Posted by അതിനാല്‍ കുഞ്ഞിന്റെ കാര്യം അവര്‍ നോക്കിക്കൊള്ളാമെന്നും ഇപ്പോള്‍ അച്ചനെ നോര്‍മല്‍ ജീവിതത്തിലേക്ക് തിരിച്ചു കൊണ്ടു വരേണ്ടത് അത്യാവശ്യമായതിനാല്‍ എന്നോട് അച്ഛന്റെ കൂടെ പോയി താമസിച്ചു കൊള്ളാനും അവര്‍ പറഞ്ഞു.അഴ്ചയില്‍ ഒരു ദിവസം അവര്‍ അച്ഛനെ കാണാന്‍ വരാമെന്നും കൂടെ എന്റെ മോളെയും കൊണ്ടു വരാം അങ്ങിനെ കുറേശ്ശെയായി അച്ഛനെ ജീവിതത്തിലേക്ക് തിരിച്ച് കൊണ്ടു വരാമെന്നും അവര്‍ പറഞ്ഞു. അതൊരു നല്ല അഭിപ്രായമായി എനിക്കും തോന്നി . ഇത്രയും നല്ല ഒരു അമ്മായിയച്ഛനേയും അമ്മായിയമ്മയേയും കിട്ടിയതില്‍ ഞാന്‍ ദൈവത്തോട് നന്ദി പറഞ്ഞു. അപ്പോള്‍ തന്നെ ഞാന്‍ അച്ഛനെ മൊബൈല്‍ ഫോണില്‍ വിളിച്ച് ഇവിടത്തെ തീരുമാനങ്ങള്‍ അറിയിച്ചു. എല്ലാം കേട്ടപ്പോള്‍ അച്ഛനു വലിയ സന്തോഷമായി.
അന്ന് രാത്രി തന്നെ ഞാന്‍ സനുവിനെ വിളിച്ചും ഈ പുതിയ ഡവലപ്‌മെന്റ്‌സ് അറിയിച്ചു. സനുവിനും ഇക്കാര്യത്തില്‍ എതിര്‍പ്പൊന്നുമില്ലായിരുന്നു. അങ്ങിനെ പിറ്റേന്ന് തന്നെ ഞാന്‍ എന്റെ ഡ്രസ്സുകളെല്ലാം എടുത്ത് അച്ഛന്റെ കൂടെ താമസിക്കാനായി പുറപ്പെട്ടു. അങ്ങിനെ അമ്മയുടെ സ്ഥാനത്ത് നിന്ന് വീടിന്റെ ഭരണം നടത്താനും പഴയ അച്ഛനെ തിരിച്ചെടുക്കാനുമുള്ള ഒരു പുതിയ മിഷന്‍ ഞാന്‍ ഏറ്റെടുത്തു.
അച്ഛനുമമ്മയും ഉപയോഗിച്ചിരുന്ന കിടപ്പു മുറി എന്നോട് ഉപയോഗിച്ചു കൊള്ളാന്‍ അച്ഛന്‍ പറഞ്ഞു. അതെനിക്കും സൗകര്യമായിരുന്നു. ടോയ് ലറ്റ് അറ്റാച്ഡ് ആയതിനാല്‍ രാത്രി സനുവിനോട് വീഡിയോ കോളില്‍ എല്ലാം കാണിച്ച് വിശദമായി സംസാരിക്കാന്‍ അത് സൗകര്യമായി.
വീട്ടു ഭരണം ഏറ്റെടുത്ത ശേഷം ആദ്യമായി ഞാന്‍ ചെയ്തത് പഴയ ജോലിക്കാരിയെ പറഞ്ഞയക്കലായിരുന്നു. പാചകവും വാഷിംഗ് മെഷീനില്‍ തുണി അലക്കലുമെല്ലാം ഞാന്‍ സ്വയം ചെയ്യാന്‍ തുടങ്ങി. വീട് വൃത്തിയാക്കാനും പാത്രങ്ങള്‍ കഴുകാനുമൊക്കെയായി മറ്റൊരു സ്ര്തീയെ നിയമിച്ചു. ഒഴിവ് സമയത്ത് ഞാന്‍ അച്ഛന്റെ കൂടെയിരുന്ന് എന്തെങ്കിലുമൊക്കെ സംസാരിച്ച് അച്ഛനെ സന്തോഷിപ്പിക്കും.അമ്മായിയമ്മയില്‍ നിന്ന് പഠിച്ച പാചക രീതികളില്‍ അച്ഛനിഷ്ടമുള്ള ഭക്ഷണങ്ങള്‍ ഉണ്ടാക്കി ചൂടോടെ സെര്‍വ് ചെയ്യും. ഞങ്ങള്‍ ഒരുമിച്ചിരുന്ന് ഭക്ഷണം കഴിക്കും .
പുറത്തേക്ക് പോയി കറങ്ങി വരാന്‍ ഞാന്‍ അച്ഛനെ നിര്‍ബന്ധിക്കാറുണ്ടെങ്കിലും മറ്റുള്ളവരുടെ വില കുറഞ്ഞ സഹതാപം കേള്‍ക്കാനിഷ്ടമില്ലാത്തതിനാല്‍ അത് വേണ്ടെന്നാണു അച്ഛന്‍ പറഞ്ഞത്. പക്ഷേ വീട്ടില്‍ ഞാന്‍ അച്ഛനെ നിബന്ധിച്ച് വ്യായാമങ്ങള്‍ ചെയ്യിക്കുന്നത് ശീലമാക്കി. ഞായറഴ്ച ദിവസം സനുവിന്റെ അച്ഛനുമമ്മയും എന്റെ മോളെയും കൊണ്ട് വീട്ടില്‍ വരും .വരുമ്പോള്‍ നോണ്‍ വെജ് എന്തെങ്കിലുമൊക്കെ വാങ്ങി കൊണ്ട് വരും .