Posted by ഞാൻ ലാബിൽ ചെന്നയുടനെ ഞങ്ങളുടെ ടേബിളിലെ ഉപകരണങ്ങൾ അമ്മ ഇന്നലെ പറഞ്ഞുതന്നതുപോലെ ഓരോന്നായി ക്ലീനാക്കാൻ തുടങ്ങി.. അവളു വരുമ്പോ തന്നെ ഞെട്ടണം ആ ഒരു ഉദ്ദേശത്തോടെയാണ് എൻ്റെ ഈ പ്രവർത്തി…
തേനീച്ചകൾ ഇരച്ചു വരുന്നതുപോലെ ലാബിലേക്ക് പ്ലസ് ടൂ പട കയറി വന്നു..
മുഖത്ത് ഫിറ്റ് ചെയ്ത ജാടയുമിട്ട് ലക്ഷ്മി എൻ്റെ അടുക്കലേക്ക് വന്നു.. പ്രതീക്ഷിച്ചതുപോലെ തന്നെ ലക്ഷ്മി എൻ്റെ ആത്മാർഥത കണ്ട് ഞെട്ടി.. പക്ഷേ അതിലേറെ ഞെട്ടിയത് ഞാനാണ് അവളുടെ അടുത്ത ഡയലോഗ് കേട്ടിട്ട്…
” ടാ സോറി..”
ഇവളെന്തിനാ ഇപ്പൊ സോറി പറയുന്നതെന്ന് എനിക്ക് മനസിലായില്ല..
” ഇന്നലെ ഞാൻ നിന്നോട് റൂടായിട്ടല്ലെ പെരുമാറിയത്…ഞാൻ നിൻ്റെ പേര് പോലും ചോദിച്ചില്ല…” കാര്യം എന്താണെന്ന് മനസ്സിലാവാതെ ഇരുന്ന എന്നോട് അവൾ ബാക്കികൂടി പറഞ്ഞു..
ഞാൻ ആകെ പേരറിയാത്ത ഒരു അവസ്ഥയിലായി..ഇവളെ കടിച്ചുകീറാനുള്ള ദേഷ്യമുണ്ടായിരുന്ന എനിക്ക് ഈ വാക്കുകൾ കേട്ടതോടെ അതെല്ലാം അപ്രത്യക്ഷമായി…ഞാൻ അവളുടെ സങ്കട വാക്കുകൾക്ക് മുന്നിൽ മുന്നിയുംകുത്തി വീണു….
” എടാ നീയൊന്നും പറഞ്ഞില്ല…” എൻ്റെ മറുപടി ഒന്നും കേക്കാത്തൊണ്ട് അവൾ ചോദിച്ചു…
” അതൊന്നും സാരില്ല…” എനിക്കത്രെയെ പറയാൻ സാധിച്ചുള്ളൂ…
“എൻ്റെ പേര് ലക്ഷ്മി മാധവ്.. ” ഒരു ഹസ്ത ദാനത്തിനായി എനിക്കു നേരെ കരങ്ങൾ നീട്ടിക്കൊണ്ട് അവൾ അവളുടെ പേരു പറഞ്ഞു…
മാധവ് ആ പേര് ഞാൻ എവിടെയോ കേട്ടിട്ടുണ്ടല്ലോ പക്ഷേ അതാലോചിച്ച് തല പുണ്ണാക്കാതെ ഞാൻ അവൾക്ക് എൻ്റെ കരങ്ങൾ സമ്മാനിച്ചുകൊണ്ട് എന്നെ സ്വയം പരിചയപെടുത്തി..
” ഞാൻ അർജ്ജുൻ…അർജ്ജുൻ സിദ്ധാർത്ഥ്… ”
അതു കേട്ടതും അവളുടെ മുഖത്ത് ഒരു ഞെട്ടൽ പ്രകടമായോ….??
” ഓഹോ അപ്പോ നീയാണല്ലെ രാഹുലിനെ തല്ലിയവൻ…” അവളൊരു കള്ള ഗൗരവത്തോടെ പറഞ്ഞു…