Posted by
”ആ വീട്ടിലാ…“
പെണ്ണിന്റെ ദേഷ്യം ഒരല്പം തണുത്തെന്നു തോന്നിയപ്പോ ഞാൻ പറഞ്ഞു
”എന്നാ നിനക്കൊന്നുഇവിടെ വരെ വരാൻ പറ്റുമോ….?
ആ ചോദ്യം കേട്ട് ശെരിക്കും പറഞ്ഞാൽ ഞാനൊരു നിമിഷം വായും തുറന്നിരുന്നു പോയി…..ചാരു…അവളെന്നോട് അവളുടെ ഫ്ലാറ്റിലേക്ക് ചെല്ലാൻ പറ്റുമോ എന്നല്ലേ ചോദിച്ചത്…
“ഹലോ ഞാൻ പറഞ്ഞത് നീ കേട്ടോ..?
എന്റെ മറുപടിയൊന്നും കേൾക്കാത്തത് കൊണ്ടവൾ വീണ്ടും ദേഷ്യത്തിൽ ചോദിച്ചു….
”ആ കേട്ടു കേട്ടു…ഞാനിപ്പോ നിന്റെ അടുത്തേക്ക് വരണമെന്നാണോ നീ പറയുന്നേ…“
”അഹ് അതന്നെ…പതിനഞ്ചു മിനിറ്റിനുള്ളിൽ ഫ്ലാറ്റിനു താഴെ എത്തിക്കോണം…“
അതും പറഞ്ഞവൾ കാൾ കട്ട്‌ ചെയ്തു….ഏഹ് ദൈവമേ ഇവളിപ്പോ എന്തിനാവും എന്നെ വിളിപ്പിച്ചത്…രാവിലത്തെ കടം വീട്ടാൻ വേണ്ടിയാണോ…
”അങ്ങനെ ആണെങ്കിൽ നിന്റെ കാര്യമിന്ന് തീരുമാനമാകുമെടാ ആദി….“”“
ഓഹ് ഒന്ന് മിണ്ടാതിരിയെടാ മനസ്സ് തെണ്ടി…..ഓരോന്ന് ഓർത്തു കൂട്ടി ഞാൻ വേഗം ഡ്രസ്സ്‌ മാറി…കാര്യമായിട്ട് ഒന്നുമില്ല ഇട്ടിരുന്ന ഷർട്ട്‌ മാറിയൊരു നല്ല ബനിയൻ എടുത്തിട്ടു പിന്നെയുള്ളത് നിക്കറാണ്…ഡെനിം ജീൻസിന്റെ തുണിയായത് കൊണ്ടു തന്നെ പുറത്തേക്ക് ഇട്ടു പോകാൻ വല്യ പ്രശ്നമായില്ല…അതുകൊണ്ട് അത് മാറ്റാൻ നിൽക്കാതെ ഞാൻ ചാവിയുമെടുത്തു വെളിയിലേക്ക് നടന്നു…പിന്നെയെന്തോ ഓർത്തത് പോലെ ഞാൻ റൂമിലേക്ക് തിരിച്ചു കയറി വല്ലപ്പോഴും മാത്രം ഉപയോഗിക്കാറുള്ള ഹെൽമെറ്റും എടുത്തു കയ്യിൽ
പിടിച്ചു…സേഫ്റ്റിക്ക്…
വീട്ടുകാരോട് പറഞ്ഞിട്ട് പോയാലോ എന്ന് വിചാരിച്ചെങ്കിലും പിന്നെ എവിടേക്ക് പോകുമെന്ന ചോദ്യം പ്രതീക്ഷിക്കുന്നത് കൊണ്ടു ഞാൻ ഒട്ടും തന്നെ ശബ്ദമുണ്ടാക്കാതെ ടെറസ്സിലേക്ക് കയറി…അവിടെയൊരു മൂലയിലായി താഴേക്ക് ചാരി വച്ചിട്ടുള്ള ഏണി വഴി മുറ്റത്തേക്ക് ഇറങ്ങി….പോർച്ചിൽ കിടന്ന ബൈക്ക് തള്ളി പെറുക്കി വീടിന്റെ മതിലും കടന്നുള്ള വഴിയിലെത്തിയപ്പോ ആണ് സ്റ്റാർട്ട് ആക്കിയത്…വെൽ പ്ലാൻഡ് ആയിട്ട് പോയി ചാരുവിന്റെ കടി കൊള്ളുമോ എന്നൊരു പേടി ഉള്ളിലുണ്ട്….
അവൾ താമസിക്കുന്ന ഫ്ലാറ്റ് എവിടെ ആണെന്നൊക്കെ എനിക്ക് നിശ്ചയമുണ്ട് പോരാത്തതിന് രാത്രിവൈകിയത് കൊണ്ടു റോഡിലൊന്നും ഒറ്റ മനുഷ്യനുമില്ല…വെച്ചടിച്ചു പോന്നത് കൊണ്ടു തന്നെ പതിനഞ്ചു മിനിറ്റിനു മുൻപേ ഞാൻ ഫ്ലാറ്റിനു മുൻപിലെത്തി
സെക്യൂരിറ്റിക്കാരൻ അവടെ ഉണ്ടാകാൻ സാധ്യത ഉള്ളതുകൊണ്ട് തന്നെ ഞാൻ അകത്തേക്ക് കയറാതെ പുറത്തുള്ള മതിലിനോട് ചേർന്നു വണ്ടി നിർത്തിയിറങ്ങി