Posted by അവൾ പിണങ്ങി മുഖം തിരിച്ചു ..
” നീ പറഞ്ഞതു പോലെ അതും തള്ളിച്ച് നടക്കാതിരിക്കാനാ… “
” നല്ല ബുദ്ധി വന്നോ…… ?”
” നീ പറഞ്ഞിട്ടാ… “
“അല്ലാതെ സ്വയം തോന്നിയതല്ല…… അല്ലെങ്കിലും ഇല്ലാത്ത ബുദ്ധിയിൽ എങ്ങനെ വരാനാ…… “
” നിന്റെ കളിയാക്കൽ കുറച്ചു കൂടുന്നുണ്ട്…… “
അഭിരാമി അവന്റെ തുടയിൽ സെൽവൻ കാണാതെ ഒന്ന് പിച്ചി .
അജയ് കാൽ വലിച്ചപ്പോൾ അവൾ ചുണ്ടത്തു വിരൽ വെച്ച് ശബ്ദിക്കരുതെന്ന് ആംഗ്യം കാണിച്ചു……
കാണിച്ചു തരാം എന്ന ഭാവത്തോടെ അവൻ ശിരസ്സിളക്കി…
മൂന്നാർ പിന്നിട്ടിരുന്നു… ….
ഇടയ്ക്ക് വനമേഖലയുടെ ഇരുളിമയിലൂടെ കാർ പാഞ്ഞപ്പോൾ അഭിരാമി പേടിയോടെ പുറത്തേക്ക് നോക്കി……….
” കാട്ടിലേക്കാണോടാ നമ്മൾ പോകുന്നത്…? “
” കാട്ടിൽ താമസിക്കുന്നതാ സുഖം… ആരെയും പേടിക്കണ്ടല്ലോ… “
” കരിനാക്ക് വളച്ചൊന്നും പറയാതെ… “
അവൾ അവനെ ശാസിച്ചു …
ഇടയ്ക്ക് കെട്ടിടങ്ങളും വഴിക്കച്ചവടക്കാരെയും മിന്നൽ പോലെ അജയ് കണ്ടു …
കുറച്ചു ദൂരം കൂടി വണ്ടി മുന്നോട്ടോടി..
വിനോദ സഞ്ചാരികളുടെ ചെറുതും വലുതുമായ കൂട്ടങ്ങളെ കണ്ടുതുടങ്ങി …
ഇരു വശങ്ങളിലും പാർക്ക് ചെയ്തിരിക്കുന്ന വാഹനങ്ങൾക്കിടയിലൂടെ സെൽവൻ വേഗം കുറച്ച് വണ്ടി ഓടിച്ചു……
“തമ്പീ……….”
സെൽവൻ വിളിച്ചു……
” പറ അണ്ണാ .”
“നീങ്ക ഇവിടെ വെയ്റ്റ് ചെയ്താൽ പോതും…… “
അജയ് തല കുലുക്കി …
വാഹനമൊതുക്കാൻ ഒരു സ്ഥലം കിട്ടിയപ്പോൾ സെൽവൻ കാർ നിർത്തി…
സെൽവൻ ഡോർ തുറന്ന് പുറത്തിറങ്ങി…