💝 ഗോലിസോഡാ 💝 5 [നെടുമാരൻ രാജാങ്കം]

 

 

“””””””””””എന്നാ കേട്ടോ അല്ല., ദേ നോക്കിക്കേ അവളുടെ തന്തപ്പടി തന്നെ എടുത്തിട്ട് വരുവാ, സ്വന്തം മോളെ അറിഞ്ഞോ അറിയാതെയോ നരകത്തിലേക്ക് വിട്ട് കൊടുക്കാൻ പോവാ….!! മ്മ് സംഭവാനി യുകേ യുകേ.”””””””””””””

 

 

ചിരിയോടെ ഞാൻ പറഞ്ഞവനെ നോക്കുമ്പോ, അവന്റെ മുഖത്ത് നിറഞ്ഞ പേടി, മിണ്ടാതെ തന്നവൻ എന്നോട് അപേക്ഷിക്കുന്ന പോലെ. എന്നാലതും പുച്ഛിച്ച് തള്ളുവാണ് ഞാനപ്പോ ചെയ്തത്…..!!

 

 

കണ്ണുകൾ പോയത് മണ്ഡപത്തിലേക്ക് എടുത്തിട്ട് വരുന്ന അവളിലേക്കാണ്. പണ്ടത്തെയാ ഐശ്വര്യം അവൾക്കിപ്പോ ഇല്ല. അതെന്നെ കൂടുതൽ സന്തോഷപ്പെടുത്തി. സൗന്ദര്യത്തെ ഇരട്ടിപ്പിക്കും എന്ന് ഞാൻ തന്നെ പറഞ്ഞ ആ ഉണ്ടക്കണ്ണുകൾക്ക് ഇന്ന് ചലനം ഉണ്ടോയെന്ന് പോലും സംശയം ആണ്. ഇടത് ഭാഗത്തെ കണ്ണുകൾ പാതി അടഞ്ഞാണ് ഇപ്പോഴും ഉള്ളത്. പേരിന് വേണ്ടി വലത് ഭാഗത്തെ കണ്ണുകൾ തുറന്നിരുപ്പുണ്ട്. മണ്ഡപത്തിനുള്ളിൽ എനിക്കടുത്തായി അവളെ ഇരുത്തിയ ശേഷം അയാളല്പം പിന്നിലേക്ക് മാറി. ഒരു ആത്മാവ് വിട്ടകന്ന ശരീരം. എന്റെ ഭാഷയിൽ പറയുവാണേ ശവം., അതിന് പച്ച സാരിയുടുത്ത് കൈകളിൽ പേരിന് മാത്രം രണ്ട് വളയിട്ട്, കഴുത്തിൽ ഒരു ചെറിയ ചെയിൻ ഇട്ട്, നെറ്റിയിൽ ഭസ്മ കുറി ചാർത്തി ഇരുന്നാൽ എങ്ങനെയുണ്ടാവും അതാണ് എന്റെ അടുത്തിരിക്കുന്ന ജീവനുള്ള അവൾ. ഇന്നവൾ മാലാഖയും അല്ല രാക്ഷസിയും അല്ല. ആരാണവൾ….??

 

 

“”””””””””മുഹൂർത്തിന് സമയമായി…..!!”””””””””””

 

 

ആരുടെയോ ശബ്ദം കേട്ടു. പിന്നീട് കെട്ടിമേളം മുഴങ്ങുന്നതും കേട്ടു. ആരുടെയോ കൈയിൽ നിന്നും ഞാൻ താലി വാങ്ങി, ചേച്ചി എനിക്ക് കെട്ടാൻ പാകത്തിന് അവളുടെ മുടി മാറ്റി തന്നു, തൊഴുകൈകളോടെ കണ്ണ് നിറച്ചിരിക്കുന്ന അവളുടെ കഴുത്തിൽ ഞാൻ താലി ചാർത്തി. അങ്ങനെ പറയുന്നതിനേക്കാൾ ശെരി arrow പറയുമ്പോലെ ഒരു കടുംകെട്ട്……!!

 

 

നിറ കണ്ണുകളോടെ ദുർഗ്ഗ ദേവിയെ അവൾ പ്രാർത്ഥിക്കുമ്പോ, ഞാൻ ഒരു ചിരിയോടെ അവൾക്ക് കൊടുക്കാൻ പോകുന്ന യഥനകളെ കുറിച്ചോർത്ത് മനസ്സ് നിറഞ്ഞാണ് പ്രാർത്ഥിച്ചത്…..!!

 

 

കാറിനുള്ളിലെ ac യിൽ കുളിർത്തിരിക്കുവാണ് ഞാൻ. ഒരസ്വസ്ഥതയായി തോന്നിയത് എന്നെയും ചേർന്നോട്ടി അടുത്തായി ഇരുന്ന അമ്മയുടെ തോളിൽ തല വച്ച് മയങ്ങുന്ന അവളെ കണ്ടപ്പോഴണ്. ആ അസ്വസ്ഥതയേ ഞാൻ കാര്യമായി ഗൗനിച്ചില്ല, എന്തന്നാൽ വാര്യര് പറയുമ്പോലെ ഇനി എന്റെ കാലാല്ലേ…..??