Posted by
‘എടാ അത് ലച്ചു നിർബന്ധിച്ചിട്ടാണ്.. ഞാൻ അവളോട് ഒരുപാട് പറഞ്ഞു നോക്കി ഇഷാനി ഒരു പാവം ആണെന്ന്. പക്ഷെ അവൾ സമ്മതിച്ചില്ല. ഞാൻ ഹെല്പ് ചെയ്തില്ല എങ്കിലും അവളെക്കൊണ്ട് ഇതൊക്കെ ചെയ്യാൻ പറ്റും. ഞാൻ ശരിക്കും അവളെ…’
കൃഷ്ണയുടെ വാക്കുകൾ ഇടയ്ക്ക് വച്ചു മുറിഞ്ഞു.. ഒരു നിമിഷം കണ്ണടച്ചു ഒരു ഏറ്റ് പറയലിന്റെ സ്വരത്തിൽ അവൾ ബാക്കി പറഞ്ഞു
‘ഞാൻ ചെയ്തത് ഒരിക്കലും ന്യായീകരിക്കുവല്ല.. പക്ഷെ ഞാൻ അന്ന് എന്നെ കൊണ്ട് പറ്റുന്ന പോലെ അവളെ പ്രോട്ക്ട് ചെയ്തു. ലച്ചു പറഞ്ഞ കഞ്ചാവ് ഒക്കെ ഞാൻ ആണ് മാറ്റിയത്. നീതു ആണ് അതിന് പകരം കോണ്ടം ഇട്ടത്. അതെന്നോട് ചോദിക്കാതെ ഇട്ടതാണ്.. അത് കൊണ്ടാണ് നീതുവിനെ കൊണ്ട് ഞാൻ കംപ്ലയിന്റ് കൊടുപ്പിക്കാഞ്ഞത്. അത് കൊടുത്തിരുന്നു എങ്കിൽ ചിലപ്പോൾ അവൾക്ക് സസ്‌പെൻഷനോ ഡിസ്മിസൈലോ ഒക്കെ കിട്ടിയേനെ. അന്ന് ചെയ്തത് കൂടി പോയി എന്ന് അറിയാവുന്നത് കൊണ്ട് ഞാൻ ലച്ചുവിനെ ദിവസങ്ങൾ എടുത്താണ് എല്ലാം കൺവീൻസ് ചെയ്ത് ഇഷാനിയെ ഇനി അവൾ ഉപദ്രവിക്കില്ല എന്ന് തീരുമാനം എടുപ്പിച്ചത്…’
‘തല്ലിക്കൊന്നവരുടെ കൂട്ടത്തിൽ ഞാനില്ല. ഞാൻ ജസ്റ്റ്‌ കാൽ തല്ലിയൊടിച്ചതെ ഉള്ളു.. അത് പോലെ ഉണ്ട് നിന്റെ പറച്ചിൽ..’
ഞാൻ എടുത്തടിച്ചത് പോലെ പറഞ്ഞു
‘നീ കളിയാക്കിക്കോ.. ഞാൻ ചെയ്തത് തെറ്റ് തന്നെ ആണെന്ന് ഞാൻ സമ്മതിച്ചല്ലോ… അതിന് ശേഷം ലച്ചു അവളെ ഉപദ്രവിച്ചിട്ടുണ്ടോ എന്ന് നീ അവളോട് ചോദിച്ചു നോക്ക്..’
അത് കൃഷ്ണ പറഞ്ഞത് നേരാവും. അതിന് ശേഷം ലക്ഷ്മി ഇഷാനിയെ ഉപദ്രവിക്കുന്നത് അന്ന് നൂനുവിന്റെ വിഷയത്തിൽ ന്യൂഡ് ഫോട്ടോ എടുത്ത ആ പ്രശ്നത്തിൽ ആണ്. അതാണെങ്കിൽ കൃഷ്ണയ്ക്ക് അറിയുകയും ഇല്ല.
‘പക്ഷെ അത് കഴിഞ്ഞു നീ തന്നെ അവളെ ഉപദ്രവിക്കാൻ നോക്കീട്ടില്ലെ..? അന്നൊരിക്കൽ ക്ലാസിൽ നടന്ന മാല മോഷണം ഡ്രാമ.. പിന്നെ അന്ന് ഓണത്തിന് നടന്നത്..?
ഞാൻ വീണ്ടും അവളെ ചോദ്യം ചോദിച്ചു കുരുക്കിൽ ആക്കി
‘ഓണത്തിന് നടന്നത് സത്യം ആയും ഞാൻ അറിഞ്ഞല്ല. എന്റെ അപ്പ സത്യം.. പക്ഷെ അന്നത്തെ മാല കേസ്… അതെനിക്ക് പറ്റിയ ഒരു അബദ്ധം ആയിരുന്നു.. നീ അന്ന് അവളുടെ വീട്ടിലെ കാര്യം പറഞ്ഞു കഴിഞ്ഞു ഒരിക്കൽ പോലും ഞാൻ അവളെ ഹേർട്ട് ചെയ്യാൻ നോക്കിയിട്ടില്ല. ആക്ച്വലി അത് കഴിഞ്ഞു അവളായി ഒരു ഫ്രണ്ട്ഷിപ് ഉണ്ടാക്കാൻ ഞാൻ പലവട്ടം ട്രൈ ചെയ്തിരുന്നു..’