കോളേജ് പഠനം അങ്ങനെ പോയി കൊണ്ടിരിക്കെ ഒരു ദിവസ്സം അവളുടെ കോളേജിൽ നിന്ന് കോൾ വന്നു. ഉടനെ ഞാനും ഉമ്മയും അവളുടെ കോളേജിലേക്ക് പോയി പ്രിൻസിപ്പൾ അവിടെ യുണ്ടായ കാര്യങ്ങൾ ഒക്കെ പറഞ്ഞു.. അവിടെ തന്നെ ഒരു കുട്ടിയും നിൽക്കുന്നുണ്ടായിരുന്നു അവന്റെ ഷർട്ടിലും പന്റിലും ഒക്കെ മണ്ണും മുഖത്ത് ചോരയും ഒക്കെ ഉണ്ടായിരുന്നു…
പ്രിൻസിപ്പൾ പറഞ്ഞ കാര്യം കേട്ട് ഉമ്മാക്ക് ആകെ വിഷമം ആയി… ഉടനെ പ്രിൻസിപ്പൾ ആ കുട്ടിയോട് ആയിട്ട് പറഞ്ഞു. നീ പ്രതികരിച്ചത് ഒക്കെ നല്ല കാര്യം തന്നെ ഞാൻ ആയാലും പ്രതികരിക്കും. എന്ന് വെച്ചു ഇങ്ങനെ ഒന്നും ചെയ്യരുത്.. അവന്റെ കോലം കണ്ടില്ലേ നീ…
നീ ഒരു കാര്യം ചെയ്യ് ഒരു 2 വീക്ക് വീട്ടിൽ ഇരിക്ക് ഈ പ്രശ്നം ഒന്ന് ചൂടാറാട്ടെ എന്നിട്ട് വന്നാൽ മതി.. അത് വരെയുള്ള നോട്സ് ഒക്കെ കറക്റ്റ് ആക്കിക്കോണം.. എന്ന് പറഞ്ഞു അവന്റെ നോക്കാൻ ആയിട്ട് അവിടെ ഉണ്ടായിരുന്നവരോട് പറഞ്ഞു. ഒരു ടീച്ചറും സാറും കൂടി അവനെ കൊണ്ട് പോയി.. അവന്റെ ക്ലാസ്സ് ടീച്ചർ ആയിരിക്കണം നല്ല സ്നേഹത്തിൽ ആണ് അവര് അവനെ കൊണ്ട് പോയത്…
ഞങ്ങൾ അവനെ നോക്കുന്നത് കണ്ട് കൊണ്ട് പ്രിൻസിപ്പൾ പറഞ്ഞു…
” അവൻ ആണ് മോളുടെ വിഷയത്തിൽ ഇടപ്പെട്ടത് അതിന്റെ കോലം ആണ് അവന്റെ ശരീരത്തിൽ…..
പിന്നെ ഇതിന്റെ പേരിൽ ഒരു കുഴപ്പത്തിന് ഒന്നും നിൽക്കരുത് ഞാൻ നിങ്ങളോട് അപേക്ഷിക്കുകയാണ്… ആ കുട്ടിക്കുള്ളത് കണക്കിൽ ഇവൻ കൊടുത്തിട്ടുണ്ട്… ഈ ഒരു കുഴപ്പം കൊണ്ട് ആ കുട്ടിയെ പറഞ്ഞു വിട്ടു… ഞങ്ങളുടെ ഭാഗത്തു നിന്ന് ഞങ്ങൾ ചെയ്യാവുന്ന അത്രയും ചെയ്തു.. ഇനി ഒരിക്കലും ഇത് പോലുള്ള ഒരു കാര്യം ഇവുടെ ഉണ്ടാവില്ല എന്ന് ഞങ്ങൾ ഉറപ്പ് തരാം… നിങ്ങളും കുഴപ്പം ഒന്നും ഉണ്ടാക്കില്ലന്ന് ഉറപ്പ് തരണം….