Posted by ഇവൾ സംസാരിക്കില്ലേ… ഇത്രയും സുന്ദരിയായ ഇവൾക്ക് എന്തേലും ഒരു കുറവ് വേണ്ടേ അതാവും സംസാരിക്കാനുള്ള കഴിവില്ലാത്തത്… അവളുടെ സുന്ദരമായ മുഖത്ത് തന്നെ നോക്കി അന്തം വിട്ടിരിക്കുന്ന എന്റെ മുഖത്തിനു മുന്നിൽ കൈവിരൽ ഞൊടിച്ചുകൊണ്ട് എന്തേ എന്ന് കൈ മലർത്തി ചോദിച്ചതിന് ഒന്നുമില്ലെന്ന് ആംഗ്യത്തിൽ കാണിച്ചതും അവളുടെ കണ്ണുകൾ വിടർന്നു അവൾ വീണ്ടും ആംഗ്യ ഭാഷയിൽ
സൈൻ ലാംഗ്വേജ് അറിയുമോ…
എട്ടു ലാംഗ്വേജ് അറിയാം അതിൽ ഒന്ന് സൈൻ ലാംഗ്വേജ് ആണ് (ഞാനും ആംഗ്യഭാഷയിൽ കാണിച്ചു)
(വീണ്ടും അത്ഭുധത്തോടെ മുഖത്ത് നോക്കി പെട്ടന്ന് എന്തോ ഓർത്തപോലെ) കുടിക്കാൻ എന്താ ചൂടുള്ളതോ തണുത്തതോ
(അവൾ എങ്ങനെ ഓർഡർ ചെയ്യും എന്നറിയാനായി) ഒരു ബ്ലാക്ക് ടീ മധുരമില്ലാതെ എന്ന് കാണിച്ചു
അവൾ ഫോണെടുത്തു ടൈപ്പ് ചെയ്തശേഷം കാൾ ചെയ്തു കാൾ കട്ട്‌ ആയതും ഫോൺ മാറ്റിവെച്ചു എന്നെ നോക്കി ചിരിച്ചു
പഞ്ചാര കൂടുതൽ ആയോണ്ടാണോ മധുരം വേണ്ടാത്തത്(കളിയാക്കും പോലെ)
(കളിയാക്കിയത് മനസിലാവാത്ത പോലെ)ഹേയ്… മധുരമതികം താല്പര്യമില്ല
കല്യാണം കഴിഞ്ഞോ…
ഇല്ല…
ലവർ ഉണ്ടോ…
ഉണ്ട്…
അവളുടെ മുഖത്തെ ചിരി പെട്ടന്ന് മാഞ്ഞു മുഖം താണു
കൈ അവളുടെ മുഖത്തിനു മുന്നിൽ കൊണ്ടുപോയി ചൊട്ടി വിളിച്ചു
തല ഉയർത്തിയ അവളുടെ കണ്ണിൽ കണ്ണീർ തുള്ളി ഉരുണ്ടു കൂടിയിരിക്കുന്നത് കണ്ടപ്പോ സങ്കടം തോന്നി
എന്തേ… എന്തുപറ്റി…
ഒന്നുമില്ല…
കണ്ണ് നിറഞ്ഞെല്ലോ…
ഉരുണ്ടു കൂടിയ കണ്ണുനീർ കവിളിലൂടെ ഒഴുകിയതും അവൾ മുഖം താഴ്ത്തി കണ്ണുനീർ തുള്ളികൾ മേശയിലേക്ക് ഉറ്റി വീണുകൊണ്ടിരുന്നു
പൊടി പോയതാ (ആക്ഷൻ കാണിച്ച കൈകൾ വിയർത്തിരിക്കുന്നു കൈകളിൽ ചെറിയ വിറയൽ)
കല്യാണം കഴിഞ്ഞോ…(വാ കൊണ്ട് തന്നെ ചോദിച്ചു)
ഇല്ല…
ലവറുണ്ടോ…
കൈ നീട്ടി ഒന്നും മിണ്ടാതിരിക്കുന്ന അവളുടെ താടി പിടിച്ചുയർത്തി