Posted by
മായയ്ക്ക് നേരെ മെഡിസിനും വെള്ളവും കൊടുത്തു. മായ എന്നെ നോക്കാതെ എന്റെ കൈയ്യിൽ നിന്നും അത് വാങ്ങി. പതിയെ വായിലേക്ക് ഗുളിക വെച്ച ശേഷം വെള്ളവും ചേർത്ത് വിഴുങ്ങിക്കൊണ്ട് മായ ബെഡിൽ തല കുനിഞ്ഞിരുന്നു.
“താങ്ക്സ് ചേച്ചീ…. ഇപ്പൊ എനിക്ക് സന്തോഷമായി. താങ്ക്സ് ………..”
മായ ആ ഇരുപ്പിൽ തന്നെയാണ് യാതൊരു ഭാവവ്യത്യാസവും കാണിക്കുന്നില്ല. അത്രയ്ക്ക് കടുത്ത പനിയാണോ? നെറ്റിയിൽ ഒന്നു കൈ വച്ച് നോക്കിയാലോ . മായ എങ്ങനെ പ്രതികരിക്കും എന്നറിയില്ല. ഞാൻ പതിയെ മായയുടെ നെറ്റിയിൽ കൈ വച്ച് ചൂട് നോക്കി. മ്മം…….. അത്രവലിയ ചൂടില്ല, എന്നാൽ കുറവും അല്ല. മായ ഉടനെ, എന്റെ പ്രവർത്തി ഇഷ്ടമായില്ല എന്ന പോലെ നോക്കി. ഞാൻ മെല്ലെ കൈ പിൻവലിച്ചു.
“ചേച്ചി എന്തേലും കഴിച്ചോ…..? എന്തേലും വാങ്ങണോ. ”
” വേണ്ട ഞാൻ കഞ്ഞി വെച്ചിട്ടുണ്ട്. ഞാൻ കഴിച്ചോളാം….” ( ഭാഗ്യം സംസാരിച്ചു )
” അപ്പൊ ഇതുവരെ കഴിച്ചില്ലെ …. ഞാനെടുക്കാം. ” (എന്നിലെ കാമുകൻ ഉർന്നു തുടങ്ങി, ഞാൻ കിച്ചണിലേക്ക് പോകാനൊരുങ്ങി )
“വേണ്ട ഞാനെടുത്ത് കഴിച്ചോളാം ”
ഞാൻ : വയ്യാണ്ടിരിക്കുവല്ലെ, ഞാനെടുക്കാം.
മായ മറുത്തെന്തെങ്കിലും പറയുന്നതിന് മുന്നെ ഞാൻ കിച്ചണിലെത്തി. ഒരു പാത്രത്തിൽ കഞ്ഞിയും അൽപം അച്ചാറും ഒരു സ്പൂണുമായ് ഞാൻ മായക്കരിയിലെത്തി. മായ ബെഡ്ഡിൽ നിന്നും എഴുന്നേൽക്കാൻ ശ്രമിക്കുവാണ്. എഴുന്നേറ്റ മായ തലകറക്കം കാരണം അതെ പോലെ ബെഡ്ഡിൽ ഇരുന്നു.
ഞാൻ: ചേച്ചി ഞാൻ സഹായിക്കാം ….
എന്നും പറഞ്ഞ് മായയുടെ അരികിലെത്തി. മായ നിസ്സഹായയെ പോലെ ഇരിക്കുന്നു. ഞാൻ മെല്ലെ ആ വലുത് കൈത്തണ്ടയിൽ പിടിച്ചു കൊണ്ട് എഴുന്നേൽപ്പിക്കാൻ ശ്രമിച്ചു. പഞ്ഞിക്കെട്ടിൽ പിടിച്ചത് പോലെയാണ് എനിക്ക് അനുഭവപ്പെട്ടത്. മെല്ലെ മായ നടക്കുന്നതിനൊപ്പം ഞാൻ മായയെയും താങ്ങി നടന്നു.മായ ബാത്ത്റൂമിനു മുന്നിലാണ് ചെന്ന് നിന്നത്. ശേഷം എന്തോ ആലോചിക്കുവാണ്. ഒരു നിമിഷത്തിനു ശേഷം ബാത്ത്റൂം വാതിൽ തുറന്നു . എന്നിട്ട് എന്നോട്, “ഇനി ഞാൻ പൊയ്ക്കൊളാം ഇവിടെ നിന്നാൽ മതി ” എന്ന് പറഞ്ഞു. ഞാൻ പതിയെ മായയിലുള്ള പിടിവിട്ടു. മായ ആകെ ബാലൻസ് നഷ്ടപ്പെട്ട പോലെ ആണ് ഓരേ ചുവടും വയ്ക്കുന്നത്. മായ എങ്ങനെയോ ഒക്കെ ഉള്ളിൽ കയറി.