറങ്ങി ഗേറ്റ് തുറന്നതു. ഗേറ്റ് കടന്നു ഒരു നൂറു മീറ്റർ ഉണ്ടാകും വീട്ടിലേക്കു ഉള്ള vazhi. ആ വഴിയുടെ ഇരുവശവും ചെടികൾ ഒക്കെ വെച്ച് ഭംഗി ആക്കിയിരുന്നു.