Posted by അഞ്ചന വേഗം വന്ന് എന്റെ കയ്യില്‍ പിടിച്ചു കൊണ്ട്‌ സങ്കടത്തോടെ മറിയ പോകുന്നതും നോക്കി നിന്നു. എനിക്കും നല്ല സങ്കടം തോന്നി.
ഒടുവില്‍ അവൾ പോയ ശേഷം ഞങ്ങളും ഫ്ലാറ്റിലേക്ക് വിട്ടു. പാർക്കിംഗിൽ എത്തിയപ്പോ പ്രഷോബ് ചേട്ടനും അയാളുടെ കാറിനെ പാർക്ക് ചെയ്യുന്നതാണ് ഞങ്ങൾ കണ്ടത്.
“ഹാ.. നിങ്ങളും എത്തിയല്ലോ….!” ചേട്ടൻ ചിരിച്ചു.
“നാളെ നിനക്ക് എത്ര മീറ്റിംഗ് ഉണ്ട്..?” പെട്ടന്ന് അയാള്‍ ഉത്സാഹത്തോടെ ചോദിച്ചു.
ഞാനും അവളുടെ കൂടെ നാട്ടില്‍ പോകുന്ന കാര്യം പ്രഷോബ് ചേട്ടന് അറിയില്ലായിരുന്നു. പക്ഷേ രാകേഷിന് കമ്പനിയെ കൈമാറുന്നത് കൊണ്ട്‌ തിരക്ക് പിടിച്ച് ഞാൻ എല്ലാം ചെയ്യുന്നു എന്നാണ് പറഞ്ഞിരുന്നത്.
“നാളെ ഏഴ് മീറ്റിംഗ് ഉണ്ട്, ചേട്ടാ. എല്ലാം കഴിഞ്ഞ് ഓഫിസിലും പോയി ഒരുപാട്‌ കാര്യങ്ങളെ ചെയ്യാനുമുണ്ട്. രാത്രി മൊത്തം ഓഫീസിൽ തന്നെ എനിക്ക് ജോലിയും ചെയ്തിരിക്കേണ്ടി വരും. പിന്നെ ഞായറാഴ്ച ഒരു മൂന്ന്‌ മീറ്റിംഗ്. അതും കഴിഞ്ഞാല്‍ പിന്നെയും ഓഫീസ്. നാളെ രാവിലെ ഞാൻ പോയാൽ ഞായറാഴ്ച രാത്രി എന്നെ നോക്കിയാൽ മതി.” നെടുവീര്‍പ്പോടെ ഞാൻ പറഞ്ഞു.
ഉടനെ അയാളുടെ കണ്ണില്‍ ഒരു മൃഗീയ തിളക്കം ഞാൻ കണ്ടു. എന്തൊക്കെയോ കണക്കുകൂട്ടുന്നത് പോലെ അയാള്‍ ലിഫ്റ്റിൽ നിന്നു. അവസാനം ഒരു കള്ളച്ചിരിയും ആ ചുണ്ടില്‍ തെളിഞ്ഞു.
ലിഫ്റ്റിൽ നിന്ന് ഞങ്ങൾ മൂന്ന്‌ പേരും ഇറങ്ങി.
“എടാ വിക്രം, കുളി കഴിഞ്ഞ് നേരെ ഞങ്ങടെ ഫ്ലാറ്റിലേക്ക് വാ. കുറെ നേരം നമുക്കെല്ലാം സംസാരിച്ചിരിക്കാം. പിന്നെ രാത്രി ഭക്ഷണം ഞങ്ങടെ വക.” ചേട്ടൻ പറഞ്ഞിട്ട് അയാളുടെ ഫ്ലാറ്റും തുറന്നു.
ഞാൻ വേഗം എന്റെ ഫ്ലാറ്റിലേക്ക് കേറി. ആദ്യം വീട്ടില്‍ വിളിച്ചു. ഞാൻ നാട്ടിലേക്ക് പോകുന്ന കാര്യം വീട്ടില്‍ പോലും ഇതുവരെ പറഞ്ഞിട്ടില്ല. കാരണം രാകേഷും ചേട്ടനും നല്ല കോണ്ടാക്റ്റിലാണ്. അതുകൊണ്ട്‌ വീട്ടില്‍ പറഞ്ഞാൽ പ്രഷോബ് ചേട്ടനും അറിയും. തല്‍കാലം ഞാൻ നാട്ടില്‍ എത്തുന്നത് വരെ അയാൾ ഒന്നും അറിയാതെ ഇരിക്കുന്നതാണ് നല്ലത്. ഞാൻ നാട്ടില്‍ പോയതിനു ശേഷം, മൂന്ന്‌ ആഴ്ച കഴിഞ്ഞ് രാകേഷിനെ ഇങ്ങോട്ട് പറഞ്ഞു വിടാം എന്നാണ് എന്റെ പ്ലാൻ.