Posted by
അങ്ങനെ ഒരുകാൽ മാത്രം കട്ടിലിൽ വച്ചുകൊണ്ട് ആര്യന് അവളുടെ കൈയിൽ നിന്നും ബുക്ക് വാങ്ങിയെടുക്കാൻ ബുദ്ധിമുട്ടാണെന്ന് മനസ്സിലായതോടെ ആര്യൻ അവൻ്റെ വലതുകാൽ ശാലിനിയുടെ ഇടതുകാലിന് അപ്പുറം വച്ചുകൊണ്ട് കട്ടിലിലേക്ക് കയറി അവൻ്റെ ഇടതുകാൽ ശാലിനിയുടെ വലതുകാലിന് സമീപവും വച്ച് അവളുടെ കാലുകൾക്ക് കുറുകെ മുട്ട് കുത്തി നിന്നു.
ഇതിനിടയിൽ എല്ലാം അവൾ അവനോട് വിടാനും പോകാനും എല്ലാം പറയുന്നുണ്ടെങ്കിലും അവനതൊന്നും കാര്യമാക്കിയില്ല. മാത്രവുമല്ല ആരും ആരെയും വേദനിപ്പിക്കുകയോ വിഷമിപ്പിക്കുകയോ ചെയ്യരുത് എന്ന് അവർ രണ്ടുപേരുടെ ഉള്ളിലും ഉണ്ടായിരുന്നു. അതിനാൽ തന്നെ ഇരുവരും മുഖത്ത് ചിരി വിടർത്തിക്കൊണ്ട് തന്നെയാണ് ഈ താമശകൾ എല്ലാം കാണിക്കുന്നതും.
ശാലിനി അവളുടെ കാലുകൾ ഇട്ടിളക്കി ആര്യൻ്റെ കാലുകളിൽ തട്ടിച്ച് അവനെ വീഴ്ത്താനും കട്ടിലിൽ നിന്നും ഇറക്കാനും ശ്രമിച്ചുകൊണ്ടിരുന്നു. ആര്യന് അവൻ്റെ ബാലൻസ് തെറ്റുന്നുണ്ടെങ്കിലും അവനെ വീഴ്ത്താൻ പോണ ശക്തിയൊന്നും അവളുടെ കാലുകൾക്കില്ലായിരുന്നു. എങ്കിലും ശാലിനി പരിശ്രമിച്ചുകൊണ്ടേ ഇരുന്നു. അതിനിടയിൽ എപ്പോഴോ അവൾ പോലുമറിയാതെ അവളുടെ നൈറ്റിയും പാവാടയും അവളുടെ മുട്ടിനു തൊട്ടു താഴെ വരെ പൊങ്ങി കയറിയിരുന്നു. ഒടുവിൽ ആര്യൻ അവളുടെ കാലുകളെ നിയന്ത്രിച്ചു വയ്ക്കാൻ അവൻ്റെ കാൽമുട്ടുകൾ അവളുടെ കാലിനോട് ചേർത്ത് മുറുക്കി വെച്ചുകൊണ്ട് അവൻ്റെ കാൽപാദം അവളുടെ കാൽപാദങ്ങൾക്ക് മുകളിൽ വെച്ചമർത്തി.
ശാലിനിക്ക് അവളുടെ കാലുകൾ ഇളക്കിയടിക്കുന്നത് പോയിട്ട് ഒന്നനക്കാൻ പോലും ഇനി ആവില്ലെന്ന് അവൾക്ക് ബോധ്യമായി. ആര്യൻ അവളെ നോക്കി താൻ ജയിക്കാൻ പോവുകയാണെന്ന ഭാവത്തിൽ ചിരിച്ചു. അവൻ മുന്നിലേക്കാഞ്ഞുകൊണ്ട് അവളുടെ പുസ്തകം ഇരിക്കുന്ന കൈയിൽ പിടുത്തമിട്ടു. ഇനി തൻ്റെ മുന്നിൽ മറ്റൊരു വഴിയും ഇല്ലെന്ന് മനസ്സിലാക്കിയ ശാലിനി അവസാനത്തെ വഴി എന്ന നിലയ്ക്ക് ഒച്ച ഉണ്ടാക്കി അവനെ പേടിപ്പിച്ച് പിന്തിരിപ്പിക്കാൻ തന്നെ ശ്രമിച്ചു.
“ഇപ്പോ കാണിച്ച് തരാമെടാ…” എന്ന് പറഞ്ഞ് അട്ടഹസിച്ചുകൊണ്ട് ശാലിനി “അമ്മേ…” എന്ന് വിളിക്കാൻ തുടങ്ങിയതും ആര്യൻ അവൻ്റെ കൈകൾ അവളുടെ കൈയിൽ നിന്നുമെടുത്ത് ഉടനടി അവളുടെ വായ പൊത്തി. അതിനാൽ അമ്മയുടെ “അ” മാത്രമേ പുറത്തേക്ക് വന്നുള്ളൂ. പക്ഷേ അതിന് വലിയ ശബ്ദവും ഉണ്ടായിരുന്നില്ല.