Posted by രൂപ : വെച്ചിട്ടി പോടാ നാറി
ഇത് കേട്ട ആദി ചിരിച്ചുകൊണ്ട് ഫോൺ വെച്ചു
“ഹോ അവൾ ഫുൾ എനർജിയിലാ അപ്പോൾ ഒന്നും പേടിക്കാൻ ഇല്ല ”
ആദി വേഗം ബെഡിൽ നിന്നിറങ്ങിയ ശേഷം റൂമിന് പുറത്തേക്ക് വന്നു
“അമ്മേ വല്ലതും എടുത്ത് വെക്ക് എനിക്ക് വിശക്കുന്നു ”
അമ്മ : നീ അല്ലേ വിശപ്പില്ല ഇന്നൊന്നും വേണ്ട എന്ന് പറഞ്ഞത്
ആദി : അത് അപ്പഴല്ലെ എനിക്കിപ്പോൾ നല്ല വിശപ്പുണ്ട്
അമ്മ : നിനക്കെന്താടാ പെട്ടെന്ന് ഒരു സന്തോഷം
ആദി : എനിക്ക് സന്തോഷിക്കാനും പാടില്ലേ
അമ്മ : അല്ല കുറച്ചു മുൻപ് വരെ ഇങ്ങനെ അല്ലായിരുന്നല്ലോ എന്തോ കളഞ്ഞ അണ്ണാനെ പോലെ അങ്ങോട്ടും ഇങ്ങോട്ടും നടക്കുവായിരുന്നില്ലേ
ആദി : എങ്കിലേ ആ കളഞ്ഞു പോയ സാധനം തിരിച്ചു കിട്ടി അതാ ഇത്ര സന്തോഷം
അമ്മ : എങ്കിലെ അതിനി കളഞ്ഞു പോകാതെ നോക്കിക്കൊ നിന്നെ എപ്പോഴും സന്തോഷത്തോടെ കാണാലോ
ആദി : അമ്മ കാര്യമായിട്ടാണോ
അമ്മ : പിന്നല്ലാതെ
ആദി : താങ്ക്സ് അമ്മേ
അമ്മ : എന്തിന്
ആദി : അതൊക്കെ ഉണ്ട്
അമ്മ : ഉം വന്നിരിക്ക് ഞാൻ കഴിക്കാൻ എടുക്കാം
ഇത്രയും പറഞ്ഞു അമ്മ കിച്ചണിലേക്കു പോയി
പിറ്റേന്ന് രാവിലെ
ആദി :അമ്മേ ഞാൻ ഇറങ്ങുവാണേ പിന്നെ സാധനങ്ങൾ എല്ലാം ശെരിയാക്കി വെച്ചിട്ടുണ്ട് കൂലി അതിൽ എഴുതിയിട്ടുണ്ട് ആരെങ്കിലും കടം പറഞ്ഞാൽ സാധനം കൊടുക്കരുത് കേട്ടല്ലോ
അമ്മ : ഉം ശെരി
ആദി പതിയെ വീട്ടിൽ നിന്നിറങ്ങി മുന്നോട്ട് നടന്നു അല്പസമയത്തിനുള്ളിൽ അവൻ ബസ് സ്റ്റോപ്പിന് മുന്നിൽ എത്തി
അവിടെ ബസ് കാത്ത് രൂപയും നിൽപ്പുണ്ടായിരുന്നു
ആദി : ടീ മൊട്ടേ..
രൂപയെ കണ്ട ആദി അവളെ വിളിച്ചു ഇത് കേട്ട രൂപ പതിയെ തിരിഞ്ഞു നോക്കി അപ്പോൾ അവൾ കണ്ടത് തന്റെ അടുത്തേക്ക് നടന്നു വരുന്ന ആദിയെയാണ്
ആദി : അവളുടെ മുഖത്തിനിതെന്താ പറ്റിയത്
പെട്ടെന്നാണ് ആദി അത് ശ്രദ്ധിച്ചത് രൂപയുടെ കണ്ണിന്റെ ഒരു വശം വീങ്ങി ഇരിക്കുകയായിരുന്നു