Posted by
അവളുമാരെ എല്ലാം ഒന്നും കൂടി നോക്കി ഞാൻ വാതിലിന്റെ അടുത്തേക്ക് നടന്നു…!! വാതില് തുറന്നു പുറത്തുകടക്കുന്നതിന് മുന്നേ ഞാനൊന്നും കൂടി അവർക്കുനേരെ തിരിഞ്ഞു… അത് കണ്ട് ആരതിയടക്കം എല്ലാവരും ഒന്ന് പേടിച്ചു…
“” നീയൊക്കെ ആ കത്തിൽ എന്താടി അവസാനം എഴുതിവച്ചിട്ടൊള്ളെ…? ഞാൻ മഴയായി പെയ്യുന്നതും കാത്തിരിക്കാണെന്നോ…?? അങ്ങനെ മഴയായി പെയ്യുന്നതും കാത്തിരിക്കാൻ നീയൊക്കെ എന്താടി തവളക്കുണ്ടായതോ…?? “” ന്നും പറഞ്ഞ് ഞാൻ പുറത്തോട്ടിറങ്ങുമ്പോഴും എന്റെ ഉള്ളിലെ ദേഷ്യം ഒരു തരിപൊലും അടങ്ങിയിരുന്നില്ല…!
ക്ലാസ്സിന്റെ പുറത്തിറങ്ങിയ ഞാൻ കാണുന്നത് അവളുമാർക്ക് കാവലുനിൽകുമ്പോലെ വാതിലിലേക്ക് നോക്കി നിന്നിരുന്ന സന്ദീപിനേം ആൽബിനേം ആണ്…!! നുരഞ്ഞുപൊങ്ങി ഇപ്പൊ പൊട്ടും എന്നപോലെ എന്റെയുള്ളിലെ കലി ഞാനെങ്ങനെയൊക്കെയോ കണ്ട്രോൾ ചെയ്ത് നിന്നു…!! പക്ഷെ അവന്മാരെ പാസ്സ് ചെയ്തുപോവാൻ നിന്ന എന്റെ മുന്നിൽ സന്ദീപ് വിലങ്ങുതടിയായി നിന്നതും പോരാഞ്ഞിട്ട് അവനെന്റെ ഷോൾഡറിൽ കൈവെച്ച് എന്നെ നോക്കി പരഹസിച്ഛ് ചിരിച്ചതും എന്റെ കൈയീന്ന് പോയി…!
“”കൈയെട്ര പൊലയാടിമോനെ…!!”” ന്നും പറഞ്ഞ് ഞാൻ സന്ദീപിന്റെ താടി നോക്കി ഒന്ന് കൊടുത്തു… അത് കണ്ട ആൽബിന്റെ കൈ എനിക്കുനേരെ വന്നതും ഞാൻ ഒഴിഞ്ഞു മാറാൻ നോക്കിയെങ്കിലും അതിനുമുന്നേ തന്നെ ആ ഇടിയെന്റെ കവിളിൽ വീണിരുന്നു…! അത്യാവശ്യം പവറിൽ തന്നെ ഇടികിട്ടിയതോണ്ട് എന്റെ ഉൾ കവിൾ പൊട്ടി വായിൽ ചോരയുടെ രുചി നിറഞ്ഞു…!
ആ അടികിട്ടിയതും എനിക്ക് പ്രാന്തുപിടിച്ചപോലെയായി… ഒന്ന് വെച്ചുപോയ ഞാൻ സ്വയംഭോധം വീണ്ടെടുത്ത് ആൽബിയുടെ ഇടന്നെഞ്ച് നോക്കി ഒരു ഇടികൊടുത്തു, അതിൽ അവന് ശ്വാസം കിട്ടാൻ ബുദ്ധിമുട്ടുന്നത് കണ്ട ഞാൻ കുനിഞ്ഞു നിന്ന അവന്റെ തലക്കും ഷോൾഡറിനും ഇടയിലുള്ള കഴുത്തിന്റെ വലതു സൈഡിലായി ഒരു ചിവ്വിട്ടുകൊടുത്തു…