Posted by : ആൽബത്തിലെ പെണ്ണിനേക്കാൾ വയസുള്ള ഒരു മോളുണ്ട് ഈ പെണ്ണിനിപ്പോ.. അവന് പ്രേമിക്കാൻ പറ്റിയ പ്രായം. വേറെ ആരെയും കിട്ടിയില്ല..
അവന്റെ തൊണ്ടയിടറി. കൈകാലുകൾ എന്തിനെന്നില്ലാതെ വിറപൂണ്ടു. കഴിഞ്ഞ നിമിഷത്തെ അവൻ ശപിച്ചു. ഹൃദയമിടിപ്പ് കൂടിക്കൊണ്ടിരിക്കുമ്പോൾ തൽക്കാലാശ്വാസത്തിനെന്നോണം അവൻ ഇന്ദുവിനോട് ക്ഷമാപണം നടത്തി…
: സോറി അമ്മായീ. പ്രേമമെന്നൊക്കെ പറഞ്ഞു പുറകെനടന്ന് ശല്യംചെയ്യുന്നവരുടെ ഗണത്തിലൊന്നും എന്നെ പെടുത്തല്ലേ പ്ലീസ്..വർഷങ്ങളായി മനസ്സിൽ ഉള്ളതാണ്. പെട്ടെന്നൊന്നും മറക്കാൻ പറ്റില്ലായിരിക്കും, എന്നാലും ഞാൻ മാറ്റിയെടുത്തോളാം. സോറി..
ഇന്ദുവിന്റെ മറുപടിയൊന്നും കേൾക്കാതിരുന്നപ്പോൾ ആദി പതുക്കെ പുതപ്പിൽ നിന്നും വെളിയിൽ വന്നു. തന്റെ ജാക്കറ്റ് ധരിച്ചുകൊണ്ട് അവൻ കിടക്കയിൽ നിന്നും ഇറങ്ങി നിലത്ത് തുണിവിരിച്ചു കിടന്നു. പറയണ്ടായിരുന്നു എന്നതോന്നൽ അവന്റെ മനസ്സിനെ പിടിച്ചുലച്ചു. കണ്ണുകളടച്ചു കിടന്ന ആദിയുടെ മനസിലേക്ക് ആ പത്തൊമ്പതുകാരി കല്യാണപെണ്ണ് കലിതുള്ളി നിൽക്കുന്ന രൂപത്തിൽ വന്നുനിന്നു. കൈവീശിയവൾ അവന്റെ മുഖത്തേക്കടിക്കുന്ന രംഗമെത്തിയപ്പോഴേക്കും അവന്റെ ദേഹത്ത് എന്തോവന്നു മുട്ടിയതുപോലെ തോന്നി. കണ്ണുതുറന്നു നോക്കിയ ആദി കാണുന്നത് കൈകൾരണ്ടും നെഞ്ചോട് ചേർത്ത് കൂട്ടിക്കെട്ടി മലർന്നുകിടക്കുന്ന ഇന്ദുവിനെയാണ്. അവന്റെ കണ്ണുകൾക്ക് വിശ്വസിക്കാനായില്ല. കൺപോളകൾ ചിമ്മിത്തുറന്ന ആദി ചരിഞ്ഞുകിടന്ന് ഇന്ദുവിന്റെ മുഖത്തേക്ക് നോക്കി. അവൾ കണ്ണുകൾ ചിമ്മിയടച്ച് ചുണ്ടിലൊരു പുഞ്ചിരിയുമായി കിടന്നു. ആദി വീണ്ടും മലർന്നു കിടന്നെന്ന് മനസിലാക്കിയ ഇന്ദു പതുക്കെ കണ്ണുകൾ തുറന്ന് അവനെനോക്കികൊണ്ട് ചരിഞ്ഞു കിടന്നു…
: രാവിലേക്ക് തണുപ്പുകയറി മരവിച്ച് എഴുന്നേൽക്കാൻ വയ്യാതെ കിടക്കുന്ന ചെറുക്കനെയൊന്നും എനിക്ക് വേണ്ട.. എനിക്കെന്റെ പഴയ ആദിക്കുട്ടനെ മതി. വന്നു കിടക്കേൽ കിടക്കട കള്ള കാമുക
: എന്താ പറഞ്ഞേ…
: നേരത്തെ പറഞ്ഞതേ ഇപ്പോഴും പറയാനുള്ളു… ഇവിടെ നടക്കുന്നതൊന്നും ആരോടും പറഞ്ഞേക്കല്ലേ മോനേ…
: അപ്പൊ… അമ്മായിക്ക്…
: എന്റെ പൊട്ടാ.. ഇതിൽക്കൂടുതൽ എങ്ങനാ പറയേണ്ടത്…
സന്തോഷംകൊണ്ട് ആദി എഴുന്നേറ്റ് തുള്ളിച്ചാടി. ടെന്റിന് വെളിയിലേക്കോടിയ അവൻ മാനത്തെ നക്ഷത്രങ്ങളെനോക്കി കൂവി. കൈകൾ വാനിലേക്കുയർത്തി അവൻ ആനന്ദനൃത്തമാടി. സന്തോഷത്തിൽ മതിമറന്ന് ടെന്റിലേക്ക് ഓടി കയറിയ ആദി ഇന്ദുവിനെ എടുത്തുപൊക്കി രണ്ടുവട്ടം കറങ്ങി. ആദിയുടെ കഴുത്തിലൂടെ കൈകൾ ചുറ്റിപിടിച്ചുകൊണ്ട് ഇന്ദു തലയുയർത്തിപിടിച്ച് അവനോടൊപ്പം സന്തോഷം പങ്കിട്ടു. ഇന്ദുവിനെ കിടക്കയിലേക് മലർത്തി കിടത്തിയ ശേഷം ആദി പുതപ്പുമായി അവളെ മൂടി. പരസ്പരം മുഖത്തോടു മുഖംനോക്കി കിടന്നവർ പതുക്കെ കെട്ടിപിടിച്ചു. ആദിയുടെ ഹൃദയം പിയടയ്ക്കുന്നത് ഇന്ദുവിന്റെ നെഞ്ചിലറിയാം. പരസ്പരം കഴുത്തിൽ മുഖം ചേർത്തുവച്ച് രണ്ടാളും കെട്ടിപിടിച്ചു കിടന്നു. ആദിയുടെ കാൽ ഇന്ദുവിന്റെ ദേഹത്തേക്ക് കയറ്റിവച്ച് അവൻ അവളെ ഇറുകെ പുണർന്നു.