Posted by ഒരു വിറയൽ അവളിലൂടെ പാഞ്ഞു കയറി …. ഒരു പ്രത്യേക അവസ്ഥയിൽ തന്റെ ശരീരം വിറയ്ക്കുന്നതും പൂക്കുന്നതും അവളറിഞ്ഞു …
“ജാസൂമ്മാ….” ഷാനു വിളിച്ചു …
ങ്ങേ … ഉമ്മയോ ? ആരുടെ …? താനവന്റെ കാമുകിയല്ലേ …?
“ജാച്ചൂമ്മാ ….” അടുത്ത നിമിഷം മോളി വിളിച്ചു കൊണ്ട് ഓടി വന്നു …
അതെ …! ഇപ്പോഴാണ് ശരിയായത്….
ഉറക്കപ്പിച്ചിലെന്ന പോലെ ജാസ്മിൻ ഭക്ഷണം വിളമ്പി … ഭക്ഷണം കഴിക്കുമ്പോൾ അവൾ പലതവണ വിക്കി …. ഷാനുവിന്റെ വിരലുകൾ മൂർദ്ധാവിൽ തട്ടിയപ്പോൾ അവളെ വീണ്ടും വിറയ്ക്കാൻ തുടങ്ങി …
ഭക്ഷണ ശേഷം പാത്രങ്ങൾ കഴുകുമ്പോൾ ഷാഹിർ വിളിച്ചു. കുറച്ചു നേരം ഇക്കയോട് സംസാരിച്ചിരുന്നപ്പോൾ മനസ്സിന് ഒരയവു വന്നു … ആ സന്തോഷത്തിൽ പോയി കിടന്നു…
അവൾ എഴുന്നേറ്റു വന്നപ്പോൾ ആറു മണിയായിരുന്നു … ആലസ്യം വിട്ടു മാറാതെ അവൾ ഹാളിലെത്തി. മോളിയേയും ഷാനുവിനെയും കണ്ടില്ല, സിറ്റൗട്ടിലെത്തിയപ്പോൾ മോളി പാവയുമായി ഇരിക്കുന്നതു കണ്ടു.
ഷാനു എവിടെപ്പോയി …?
” ഇക്കായെവിടെ ….?”
” ഞാംങ്കണ്ടില്ല … ” മുഖമുയർത്താതെ മോളി പറഞ്ഞു …
ഹാളിലെ വാഷ്ബേസിനിൽ മുഖം കഴുകുമ്പോഴാണ് അടുക്കളയിൽ നിന്ന് ശബ്ദം കേട്ടത് …
ജാസ്മിൻ പതിയെ ഒന്നെത്തി നോക്കി. സ്ലാബിൽ വെച്ചെന്തോ അരിഞ്ഞു കൂട്ടുകയാണ് ഷാനു .
ആള് പാചകത്തിലാണ് … അതൊരു പുതുമയുള്ള കാര്യമല്ലെങ്കിലും മാസങ്ങളായി ഇങ്ങനെയൊരു സംഭവം ഉണ്ടായിട്ട് … തനിക്കു വയ്യാതാകുമ്പോഴോ അവൻ ക്ലാസ്സിൽ പോകുന്ന സമയത്ത് താനുണരാൻ വൈകുമ്പോഴോ ഒക്കെയായിരുന്നു സാധാരണ അവന്റെ പാചകം .. തെറ്റുപറയാൻ ഒന്നുമില്ല, ഒരു പഞ്ഞൊമ്പതുകാരനിൽക്കവിഞ്ഞ പാചക വിരുതവനിലുണ്ട് …
” ചോറേ വെച്ചിട്ടുള്ളൂ … കറിക്കരിയുകയാ, അതിങ്ങള് വെച്ചോണം … ” പിൻതിരിഞ്ഞു നോക്കാതെ അവൻ പറഞ്ഞപ്പോൾ അവളൊന്നു ഞെട്ടിപ്പോയി …
ഇവനിതെങ്ങനെ അറിഞ്ഞു താൻ എത്തിനോക്കിയ കാര്യം … ?
ഇനി മുഖം കഴുകിയപ്പോൾ ശബ്ദം കേട്ടതാകുമോ ? ചില സമയങ്ങളിലൊക്കെ ഇവനിങ്ങനെ പറയാറുള്ളത് അവളോർത്തു … മിക്ക ദിവസങ്ങളിലും അവൻ പഠിക്കുകയാണോ എന്നറിയാൻ താൻ ഒളിഞ്ഞു നോക്കുമ്പോഴാണ് അങ്ങനെ പറയാറ് … പലവുരു ഇതാവർത്തിച്ചിട്ടുണ്ട് … അവന്റെ പ്രവചനം തെറ്റിക്കാൻ താൻ ശ്വാസം പോലും വിടാതെ പിന്നിൽ ചെന്നു നോക്കിയിട്ടുമുണ്ട് … എന്നിട്ടും ഷാനു തന്നെയാണ് ജയിച്ചത് … അന്നൊരു ദിവസം സഹികെട്ടു ചോദിക്കുകയും ചെയ്തു …