Posted by “ഏയ്..അങ്ങനെ ഒന്നും ഇല്ല ജോർജ്ജേ…അതൊന്നും പറഞ്ഞില്ല…”
“എന്നായാലും എന്നേം ഡയാനയേയും അയാള് സാറ്റർഡേ ഡിന്നറിന് വിളിച്ചിട്ടുണ്ട്…”
“ഓ!”
ശ്രീരാഗ് ജോർജ്ജിന് നേരെ കൈ നീട്ടി.
“കൺഗ്രാജുലേഷൻസ് ജോർജ്ജ്!”
“ഓ!എന്ന കൺഗ്രാജുലേഷൻസ്? അവടെപ്പോണം ..അയാൾക്ക് ഡ്രിങ്ക്സ് ഒഴിച്ച് കൊടുക്കണം ..അയക്ക് ഡയാനയെ പഞ്ചാരയടിക്കണം ..അവക്കാണേൽ ഇതിനോടൊന്നും ഒരു താൽപ്പര്യോം ഇല്ല, ഇഷ്ടോമില്ല ….വീട് പള്ളി … പള്ളി വീട് ..ഇതാ അവടെ ലോകം!”
ശ്രീരാഗ് പുഞ്ചിരിക്കുന്നതായി ഭാവിച്ചു.
“ആ എന്തായാലും ജോർജ്ജും ഭാര്യേം പോയിട്ട് വാ, സാറ് വിളിച്ചതല്ലേ!”
“പിന്നല്ലാതെ! ഡയാനയേ എങ്ങനേലും നിർബന്ധിച്ച് കൊണ്ടുപോകണം,”
പിന്നെ! നിർബന്ധിച്ച്! ശ്രീരാഗ് പരിഹാസത്തോടെ മനസ്സിലോർത്തു. ജോർജ്ജ് ഉത്സാഹിക്കുന്നതിന് മുമ്പേ തന്നെ ഡയാന വേണമെങ്കിൽ അയാളെ വലിച്ചിഴച്ച് കൊണ്ടുവരും മാത്യു സാറിന്റെയടുത്തേക്ക്.പണവും പദവിയും പ്രതാപവുമൊക്കെ കിട്ടുന്ന കാര്യാമാണെങ്കിൽ ആരുടെ മുമ്പിലും തുണിയഴിക്കാൻ മടിയില്ലാത്ത സ്ത്രീയാണ് ഡയാനയെന്ന് പലർക്കുമറിയാം.
ജോർജ്ജാണെങ്കിൽ മൂന്ന് തവണയെങ്കിലും ബോഡിന്റെ നിയമനടപടികൾക്ക് വിധേയനായ ആളാണ്!
പിന്നെ എന്ത് കൊണ്ടാണ് കമ്പനിയെ വളർത്താൻ ഏറ്റവുമധികം ശ്രമിച്ചിട്ടുള്ളയാളെന്ന് ഫൗണ്ടർ പ്രസിഡന്റ്റ് വർഗീസ് കോശി, മാത്യു സാറിന്റെ അച്ഛൻ പല തവണ വിശേഷിപ്പിച്ചിട്ടുള്ള തന്റെയൊപ്പം അയാളെയും പെടുത്തിയിട്ടുള്ളത്?
മാത്യു സാർ വർഗ്ഗീയമായി ചിന്തിക്കുന്നത് കൊണ്ടാണോ?
ഏയ്! ഒരിക്കലുമല്ല.
അയാൾ പക്ഷേ പെണ്ണുപിടിയനാണ്.
ബിസിനസ്സ് രംഗത്ത് ഒരു വിധ സാദാചാരവും വേണമെന്നാഗ്രഹിക്കുന്ന ആളുമല്ല.
പക്ഷെ, ഒരുക്കലും വർഗ്ഗീയവാദി എന്ന് അയാളെ വിശ്വസിപ്പിക്കാൻ ഒരു തെളിവുമില്ലന്ന് മാത്രമല്ല,സെക്കുലർ ആണെന്ന് തെളിയിക്കുന്ന അനേകം തെളിവുകൾ ഉണ്ട് താനും.
ശ്രീരാഗിന് ഒന്നുംമനസ്സിലായില്ല
.
**********************************************
സന്ധ്യക്ക് ലതികയും അനിതയും ടി വിയുടെ മുമ്പിലായിരുന്നു.
കഴിക്കാനുള്ളതൊക്കെ യുണ്ടാക്കി ഹോട്ട് ബോക്സുകളിൽ ഭദ്രമായി അടച്ച് ഡൈനിങ്ങ് ടേബിളിൽ വെച്ചിട്ടുണ്ട്.
ശ്രീരാഗ് വരേണ്ട താമസം മാത്രമേയുള്ളൂ.
അതിനിനി ഒരു മണിക്കൂർ സമയംകഴിയും.
“അമ്മയെന്താ ഇന്ന് സാരി ഉടുത്തിരിക്കുന്നെ?”
അനിത ചോദിച്ചു. ലതിക പെട്ടെന്ന് മുഖത്തേക്ക് വന്ന നാണം മറയ്ക്കാൻ ഒരു ശ്രമം നടത്തി.പക്ഷെ അതത്ര വിജയിച്ചില്ല.