Posted by
“തൽക്കാലം ആരെയും കണ്ട് വച്ചിട്ടില്ല…കണ്ട് പിടിക്കുമ്പോൾ അറിയിക്കാം കേട്ടോ…”
“മ്മ്…അവസാനം നോക്കുമ്പോൾ ആരെയും കിട്ടാതെ വരരുത്…ഹഹഹ…”
“ഒരു കാര്യം ചെയ്യാം…അങ്ങനെ ആരെയും കിട്ടാതെ വന്നാൽ ചേച്ചിയെ അങ്ങ് കെട്ടിയേക്കാം എന്താ പോരെ…അല്ലപിന്നെ…ഒന്ന് പോയെ ചേച്ചി…”
“ഓഹൊ…നിനക്ക് ഇങ്ങനെ തമാശ പറയാം അല്ലേ…ഞാൻ പറഞ്ഞാലേ ഉള്ളൂ കുഴപ്പം…”
“ഹാ തമാശ അല്ലന്നേ…ചേച്ചിക്ക് എന്തായാലും കെട്ടാൻ പ്ലാൻ ഇല്ല…ഒരു അഞ്ച് വർഷം കഴിഞ്ഞ് ചേച്ചി പറഞ്ഞ പോലെ എനിക്ക് പെണ്ണ് കിട്ടിയില്ലെങ്കിൽ ഞാൻ ചേച്ചിയെ കാണാൻ വരാം…ഇനി അന്ന് ചേച്ചിയുടെ മനസ്സ് മാറിയാലോ…അപ്പോ എനിക്ക് മുപ്പത് വയസ്സ് ചേച്ചിക്ക് മുപ്പത്തിയോമ്പത് വയസ്സ്…ചെറുക്കന് പെണ്ണിനേക്കാളും ഒമ്പത് വയസ്സ് വത്യാസം ഒന്നും എനിക്ക് കുഴപ്പമില്ല…സച്ചിനും അഞ്ജലിയും പോലും അഞ്ച് വയസ്സ് വത്യാസം ഇല്ലേ…അമ്മയെ ഒക്കെ ഞാൻ പറഞ്ഞ് സമ്മതിപ്പിച്ചോളാം…എന്താ പോരെ…?”
“ടാ ടാ…ചെക്കാ…നീ കൊള്ളാലോ…എങ്ങോട്ടാ ഈ കാട് കയറി പോകുന്നത്…”
“പിന്നല്ലാതെ കാട് കയറ്റിയേ അടങ്ങൂ എന്ന് വച്ചാൽ ഞാൻ പിന്നെ എന്ത് ചെയ്യണം…”
“അപ്പോ നീ എന്നോട് ചോദിച്ചതോ കല്ല്യാണം കഴിക്കുന്നില്ലേ എന്ന്…ഞാൻ ചോദിച്ചതാണോ കുഴപ്പം…”
“അതിൽ ഞാൻ ഖേദിക്കുന്നു…”
“ഹോ സമ്മതിച്ചു നിന്നേ…നീ കല്ല്യാണം കഴിക്കുകയേ വേണ്ട പോരെ…”
“ഹാ അത് വേണേൽ ആലോചിക്കാം…”
“ഹോ ഇങ്ങനൊരു ചെക്കൻ…”
“അത് വിട്…ഇനി വേറെ എന്തെങ്കിലും സംസാരിക്കാം…”
“ഹാ വിട്ടു വിട്ടു…ഇനി ഇതിനെ പറ്റി ഞാൻ നിന്നോട് സംസാരിക്കുന്നതേയില്ല…”
“ഹഹ…”
അവർ രണ്ടുപേരും വീണ്ടും മറ്റു പല കാര്യങ്ങളും സംസാരിച്ചിരുന്നു. നാല് മണി ആയപ്പോഴേക്കും അവർ ഇറങ്ങാൻ തയ്യാറെടുത്തു. ആര്യൻ ലിയ കാണാതെ അകത്തുപോയി മോളിയുടെ ബ്ലൗസ് എടുത്ത് അവൻ്റെ ബാഗിൽ വച്ചുകൊണ്ട് പുറത്തേക്കിറങ്ങി. ലിയയും അവൻ്റെ ഒപ്പം ഇറങ്ങിയ ശേഷം ആര്യൻ ഓഫീസ് പൂട്ടി ലിയയുമായി സൈക്കിൾ മെല്ലെ ചവിട്ടി.
ആദ്യമായാണ് ആര്യനുമായി ലിയ ഇന്ന് സംസാരിച്ചതുപോലെയുള്ള വിഷയങ്ങൾ സംസാരിക്കുന്നത്. അതുകൊണ്ട് തന്നെ അതൊക്കെ അവളുടെ മനസ്സിൽ എവിടെയോ ഉടക്കി നിന്നു. ആര്യൻ ഇല്ലാതെ തനിക്ക് ഓഫീസിൽ ഒരു നിമിഷം പോലും ചിലവഴിക്കാൻ വയ്യ എന്ന നിലയിൽ നിൽക്കുമ്പോളാണ് തമാശക്കാണെങ്കിൽ പോലും തന്നെ കല്ല്യാണം കഴിക്കാം എന്നെല്ലാമുള്ള കാര്യങ്ങൾ ആര്യൻ പറയുന്നത്. താനും തമാശയായി പറഞ്ഞതാണെങ്കിൽ കൂടി അതൊക്കെ താൻ ശരിക്കും ആസ്വദിച്ചിരുന്നു എന്ന് ലിയ മനസ്സിൽ ഓർത്തു. എന്താണ് എനിക്ക് അവനോട് തോന്നുന്നത് എന്ന ചിന്ത ലിയയിൽ ഉടലെടുത്തു. സൈക്കിളിൽ ഇരുന്ന് ഓരോന്ന് ആലോചിച്ച ലിയ അവളുടെ കൈ ആര്യൻ്റെ തോളിൽ നന്നായി അമർത്തി പിടിച്ചിരുന്നു. ഇതൊന്നും അറിയാതെ ആര്യൻ സൈക്കിൾ വേഗത്തിൽ ചവിട്ടി.