Posted by ഞാന്‍ ജയനെ വീണ്ടും നോക്കി.
കണ്ണുകള്‍ അടച്ച് കിടക്കുകയാണ് ജയന്‍.
“ഇതാരാ?”
ഡോക്റ്റര്‍ ഗീതികയോട് ചോദിച്ചു.
“കുഞ്ഞിന്റെ അച്ഛന്‍….”
അവള്‍ പറഞ്ഞു.
“ആ …കൊച്ച് അണ്‍കോണ്‍ഷേസ് ആയിരുന്നു…”
ഡോക്റ്റര്‍ പറഞ്ഞു.
“സെക്ഷ്വല്‍ അസ്സാള്‍ട്ട് നടത്തിയ ആള്‍ കുഞ്ഞിനെ ആദ്യം എങ്ങനെയോ അണ്‍കോണ്‍ഷേസാക്കിയിരുന്നു…അങ്ങനെയാണ് അയാള്‍…”
“സാര്‍…”
ഡോക്റ്ററെ തുടരാന്‍ അനുവദിക്കാതെ ഞാന്‍ ഡോക്റ്ററോട് ചോദിച്ചു.
“മോന് ഇപ്പം എങ്ങനെയുണ്ട്?”
“ഡോണ്ട് വറി!”
ഡോക്റ്റര്‍ എന്‍റെ തോളില്‍ സ്പര്‍ശിച്ചു.
“ടോട്ടലി ഔട്ട്‌ ഓഫ് ഡേഞ്ചര്‍! റെക്റ്റത്തിലൂടെ അല്‍പ്പം ബ്ലീഡിംഗ് ഉണ്ടായിരുന്നു..അതും കണ്ട്രോള്‍ഡ് ആയി..ഇനി വേണ്ടത്….”
ഡോക്റ്റര്‍ എന്നെയും ഗീതികയേയും മാറി മാറി നോക്കി.
“ഇനി വേണ്ടത് കുഞ്ഞിനു നിങ്ങളുടെ രണ്ടു പേരുടെയും കമ്പനിയാണ്…എപ്പോഴും വേണം താനും ..കുറെ കാലത്തേക്ക് എങ്കിലും കുഞ്ഞിന്റെ കൂടെ തന്നെ വേണം രണ്ടു പേരും…”
ഡോക്റ്റര്‍ പുഞ്ചിരിച്ചു.
“കാര്യം സെക്ഷ്വല്‍ അസ്സാള്‍ട്ട് ഉണ്ടായിരിക്കുന്നത് കുഞ്ഞ് അണ്‍കോണ്‍ഷേസ് ആയിരുന്നപ്പോള്‍ ആണെങ്കിലും മനസിന്‌ അത് അഫക്റ്റ് ചെയ്തിട്ടുണ്ട്…ആ ട്രോമ മാറാന്‍ അച്ചനമ്മമാരുടെ സാമീപ്യത്തേക്കാള്‍ വലിയ ഒരു ചികിത്സ വേറെ ഇല്ല….”
എന്‍റെ കണ്ണുകള്‍ നിറഞ്ഞൊഴുകി.
ഗീതികയുടേയും.
ഞാന്‍ ജയന്‍റെ നെഞ്ചില്‍ പതിയെ മുഖം ചേര്‍ത്തു.
അവന്‍റെ ദേഹത്ത് മാമാ എര്‍ത്ത് പെര്‍ഫ്യൂമിന്റെ സുഖകരമായ സുഗന്ധം.
വളരെ ഇഷ്ടമാണ് അവനാ പെര്‍ഫ്യൂം.