Posted by
അല്പനേരത്തിനു ശേഷം വല്ലാത്ത ദാഹം തോന്നിയ ഞാൻ വെള്ളത്തിനു വേണ്ടി മായയുടെ വീട്ടിലെത്താൻ തുനിഞ്ഞു. ഇന്നലെ രാത്രിയിലും ഇന്നു പകലും ഒന്നും തന്നെ ഞാൻ കഴിച്ചിരുന്നില്ല. ഞാൻ ഗെയ്റ്റിനടുത്ത് എത്തിയപ്പോൾ മനസ്സിലായ് അവർ എങ്ങും പോയിട്ടില്ല, അവിടെ തന്നെ ഉണ്ട് എന്ന് . ഉമ്മറത്ത് മായയുടെ അമ്മ ഇരിപ്പുണ്ട്. എന്നെ കണ്ടിട്ടും യാതൊരു ഭാവവ്യത്യാസം ആ കിളവിയിൽ കണ്ടില്ല.’ഹോ ….. ഇപ്പോഴാണ് സമാധാനം ആയത്. ആരും ഒന്നും അറിഞ്ഞിട്ടില്ല’.
” അമ്മൂമ്മെ ……. കുടിക്കാൻ ഇത്തിരി വെള്ളം വേണം. ” ഞാൻ ചോദിച്ചു.
വെള്ളമെടുക്കാനായ് മായയുടെ അമ്മ അകത്തേയ്ക്ക് പോയി , അല്പ നേരത്തിനു ശേഷം വെള്ളവുമായ് തിരികയെത്തി.
” അമ്മൂമ്മെ …… ചേച്ചി ഇല്ലേ …. കണ്ടില്ലല്ലോ?
അമ്മൂമ്മ : അവൾ കിടക്കുവാ മോനെ. സുഖമില്ല . ചെറിയ പനിയാ ….
ഞാൻ : പനിയോ ….. (എന്റെ ഉള്ളൊന്ന് നീറി.) അമ്മൂമ്മെ ഞാനവിടെ ഉണ്ടാകും എന്തെലും ഹെല്പ് വേണമെങ്കിൽ വിളിക്കാൻ മടിക്കണ്ട കേട്ടോ .
അമ്മൂമ്മ : ആഹ് ….. മോനെ ….
ഞാൻ ഒരു ചിരിയും പാസ്സാക്കി സൈറ്റിലെത്തി. എനിക്ക് ഒരു സമാധാനവും കിട്ടുന്നില്ല. പണിചെയ്യാനും തോന്നുന്നില്ല. ഞാൻ കാരണം എന്റെ പെണ്ണിതാ സുഖമില്ലാണ്ട് കിടക്കുന്നു. എങ്ങനെയോ ഒക്കെ തള്ളി ഉന്തി 10 മണിയായ് . വിശന്നിട്ടു കണ്ണു കാണ്ണാൻ വയ്യ.
വീട്ടിൽ നിന്നും ഫുഡ് എടുക്കാൻ പോലും മറന്നിരിക്കുന്നു. ഹോട്ടലിൽ പോയി എന്തെലും കഴിക്കാം എന്നു കരുതി , ഞാൻ ഹോട്ടൽ ലക്ഷ്യമാക്കി ബൈക്കെടുത്തു. അങ്ങനെ ഫുഡ് കഴിച്ചിറങ്ങിയ ശേഷം ‘ മെഡിസിൻ എന്തേലും മായ കഴിച്ചിട്ടുണ്ടാവുമോ, ഞാൻ വാങ്ങിയാൽ കഴിക്കുമോ ?’ എന്തായാലും പനിക്കുള്ള ഗുളിക വാങ്ങാൻ തീരുമാനിച്ചു.
തിരികെ ഞാൻ മായയുടെ വീടിനു മുന്നിലെത്തി.ആരെയും പുറത്ത് കാണുന്നില്ല.ഞാൻ കോളിംഗ് ബെൽ അമർത്തി.കറൻഡ് കട്ട് ആണെന്ന് മനസ്സിലായി, ശബ്ദം കേൾക്കുന്നില്ല.’അമ്മൂമ്മെ’എന്ന് വിളിച്ചു നോക്കിയെങ്കിലും തിരിച്ചു പ്രതികരണം ഒന്നും ഉണ്ടായില്ല. ‘കിളവി ഗുളികയും കഴിച്ച് അടുത്ത ഉറക്കത്തിലേക്ക് ചലിച്ചു കൊണ്ടിരുക്കുകയായിരിക്കും’.