Posted by ശ്ശെടാ…ഇത്രേ ഉള്ളോ ഇവൾ…!! കഴിഞ്ഞ തവണ ഈറ്റപ്പുലി കണക്കിന് തന്നോട് ഡയലോഗ് അടിച്ചു ജയിച്ച ആളാണ് ഇതെന്ന് പറയില്ലല്ലോ… അറിയുന്ന ആളുകളോട് മാത്രമേ പുലി പോലെ നിൽക്കൂ ലേ..? ആ… അത് പോട്ടെ, അതല്ലല്ലോ ഇവിടുത്തെ പ്രശ്നം..
അപ്പൊ ഇതാണ് സംഭവം..!!
സിദ്ധു അവൾക്ക് കാണുന്ന പാകത്തിന് നിന്നുകൊടുത്തു.. അവളുടെ നോട്ടം തന്നിലേക്ക് വന്നപ്പോൾ അവളെയും അവനെയും മാറി മാറി നോക്കി…
ചുറ്റിനും നോക്കിനിന്നിരുന്ന അവൾ അവനെ കണ്ടതോടെ സങ്കടം കൂടി… കണ്ണുകൾ കൊണ്ട് സിദ്ധുവിനോട് സഹായിക്കാനായി അവൾ കെഞ്ചി..
ആദ്യമൊന്നും അവൻ അവളുടെ ചെയ്തികൾ മൈൻഡ് ചെയ്തില്ല,അഹങ്കാരം കുറച്ചു കുറഞ്ഞോട്ടെ എന്ന ചിന്തയായിരുന്നു മനസ്സിൽ.. വീണ്ടും നോക്കുമ്പോൾ ആ പന്നൻ അവളുടെ പുറകുവശത്തോട് നൈസായി ചേർന്ന് നിന്ന് കഴുത്തിനരികിലേക്ക് മുഖം അടുപ്പിച്ചു അവളുടെ മണം ആസ്വദിക്കുന്നതെല്ലാം കണ്ടതോടെ സിദ്ധുവിന് കുരു പൊട്ടി…
അവളുടെ മുഖത്തേക്ക് നോക്കി ഒരു പുച്ഛച്ചിരി ചിരിച്ചുകൊണ്ട് അവൻ ശരീരമൊന്നു സ്‌ട്രെച്ച് ചെയ്തു..
അവന്റെ തരിപ്പ് തീർക്കാൻ തന്നെ സിദ്ധു തീരുമാനിച്ചു… കുറെ വർഷം പഠിച്ച കാര്യങ്ങൾ നന്നായിട്ടൊന്നു പരീക്ഷിക്കാമെന്നു കണക്കു കൂട്ടികൊണ്ട് അവൻ നിന്നിടത്തു നിന്നും നീങ്ങി..
പിന്നെ വീണ്ടും പുറകിലൂടെ ആളുകളെ വകഞ്ഞുമാറ്റി അവർക്കടുത്തേക്ക് ചെന്നു.. അവന്റെ ശ്രദ്ധ ചെറുതായി വിട്ട നേരം അവളെ അവനരികിൽ നിന്നും മാറ്റി സിദ്ധു ആ സ്ഥാനത്ത് കേറി നിന്നു…
അവൻ തിരിഞ്ഞു നോക്കിയപ്പോൾ നിന്നിരുന്ന പെണ്ണിനെ മാറ്റി അവിടെ നിക്കുന്ന സിദ്ധുവിനെ കണ്ടപ്പോൾ ഒരു സ്പെല്ലിങ് മിസ്റ്റേക്ക് തോന്നി ..സിദ്ധുവിന്റെ നിൽപ്പും മട്ടും ഭാവവും കണ്ടു അവന് മനസിൽ പല ചിന്തകളും പോയി…
സിദ്ധുവിനാണെങ്കിൽ ആ പയ്യന്റെ ചൊറിഞ്ഞ നോട്ടം കണ്ടപ്പോൾ അടി ഏത് നിമിഷം വേണമെങ്കിലും നടക്കും എന്ന കാര്യത്തിൽ ഏതാണ്ട് ഒരു തീരുമാനമായി …