Posted by
” ആ ക്ണാപ്പൻ ഒരുപാട് നേരം ആയല്ലോ അവിടെ കിടന്ന് തൊലിക്കാൻ തുടങ്ങിയിട്ട്… വല്ലതും നടക്കോ..? ” മണി ചോദിച്ചു.
” എവിടെ നടക്കാൻ.. ആ കൊച്ച് അവനെ ഇപ്പൊ നൈസായിട്ട് ഒഴിവാക്കും. ” ജോൺ പുച്ഛ ഭാവത്തിൽ പറഞ്ഞു.
” അതെ… തണുപ്പ് കൂടി കൂടി വരികയാ, നമുക്ക് അകത്തേക്ക് ചെന്നാലോ..? ” ചക്കര ചോദിച്ചു.
” അത് കുഴപ്പമില്ല.. സിദ്ധു ഇപ്പൊ എത്തുമല്ലോ…” അഞ്ജലി മറുപടി നൽകി.
” അവൻ എനിയും വൈകും…”
അഞ്ജലി സംശയത്തോടെ അയാളെ നോക്കി. ” നിങ്ങളല്ലേ സിദ്ധുവിനോട് പറഞ്ഞത് 12 കിലോമീറ്റർ അപ്പുറം ഒരു ATM ഉണ്ടെന്ന്. “
” അത് ഞാൻ ചുമ്മാ പറഞ്ഞതാ.. ഒരു 40 KM എങ്കിലും പോയാലേ ATM കാണുള്ളൂ.. ” അയാൾ മുഖം താഴ്ത്തികൊണ്ട് പറഞ്ഞു.
” നിങ്ങൾ എന്തിനാ കള്ളം പറഞ്ഞത്..? ” അഞ്ജലി ഗൗരവത്തോടെ ചോദിച്ചു.
” അവനെ ഒഴിവാക്കാൻ വേണ്ടി.. ” അയാൾ പരുങ്ങിക്കൊണ്ട് പറഞ്ഞു.
” എന്തിനാ അവനെ ഒഴിവാക്കുന്നേ..? ” അഞ്ജലി സ്വരം കടുപ്പിച്ചു.
ചക്കര മറുപടിയൊന്നും പറഞ്ഞില്ല.
” നിങ്ങൾക്ക് ഒന്നും പറയാനില്ലേ..? ” അവൾ വീണ്ടും ചോദിച്ചു.
” നീ കാരണാ ഞാൻ അങ്ങനെ പറഞ്ഞത്. “
” ഞാൻ കാരാണോ..? ” അഞ്ജലി അത്ഭുതത്തോടെ ചോദിച്ചു.
” അതെ നീ കാരണം തന്നെ… നേരത്തെ കഴിചോണ്ടിരിക്കുമ്പോ എന്നെ നോക്കി ചിരിച്ചത് നീയല്ലേ.. “
” ഒന്ന് ചിരിച്ചതിനാണോ താൻ അങ്ങനെ ചെയ്തത്…? ” അഞ്ജലി അത്ഭുതം മാറാതെ ചോദിച്ചു.