Posted by ” ഹലോ സഞ്ചന ഇല്ലേ … ഞാൻ പ്രവീണ ആണ്‌…. അവൾക്ക് ഒന്ന് കൊടുക്കാമോ ”
” ഡി നിന്നെ എത്ര തവണ വിളിച്ചെന്നോ. നിന്റെ വീട്ടിലെ ഫോൺ എപ്പോഴും എൻഗേജ്ഡ് ആണല്ലോ”
” കല്യാണ തിരക്ക് അല്ലെ അമ്മാവൻ ഫോൺ താഴെ വെച്ചിട്ടില്ല ഇപ്പോഴും….. നീ റിസൾട്ട്‌ നോക്കിയോ ”
” മ്മ് നോക്കി ”
” നീ പാസ്സ് ആയോ ”
” ആ ഞാൻ പാസ്സായി ”
” ഞാനോ ?. ”
” മ്മ് മ്മ് രണ്ട് സബ്ജെക്ട് പോയെടി ”
ഒരു ഇടിത്തി പോലെ തോന്നി.
” എന്താ നീ പറഞ്ഞത് ”
” ഡി കുഴപ്പം ഇല്ല രണ്ട് സബ്ജെക്ട് അല്ലെ… എഴുതി എടുക്കാം ”
ഞാൻ കാറ്റു പോയ ബാലുൺ പോലെ റൂമിൽ നിന്ന് വെളിയിൽ ഇറങ്ങി. പുറത്ത് എന്നെ കത്ത്‌ മുത്തശ്ശി നിൽപ്പുണ്ടായിരുന്നു.
” ജയിച്ചോ മോളെ ”
മുത്തശ്ശി ചിരിച്ചുകൊണ്ട് ചോദിച്ചു. അത് കേട്ട് വീട്ടിൽ ഉണ്ടായിരുന്ന ബന്ധുക്കൾ എല്ലാവരും എന്നെ തന്നെ നോക്കി നിന്നു.
” ഹാ ജയിച്ചു ”
ഞാൻ മന്ത്രിച്ചു.
ഹെയ് ….. ഹേയ്
കയ്യടി ശബ്ദവും. എന്നെ അഭിനദ്ധിക്കുന്നതും അവ്വ്യക്തമായി ഞാൻ കേട്ടു. ഞാൻ യന്ദ്രികമായി അവരോട് എല്ലാം പ്രീതികരിച്ചു.
” ഡി നീ ജയിച്ചെന്ന് ആണോ ഇവിടെ പറഞ്ഞിരിക്കുന്നത് ”
പിറ്റേന്ന് ചേച്ചിയുടെ കല്യാണത്തിന് വന്ന കൂട്ടുകാരികൾ ചോദിച്ചു.
” ഹാ നിങ്ങൾ ആരോടും ഒന്നും പറയല്ലേ ”
കല്യാണം കഴിയുന്നത് വരെ ഞാൻ മറ്റുള്ളവരുടെ മുന്നിൽ നിന്നും മറി നടന്നു.
“ഇനി ഏത് കോഴ്സ് ആണ്‌ ചെയ്യാൻ പോകുന്നത് ”
” എന്തിനാ ഇനിയും പഠിക്കുന്നത് … അച്ഛനോട് പറ ഈ പന്തൽ പൊളിക്കണ്ടന്ന് … അടുത്ത മുഹൂർത്തത്തിൽ തന്നെ നിന്റെ കെട്ടും നടത്താം “