Posted by ജാനകി ഒന്ന് ഞെട്ടി…
“അവളെ ഞാനെന്തുമാത്രം സ്നേഹിച്ചെന്ന് നിനക്കറിയാല്ലോ… അവളും……!!” ഞാൻ പറഞ്ഞു…
“ടാ…. നീ എന്തൊക്കെയാ ഈ പറേണേന്ന് വല്ല ബോധവുമുണ്ടോ…?? നിന്നോടിത് ആരാ പറഞ്ഞത്… അവൻ അങ്ങനൊന്നും ചെയ്യില്ല….!!” അവൾ കട്ടായം പറഞ്ഞു….
ഞാനവൾക്ക് നേരെ എന്റെ ഫോൺ നീട്ടി…. അവളത് വാങ്ങി…. അതിൽ പോസ് ചെയ്ത് വെച്ച അവരുടെ വീഡിയോ ആയിരുന്നു…. അവളത് പ്ലേ ചെയ്തു…..
അവൾ ഞെട്ടുന്നതും സങ്കടപ്പെടുന്നതും പിന്നാലെ കണ്ണിൽ നിന്ന് കണ്ണീർ ഒഴുകുന്നതും ഞാൻ കണ്ടു…. അവൾ ഫോൺ മാറ്റിവെച്ച് മുഖം പൊത്തി കരയാൻ തുടങ്ങി….
ഞാൻ ആശ്വസിപ്പിക്കാൻ പോയില്ല… അല്ലെങ്കിലും എന്ത് പറഞ്ഞ് ആശ്വസിപ്പിക്കാൻ…. ഞാനും അവളും ഒരേ ദുഃഖത്തിലാണ്….
“തുടങ്ങിയിട്ട് ഒരുപാട് നാളായി…. ചിലപ്പോ വർഷങ്ങളായി എന്നെയും നിന്നെയും അവർ പറ്റിക്കുകയാണ്….!!” അവളുടെ ഏങ്ങലടികൾ അൽപം കുറഞ്ഞപ്പോൾ ഞാൻ അവളോട് പറഞ്ഞു….
അവൾ തലയുയർത്തി എന്നെനോക്കി… എന്നിട്ട് എന്തോ തീരുമാനിച്ചപോലെ അവിടെനിന്നു എഴുന്നേറ്റു…. അവൾ പുറത്തേക്ക് നടക്കാൻ ഭാവിച്ചു….
“എങ്ങോട്ടാ….??” ഞാൻ ചോദിച്ചു…
“നിനക്ക് ചിലപ്പോ ഇതൊക്കെ കണ്ട് വെറുതെ ഇരിക്കാൻ പറ്റുമാരിക്കും…. പക്ഷെ എനിക്ക് പറ്റില്ല… കൊല്ലും ഞാനാ നാറിയെ…!!” അവൾ രോഷത്തോടെ പറഞ്ഞു….
“ദാ….!!” ഞാൻ ഒളിപ്പിച്ച കത്തി അവൾക് നേരെ ഇട്ടുകൊടുത്തു…. അവൾ എന്നെനോക്കി…
“ആ മുറിയിലുണ്ട് രണ്ടും…. എന്താന്ന് വെച്ചാ ചെയ്തോ….!!” ഞാൻ പറഞ്ഞപ്പോ അവളൊന്ന് ഞെട്ടി…. അവൾ കത്തി എടുക്കാതെ മുറിയിലേക്ക് ചെന്നു….
വാതിൽ തുറന്ന് അകത്ത് കയറിയ ജാനകിക്ക് അസ്സലൊരു കണിയാണ് ഞാനൊരുക്കി വെച്ചത്… പിന്നീട് എന്ത് പറഞ്ഞ് അവൻ ന്യായീകരിക്കാൻ ശ്രമിച്ചാലും അവൾക്ക് മറക്കാൻ പറ്റാത്തൊരു ചിത്രം….
ബെഡിൽ നിന്ന് പുതപ്പെല്ലാം മാറ്റി രണ്ടിനെയും നൂൽബന്ധമില്ലാതെ അവിടെ കിടത്തിയിരുന്നു…. ജാനകി അതുകണ്ടു സ്തബ്ദയായി നിന്നുപോയി… എന്നെപ്പോലെ തന്നെ… ജീവനോളം സ്നേഹിച്ച, വിശ്വസിച്ച ഭർത്താവ്… മറ്റൊരു പെണ്ണിനോപ്പം…. അവളൊരിക്കലും അത് മറക്കില്ല….
ജാനകി മുഖം പൊത്തി നിലത്തിരുന്ന് കരഞ്ഞു… അൽപനേരം ഞാൻ അങ്ങോട്ട്‌ നോക്കിയില്ലെങ്കിലും കുറച്ച് കഴിഞ്ഞപ്പോൾ ഞാനങ്ങോട്ട് ചെന്നു….
ഞാൻ ജാനകിയുടെ തലയിൽ തടവി ആശ്വസിപ്പിച്ചു…