Posted by
ലല്ലു : എടാ ഞാൻ കളിച്ചിട്ടൊന്നൂല്ല.
ഞാൻ : പിന്നെ ഞാൻ കണ്ടതോ
ലല്ലു : എടാ അത് അങ്ങനെ അല്ല. ഞാൻ പറയാം:-
നീ മായയെ കാണാൻ പോയപ്പോൾ ഞാൻ സിറ്റൗട്ടിൽ ഇരിക്കുവല്ലായിരുന്നോ. ബാക്കി ഇരുന്ന കള്ള് ഞാൻ തീർത്ത് കുപ്പി എടുത്ത് എറിഞ്ഞത് നീ കണ്ടതല്ലേ. അതിൻ്റെ മൂഡിൽ ഞാൻ അവിടെ ഇരുന്നപ്പോൾ അറിയാതെ ഒന്ന് കണ്ണടഞ്ഞു പോയ്. എനിക്കറിയില്ലല്ലോ നീ അവളേയും കൊണ്ട് പുറത്തിറങ്ങുമെന്ന്. അതറിഞ്ഞിരുന്നെങ്കിൽ ഞാൻ വലുതായിട്ട് പ്ലാൻ ചെയ്തേനെ. ഞാനങ്ങനെ ചെറിയ മയക്കം പിടിച്ചു വന്നപ്പോൾ ആരോ വന്ന് കൈയ്യിൽ തട്ടിവിളിച്ചു. നോക്കുമ്പോൾ നവ്യ.അവളുടെ അമ്മ പുറത്തിറങ്ങുന്നത് കണ്ട് നിങ്ങളെ ഫോളോ ചെയ്ത് വന്നതായിരുന്നു അവൾ. അപ്പോഴാ എന്നെ കണ്ടത്. അങ്ങനെ അവൾ എന്നെയും കൂട്ടി നിങ്ങളുടെ പിന്നാലെ വന്നു. നിങ്ങൾ അവിടെ അസ്ത്ഥിത്തറയ്ക്ക് മുന്നിൽ ഞങ്ങൾ ഇവിടെ മാറി വീടിൻ്റെ ചുമരിൻ്റെ സൈഡിൽ.
നവ്യ : ചേട്ടന് നേരത്തെ അറിയാമായിരുന്നോ ഇവരുടെ ഈ ബന്ധം
ലല്ലു : ഞാൻ കുറച്ച് മുന്നെയാ അറിഞ്ഞെ. നേരത്തെ അറിഞ്ഞിരുന്നെങ്കിൽ ഞാൻ നിന്നെ വിളിക്കുമ്പോൾ പറയില്ലായിരുന്നോ
നവ്യ : എന്നാലും എൻ്റെ അമ്മയെ പറ്റി ഞാൻ ഇങ്ങനല്ല കരുതിയെ
ലല്ലു : മോളു, അവൻ കുറച്ച് മുന്നെ എന്നോട് എല്ലാം പറഞ്ഞതാ. അവർ തമ്മിൽ പ്രണയത്തിലാണ് നമ്മളെ പോലെ
നവ്യ : നമ്മളെ പോലയോ? ആ നിൽക്കുന്നത് എൻ്റെ അമ്മ ആണ്. ഈ പ്രായത്തിലാണോ പ്രണയം. അതും ഇതൊക്കെ കുമ്പസാരിക്കുന്ന സ്ഥലം നോക്കിക്കെ അച്ഛൻ്റെ അസ്ത്ഥിത്തറയ്ക്ക് മുന്നിൽ. അതും സ്വന്തം ഭർത്താവ് മരിച്ച് 16 പോലും കഴിഞ്ഞില്ല. ഇവരൊക്കെ എന്ത് തരം ആൾക്കാരാണ്
ലല്ലു : ശ്’… ശബ്ദിക്കാതെ അവർ എന്താ പറയുന്നതെന്ന് ശ്രദ്ധിക്ക്