Posted by അഭിരാമി അവന്റെ വലത്തേ കയ്യിൽ ഒന്നു മുറുകെ പിടിച്ചു…
അവൻ എന്താ എന്ന അർത്ഥത്തിൽ തിരിഞ്ഞു നോക്കി…
ഒന്നുമില്ല എന്നവൾ കണ്ണടച്ചു കാണിച്ചു…
” സോങ് പോടട്ടെ തമ്പീ… “
പിന്തിരിയാതെ തന്നെ സെൽവൻ ചോദിച്ചു……
“ആമ……..”
അവൻ പറഞ്ഞു……
അവന്റെ തമിഴ് കേട്ട് അഭിരാമി നോക്കി ചിരിച്ചു…
രജനിയുടെ ബാഷ സിനിമയിലെ ഒരു പാട്ടിന്റെ രണ്ടു വരി പാടി പാട്ടുതീർന്നു……
അടുത്ത പാട്ടു തുടങ്ങി…
” റാ.. റാ. റാ റാമയ്യാ……………”
സൺ ടി.വിയിൽ പണ്ടെങ്ങോ ഈ പാട്ട് കേട്ടിട്ടുള്ളത് അജയ് ഓർത്തു…
സ്റ്റിയറിംഗ് വീലിൽ താളമടിച്ചാണ് സെൽവൻ ഡ്രൈവ് ചെയ്യുന്നത് …
എതിരെ വരുന്ന വാഹനങ്ങളെ വെട്ടിയൊഴിഞ്ഞ് ഓവർടേക്ക് ചെയ്തയാൾ കയറുന്നതു കണ്ട് ചില സമയങ്ങളിൽ അഭിരാമി കണ്ണുകൾ ഇറുക്കിയടച്ചു..
” അയാളോട് പതിയെ പോകാൻ പറയെടാ… “
“അണ്ണാ……. “
അജയ് വിളിച്ചു..
“ന്നാ തമ്പീ… തലൈവരുടെ ജയിലർ പാത്താച്ചാ… ?”
“ഇല്ല..”
“പാക്കവേണ്ടിയേ പടം… “
അയാൾ വിരലുയർത്തി സൂപ്പർ എന്നയർത്ഥത്തിൽ കാണിച്ചു.
അയാളെന്തെങ്കിലും കാണിക്കട്ടെ എന്നു കരുതി അവൻ പിന്നെ മിണ്ടിയില്ല…
മാട്ടുപ്പെട്ടിയെത്തിയപ്പോൾ അയാൾ അവരെ ചായ കുടിക്കാൻ ക്ഷണിച്ചു……
അജയ് യും അഭിരാമിയും അയാളോടൊപ്പം ഇറങ്ങി ചായ കുടിച്ചു …
ചായയുടെ പൈസ കൊടുത്തത് അജയ് ആണ്… അയാൾ വേണ്ടാന്ന് പറഞ്ഞെങ്കിലും അവൻ സമ്മതിച്ചില്ല.
തിരികെ വണ്ടിയിൽ കയറാൻ നേരം അഭിരാമി അവനോടു പറഞ്ഞു …
“എനിക്കൊരു സാധനം വാങ്ങണം… “