ശ്രീയുടെ ആമി [ഏകലവ്യൻ]

“സത്യം??”

“ആ..”

“എത്ര ആയി??”

“വൺ ഇയർ”

“വൗ..”

റിതിൻ ഒരു നെടുവീർപ്പോടെ അവളുടെ മുഖത്തു നിന്നും കണ്ണെടുത്ത് ഡാൻസ് ചെയ്യുന്നവരിലേക്ക് കണ്ണ് നട്ട് കാലിൽ കാലെടുത്ത് വച്ച് നേരെ ഇരുന്നു. അവന്റെ മൂഡ് മങ്ങിയത് മനസ്സിലായ അവൾക്ക് വല്ലാതെയായി.

“മതിയായില്ലേ?? ഇപ്പോൾ ഇഷ്ടം ഓക്കെ പോയില്ലേ??”

സങ്കടവും ദേഷ്യവും കലർന്ന വികാരത്തോടെ അവൾ ചോദിച്ചു. ആ ചോദ്യം റിതിനു ഒരു അമ്പരപ്പായിരുന്നു. പെണ്ണിന് തന്നോട് ഇഷ്ടമുണ്ടെന്ന് സൂചിപ്പിക്കുന്ന സിഗ്നൽ.

“ആര് പറഞ്ഞു??”

അത് കേട്ടപ്പോൾ ആമി യുടെ കണ്ണുകൾ വിടർന്നത് പോലെ..

“പിന്നെ??”

അവൾ ആകാംഷയോടെ ചോദിച്ചു.

“എന്റെ ഇഷ്ടം കുറഞ്ഞിട്ടൊന്നുമില്ല..”

“റിലേഷൻ ഉണ്ടെന്നറിഞ്ഞാൽ പിന്നെ ആ പെണ്ണിനെ എങ്ങനെ ഇഷ്ടപ്പെടാനാകും?”

“അതിനെന്താ.. സ്നേഹം ഒരാൾക്ക് മാത്രമേ കൊടുക്കാൻ പാടുള്ളു എന്നുണ്ടോ??”

“അയ്യേ…”

അൽപനേരം അവരൊന്നും മിണ്ടിയില്ല. അവളെ ഒരു വല്ലായ്മ പിടി മുറുക്കുന്നുണ്ട്. അവൾ ഇടക്ക് റിതിനെ നോക്കുന്നു. അപ്പോഴാണ് അവളുടെ ഫോണിൽ ശ്രീയുടെ മെസ്സേജ് വന്നത്. അവളത് നോക്കി റിപ്ലൈ കൊടുക്കാതെ റിതിൻ കാണാതെ മറച്ചു വച്ചു.

“ഞാൻ ഒരു കാര്യം പറയട്ടെ??”

റിതിൻ ചോദിച്ചപ്പോൾ ആകാംഷയോടെ അവളവനെ നോക്കി.

“തനിക്ക് എന്നോട് ഇഷ്ടമുണ്ടോ?? അത് പറ.”

“മ്മ് ഇഷ്ടമൊക്കെയുണ്ട്..”

“പ്രണയം??”

“അറിയില്ല..”

“അവൻ ഉള്ളപ്പോൾ തന്നെ എന്നെയും ഇഷ്ടപ്പെടുന്നത് കൊണ്ട് കുഴപ്പമുണ്ടോ??”

“ചെ ഏട്ടൻ എന്തൊക്കെയാ പറയുന്നേ?? എനിക്ക് ശ്രീയെ ചതിക്കാനാവില്ല..”

“അയ്യോ ചതിക്കണം എന്നാരു പറഞ്ഞു??” എന്നെയും പ്രണയിച്ചാൽ മതി. അവനെ പതിയെ അറിയിക്കാം.. അപ്പോൾ ചതി ആവുന്നില്ലലോ..”

“അയ്യോ അതൊന്നും നടക്കില്ല..”

“നോക്കാം നമുക്ക്.. ഒന്ന് ട്രൈ ചെയ്തൂടെ. അവൻ അതിനു ഓക്കേ ആണെങ്കിൽ കുഴപ്പമില്ലല്ലോ..?”