Posted by “ങ്ങളെന്താണുമ്മാ മിണ്ടാത്തത് … ?”
” ഒന്നുമില്ലെടാ ….” അവളുടെ വാക്കുകളിൽ അവന് സന്തോഷം തോന്നി. ആ എടാ വിളിയിൽ ഉമ്മയ്ക്ക് പിണക്കമൊന്നുമില്ലെന്ന് അവന് മനസ്സിലായി.
” ഇതൊരു മാതിരി വെറുതെക്കാർക്ക് വണ്ടിയിൽ ലിഫ്റ്റ് കൊടുത്ത പോലെ … ”
” എനിക്കും നല്ല സുഖം തോന്നുന്നില്ല ..”
” അടിപൊളി … എന്നിട്ടിപ്പഴാണോ ഇങ്ങളു പറയണേ …” ഷാനു കാർ സൈഡിലേക്ക് ചേർത്തു നിർത്തി.
” ങ്ങളെ പനിക്കണുണ്ടോ ?” അവൻ ഏന്തിവലിഞ്ഞ് അവളുടെ നെറ്റിയിൽ തൊട്ടു നോക്കി …
വലിയ ചൂടൊന്നുമില്ല …
“ചൂടൊന്നുമില്ലല്ലോ ഉമ്മാ … ”
” അതല്ലേ ഞാൻ പറയാതിരുന്നത് … ”
” ചിലപ്പോൾ ഉള്ളിലാകും പനി … ഒന്നു പോയി നോക്കാം …” അവൻ വണ്ടി തിരിക്കാൻ ശ്രമിച്ചു …
“വേണ്ടടാ … രണ്ട് പാരസെറ്റമോൾ കഴിച്ചാൽ മാറിക്കോളും ..” അവളവനെ തടഞ്ഞു .
നിർബന്ധിച്ചാലും ഉമ്മ വരില്ലെന്നറിയാവുന്ന ഷാനു വണ്ടി വീട്ടിലേക്ക് വിട്ടു … അതിനിടയിൽ രണ്ടു തവണ മിഥുൻ അവനെ വിളിച്ചിരുന്നു …
വീട്ടിലെത്തി അവരെ ഇറക്കിയ ശേഷമാണ് ഷാനു മിഥുനെ തിരികെ വിളിച്ചത് …
മോളിയെ ബഡ്ഡിലാക്കി ജാസ്മിൻ തിരികെ ഹാളിലേക്കു വന്നു …
“നിക്ക് കൽപ്പറ്റ വരെ പോകണമുമ്മാ ..” ഷാനു ഫോണുമായി അവൾക്കടുത്തേക്ക് വന്നു ..
“ങും…”
” ങ്ങക്കെന്താ പറ്റ്യേ … ങ്ങള് പറ… ”
” ഒന്നുമില്ലെടാ ….” അവളെന്നിട്ടും മുഖമുയർത്തിയില്ല …
“രാവിലെ മുതൽ കാണുന്നു … ഒരു മാതിരി ബർക്കത്ത് കെട്ട മുഖം ..”
” ഞാൻ പറഞ്ഞല്ലോ … നല്ല സുഖമില്ല … ”
” ഹോസ്പിറ്റലിൽ പോകാം …..”
“അതു വേണ്ട ……”
” സുഖമില്ലാത്ത നിങ്ങളെ രണ്ടു പേരെയും ഇവിടാക്കി ഞാനെങ്ങനെ സമാധാനത്തോടെ കൽപ്പറ്റ പോകും …?”
“ഇയ്യ് പോയി വാ…” അവൾ പറഞ്ഞു …
ഒടുവിൽ മനസ്സില്ലാ മനസ്സോടെ ഷാനു പോയി … അവൻ പോയ ശേഷം ജാസ്മിൻ പോയി മുൻവശത്തെയും പിൻവശത്തെയും വാതിലടച്ചു കുറ്റിയിട്ടു …