ആത്മസഖി [ജിബ്രീൽ]

സൈനബക്ക് അവളെ കോളേജിൽ പഠിപ്പിക്കുന്ന അസീസ് എന്ന അധ്യാപകനോട് പ്രണയം.

മകളുടെ ഇഷ്ടം മനസ്സിലാക്കിയ അബ്ദുള്ള അനാഥനായ അസീസിന് മകളെ കൈ പിടിച്ചു കൊടുത്തു.

വർഷങ്ങളുടെ കാത്തിരിപ്പിനു ശേഷം അവർക്കുണ്ടായ മകനാണ് അമീൻ സൽമാൻ

അതേ ദിവസം തന്നെയാണ് റഫീഖിനും ഭാര്യ മറിയത്തിനും മകൾ അമാന ഫാത്തിമയും ജനിക്കുന്നത്

അമീന് രണ്ട് വയസ്സുള്ളപ്പോൾ ക്ലാസെടുത്തു കൊണ്ടിരിക്കുകയായിരുന്ന അസീസ് കുഴഞ്ഞ് വീണ് മരിച്ചു പോയി

&&&&&&&&&&&&&&&&&&&&&&&&&&&&&

ജെ എസ് എം കൊമേഴ്സ് കോളേജ് , വേങ്ങര എന്നെഴുതിയ വലിയ കാവാടത്തിനുള്ളിലേക്ക് അമീൻ സൽമാൻ അവന്റെ ബൈക്ക് കയറ്റി

പാർക്കിങ്ങിൽ വണ്ടി നിർത്തി മിന്നുവിന്റെ അടുത്തെത്തിയ സലു കാണുന്നത് ചുറ്റിനും നോക്കുന്നവളെയാണ്

“നീ എന്താ ഈ നോക്കുന്നെ ……”

“ ഇന്ന് ഫസ്റ്റ് ഡേയല്ലേ ഇവിടെ റാഗിങ്ങൊന്നും ഇല്ലേ ”

“ ഇപ്പോ ആരും റാഗ് ചെയ്യാത്തതാണോ നിന്റെ പ്രശ്നം ”

“ആരെങ്കിലുമൊക്കെ ഒന്ന് റാഗീതാലല്ലേ ഒരു രസണ്ടാവാ…….” മന്നു ഒരിളം ചിരി ചിരിച്ചു കൊണ്ട് ചോദിച്ചു

“നീ തൽക്കാലം ഉള്ള രസം വെച്ച് അഡ്ജസ്റ്റ് ചെയ്യ് ”

“ഡീ……ഇങ്ങ് പോരാൻ നോക്ക് ക്ലാസ് കണ്ടും പിടിക്കണം ”പിന്നേം അവിടെ മുട്ടി തിരിഞ്ഞ് നിൽക്കുന്നവളുടെ കൈ പിടിച്ചു കൊണ്ടവൻ പോയി

“സലൂ…….” കോളേജിന്റെ വരാന്തയിലൂടെ ക്ലാസ് നോക്കി നടക്കുന്ന അവരെയാരോ പുറകിൽ നിന്ന് വിളിച്ചു

മിന്നുവും സലുവും തിരിഞ്ഞു നോക്കിയപ്പോൾ കണ്ടത്. ഏതോ ഒരു മൊഞ്ചത്തി പെൺകുട്ടിയുടെ കൈ പിടിച്ചു കൊണ്ട് അവരുടെ അടുത്തേക്ക് വരുന്ന അവരുടെ കൂട്ടുകാരൻ റാഷിദിനെയാണ്

“ഹന്ന …….. എന്റെ ബെസ്റ്റ് ഫ്രണ്ട്സാണ് ഇത് ,സലു പിന്നെ ഇവള് ഇവന്റെ പെങ്ങൾ മിന്നു ” റാഷിദവരെ ആ പെൺകുട്ടിക്ക് പരിജയപെടുത്തി കൊടുത്തു

“പെങ്ങളല്ല …. കസിൻ ” അടുത്ത നിമിഷം തന്നെ മിന്നു അവനെ തിരുത്തി

“ രണ്ടും ഒന്നു തന്നെ ….., പിന്നെ മക്കളേ ഇതാണെന്റെ ഗേൾഫ്രണ്ട് ഹന്ന” അവൻ ഒരു പുഞ്ചിരിയോടെ ഹന്നയെ ചൂണ്ടി

“ നിന്റെ പഴയ കാമുകിയുല്ലേ അപ്പോ നിന്നെ തെരെഞ്ഞ് ഗേറ്റിന്റെ അവിടെ നിക്കുന്നത് …. ?” മിന്നു അവളുടെ സ്വരത്തിൽ ആശ്ചര്യം നിറച്ചു

“ആര് …… ആമിനയോ ” റാഷിദിന്റെ മുഖത്ത് വെപ്രാളം

മിന്നു അല്ലായെന്ന് തലയാട്ടി

“പിന്നെ ശ്രുതി ……”

“ഫായില……, നുസൈറ ……, ആരതി ……”

അവൻ പറയുന്ന ഒരോ പേരും തലയാട്ടി മിന്നു നിഷേദിക്കുന്നത് കണ്ടവൻ സലുവിനെ നോക്കി, അവന്റെ മുഖത്തെ ചിരി കണ്ടപ്പോഴാണ് അവനമളി മനസ്സിലായത്