Posted by
എനിക്കെന്തിന്റെ കേടായിരുന്നു… അല്ലെങ്കിലും വാ വിട്ട വാക്കും കുണ്ടി വിട്ട വളിയും പിടിച്ചാകിട്ടില്ലല്ലോ…!
“” ഡാ…!!”” ന്നുള്ള യദുവിന്റെ വിളിക്കെട്ട് അങ്ങോട്ട്‌ നോക്കിയപ്പോ അവനും ഹരിയും കൂടി എന്റടുത്തേക്ക് വരുന്നു… വല്ല തല്ലും വാങ്ങിക്കുട്ടിയിട്ട് വരുന്നതാണാവോ…!
“” അളിയാ ഇന്ന് ആ ആരതിടെ ഡാൻസ് ഉണ്ടത്രേ …!! നീ കാണാൻ നിക്കണില്ലേ…? “” ഒരാക്കിയ രീതിയിൽ ഹരി എന്നോട് ചോദിച്ചപ്പോ ഞാനവനെ നോക്കി ഒന്ന് കണ്ണുരുട്ടി… ശേഷം,
“” പിന്നെ…!! അതിന്റെ ഡാൻസ് കഴിയണവരെ കാവലുന്നിക്കാൻ ഞാനാര അവള്ടെ തന്തയോ…! നിനക്ക് വേണെങ്കി നീ നിക്കടാ…!!”” അവനെ നോക്കി ഞാൻ ചീറിയെങ്കിലും രണ്ടെണ്ണോം എന്നെ നോക്കി വാ പൊത്തി ചിരിക്കല്ലാതെ വേറെയൊന്നും പറഞ്ഞില്ല…! ഇവരെല്ലാരും കൂടിയെന്നെ ഇനി പ്ലാനിട്ട് ഊക്കുന്നതാവോ…?
ഇന്നത്തെ ദിവസം തന്നെ ശെരിയല്ല… ഒരു രസത്തിന് വേണ്ടി ആരതിനെ പിടിച്ചിടിച്ചാലോ… അല്ലെങ്കി ഇവള്ടെ വീട്ടിൽ വിളിച്ഛ് മോള് പെഴച്ചുപോയീന്ന് പറയാം… അത് വേണ്ട, ആ കാര്യം അവർക്കറിയുന്നതാവും…!
അവന്മാരുടെ പിന്നാലെ നടന്നു സ്റ്റേജിന്റെ മുന്നിൽ എത്തിയതും ഒരു കസേര എടുത്ത് അതിലിരുന്നു… പരിപാടിയൊക്കെ നേരത്തെ തന്നെ തുടങ്ങി… ആരതിടെ ഡാൻസ് ഉണ്ടെന്നല്ലേ ഹരി പറഞ്ഞെ…? പക്ഷെ അവളയല്ലേ മുന്നേ ഞാൻ ബേക്കറിയിൽ വച്ചു കണ്ടത്…? അപ്പൊ അവൾക് റെഡി ആവണ്ടേ…? അല്ലെങ്കിലും ഞാനെന്തിനാ അതൊക്കെ അന്വേഷിക്കണത്…!
എന്തൊക്കെ പറഞ്ഞാലും ആരതിക്ക് ഡാൻസ് ഒക്കെ അറിയാം… അവളും എന്റെ ചേച്ചിയും ഒരേ ഡാൻസ് സ്കൂളിലാണ് പഠിച്ചത്… പിന്നെ രണ്ടുപേരുടേം അരങ്ങേറ്റവും കഴിഞ്ഞതാ… ആദ്യം എന്റെ ചേച്ചിടെ ആയിരുന്നു അരങ്ങേറ്റം, രണ്ടുകൊല്ലത്തിനു ശേഷം ആരതിടേം…!