🎪കൊച്ചിൻ കാർണിവൽ 7 [Harry Potter]

സമയം എടുത്ത് മല്ലിക കരച്ചിൽ നിർത്തി.

താങ്ക് ഗോഡ്…അഭിജിത്.. ഞാൻ കരുതി.. അവർ നിന്നെ എന്തെങ്കിലും ചെയ്ത് കാണുമെന്നു..”മാഡം വിക്കി വിക്കി പറഞ്ഞു.

ആരാ മാഡം…? എനിക്കൊന്നും മനസിലാകുന്നില്ല…ഇത് എവിടെയാ മാഡം..?എന്താ സംഭവിച്ചത്….എനിക്കൊന്നും ഓർമ്മ വരുന്നില്ല..

അ.. അത്…നീ ആ മരത്തിന്റെ അടുത്ത് പോയില്ലേ!! പെട്ടെന്ന് ഒരാൾ നിന്റെ പിറകിൽ വന്നു കമ്പി കൊണ്ട് തലയ്ക്കടിച്ചത. ഞാൻ പിന്നാലെ കാറിൽ നിന്നിറങ്ങിയതും ആരോ എന്റെ മുഖത്തു എന്തോ കൊണ്ട് പൊത്തിപ്പിടിച്ചു. എന്റെ ബോധം അപ്പോൾ പോയി. ക്ലോറോഫോം ആണെന്ന് തോനുന്നു..

മൈര്…ഏതോ കൊള്ളക്കാർ ഗാങ് ആണെന്ന് തോനുന്നു..

നമ്മളിനി എന്ത് ചെയ്യും.. എനിക്ക് പേടിയാകുന്നു.

മാഡം പേടിക്കല്ലേ.. ഈ സമയം ധൈര്യം ആണ് പ്രധാനം.”ഞാൻ ഇല്ലാത്ത ധൈര്യം പുറത്തെടുത്തു.

എങ്ങനാ രക്ഷപ്പെടുക..?

മാഡത്തിന് എന്റെ കൈ കെട്ടിയിരിക്കുന്ന കയർ എത്തുമോ..?

എങ്ങനെ എത്താനാ…എന്റെ കൈ പിന്നിൽ കെട്ടിയേക്കുവല്ലേ..?

കാൽ കൊണ്ട് എത്തുമോ എന്ന്..?

മല്ലിക അല്പ്പം ചരിഞ്ഞു കാലുകൊണ്ട് എന്റെ കൈയിലെ കെട്ട് കാലുകൊണ്ട് എത്തിപ്പിടിക്കാൻ നോക്കി. പക്ഷെ പറ്റിയില്ല. ഇനിയും കുറച്ച് ദൂരമുണ്ട്.

ഇല്ലടാ.. പറ്റുന്നില്ല….”മല്ലിക പറഞ്ഞു.

മൈര്..”ആദ്യമായി മല്ലിക കേൾക്കേ ഞാൻ തെറി വിളിച്ചു.അല്ലെങ്കിലും ചാവാൻ കിടക്കുമ്പോൾ എന്ത് മാഡവും അസിസ്റ്റന്റും.

ഒടുവിൽ ഞാൻ കൈ മുകളിലേക്കു താഴേക്കും ആക്കി കയർ മരത്തിൽ ഉറച്ചു പൊട്ടിക്കാൻ നോക്കി. അത് അത്ര ഉപ്പളമുള്ള കാര്യം അല്ലെന്ന് അറിയാം, പക്ഷെ ഈ ഒരവസ്ഥയിൽ വേറെ വഴി ഇല്ലല്ലോ. ഞാൻ നിർത്താതെ ഉരച്ചുകൊണ്ടിരുന്നു.

ടാ…ആരോ വരുന്നുണ്ട്..”മാഡം എന്നോട് പറഞ്ഞു.

ഞാൻ കൈ ഉരയ്ക്കുന്നത് നിർത്തി അനങ്ങാതെ ഇരുന്നു. അധികം വൈകാതെ കാട്ടിനുള്ളിൽ നിന്നും 4 പേർ നടന്നു വന്നു. നാലുപേരുടെ കയ്യിലും ആയുധങ്ങൾ ഉണ്ട്. ഒരാളുടെ കൈയിൽ ഒരു ഡബിൾ ബാരൽ ഗൺ, രണ്ടുപേരുടെ കയ്യിൽ ഓരോ ഇരുമ്പ് വടി വീതം. മൂന്നാമൻ തോളിൽ എന്തോ ചുമന്നുകൊണ്ട് വരുകയാണ്. അവിടെ നടുക്കായി കൂട്ടിയിട്ടിരുന്ന തീയുടെ അടുത്ത് വന്നവൻ തോളിൽ കിടന്ന സാധനം താഴെക്കിട്ടു. ചത്ത കാട്ടുപന്നി ആയിരുന്നു അത്. അത് കണ്ടപ്പോൾ തന്നെ എന്റെ ഉള്ളൊന്ന് കാറി, കാട്ടിൽ ഇങ്ങനുള്ള കാര്യങ്ങൾ ഒക്കെ ചെയ്യണമെങ്കിൽ അവന്മാർ എന്തുമാത്രം ക്രൂരന്മാർ ആവും.