അറിഞ്ഞതും അറിയാനുള്ളതും [ലോഹിതൻ]

എന്താണ് ഒരു പക്ഷേ..?

വേറെ ഒന്നുമല്ല ഷീലെ.. ഞങ്ങളെ ഒക്കെ രക്ഷപെടുത്തിയെങ്കിലും ചേട്ടായി ഇപ്പോഴും ഒറ്റക്കാണ്..

ഇപ്പോൾ മംഗലാപുരത്തു വലിയ എക്സ്പോർട്ട് ബിസിനസ് ഒക്കെയുണ്ട്.. വലിയ വീടും മറ്റെല്ലാ സൗകര്യങ്ങളും ഉണ്ട്…

ചാച്ചനും അമ്മയും മരിച്ചതോടെ ചേട്ടായി തനിച്ചായി.. ഒരു കല്യാണം കഴിക്കാൻ ഞങ്ങൾ കാലു പിടിച്ചു പറഞ്ഞു നോക്കി…

എന്തെങ്കിലും ഒഴിവ് പറഞ്ഞു ആൾ ആ വിഷയം മാറ്റിക്കളയും..

ഗ്രേസി പറഞ്ഞത് കേട്ട് എനിക്ക് നെഞ്ചിനുള്ളിൽ എവിടെയോ ബ്ലേഡ് കൊണ്ട് വരയുന്ന പോലെയുള്ള വേദന തോന്നി…

എന്നെ ഓർത്താണോ ആൽബിൻ അവിവാഹിതനായി കഴിയുന്നത്..?

ഞാൻ കാരണമാണോ ആ ജീവിതം ഇങ്ങനെ ആയത്..?

പോകാൻ നേരം എന്റെ മനസ് വായിച്ചപോലെ ഗ്രേസി ആൽബിന്റെ നമ്പർ തന്നു..

അന്ന് പകൽ മുഴുവനും വൈകിട്ട് വീട്ടിൽ എത്തിയിട്ടും ആൽബിനെ പറ്റി മാത്രമായിരുന്നു എന്റെ ചിന്ത… രാത്രി കിടക്കുമ്പോൾ മൊബൈലിൽ സേവ് ചെയ്തിരുന്ന ആൽബിന്റെ നമ്പർ എടുത്തു നോക്കി…

എന്റെ കൈകൾക്ക് നേരിയ വിറയൽ.. ഹൃദയ മിടിപ്പ് കൂടിയപോലെ..

വിളിക്കണോ..വിളിച്ചാൽ എന്തു പറയും..വേണ്ട.. വിളിക്കേണ്ട..

ഞാൻ മൊബൈൽ മാറ്റി വെച്ചു..

കോളേജ് കാംബസിലെ തണൽ മരങ്ങൾക്കിടയിലൂടെ ആൽബിന്റെ കൈയും പിടിച്ചു സ്വപ്നങ്ങൾ കണ്ടു നടന്ന കാലം..

കാന്റീനിൽ മണിക്കൂറുകൾ ഇരുന്ന് ഭാവിയിലെ എന്തൊക്കെയോ കാര്യങ്ങൾ പറഞ്ഞു സമയം കളഞ്ഞ കാലം…

ആ കട്ടി മീശയും നിരയൊത്ത പല്ലുകൾ കാട്ടിയുള്ള ഭംഗിയുള്ള ചിരിയും.. മാവിൻ തറയിൽ ഇരിക്കുമ്പോൾ അറിയാത്തപോലെ എന്റെ കൂമ്പി വരുന്ന മുലയിൽ തഴുകുന്നത്…

ഞാനും വീണ്ടും മൊബൈൽ കയ്യിലെടുത്തു…ഡയൽ ചെയ്തു..

അപ്പുറത്തു ഒരു പാട്ടു കേൾക്കാം.. പൊട്ടി തകർന്ന കിനാവു കൊണ്ടൊരു പട്ടു നൂൽ ഊഞ്ഞാലുകെട്ടി ഞാൻ….

ഹലോ..ഹലോ.. ആരാണ്..?

ഞാൻ.. ഞാൻ.. ഷീലയാണ്…

ഏതാനും നിമിഷ നേരത്തെ നിശബ്ദത…

ഷീല.. ഷീല മറന്നില്ലേ എന്നെ…!

ഇത് വല്ലാത്ത ഒരു സർപ്രൈസ് ആയി പ്പോയല്ലോ.! ഞാൻ ഒട്ടും പ്രതീക്ഷിച്ചില്ല ഇങ്ങനെ ഒരു വിളി വരുമെന്ന്..! ആട്ടെ എന്റെ നമ്പർ എങ്ങിനെ കിട്ടി..!

അത്..അത്.. ഗ്രേസിയെ കണ്ടിരുന്നു..

ആഹ്.. അവൾ തന്നു അല്ലേ..