Posted by “””ഓക്കെ…””” ഞാൻ കാര്യങ്ങൾ പറഞ്ഞ് കൊടുത്തത് കേട്ട് ചേച്ചി കൈ കൊണ്ട് തംബ്സ്അപ്പ്‌ കാണിച്ചു…
“””എന്നാ തുടങ്ങാം…. വാ നിലത്ത് ഇരിക്ക്”””
അങ്ങനെ ഞങ്ങൾ രണ്ടും സിറ്റിങ്റൂമിൽ നിലത്ത് പരസ്പരം നോക്കി ഇരുന്നു… ഒരു കാലി കുപ്പിയും എടുത്തു….
“””ഞാൻ കറക്കാം..””” ചേച്ചി പറഞ്ഞപ്പോൾ കുപ്പി ഞാൻ ചേച്ചിയ്ക്ക് കൊടുത്തു, പുള്ളിക്കാരി കണ്ണടച്ച് പ്രാർത്ഥിച്ചു കൊണ്ട് കുപ്പി നിലത്ത് വെച്ച് കറക്കി….
“””ഓ ഷിറ്റ്…””” കറക്കിയ കുപ്പിയുടെ അടപ്പ് ഭാഗം തന്റെ നേരെ തന്നെ വന്ന് നിന്നപ്പോൾ ചേച്ചി തലയ്ക്ക് കൈ വെച്ചുകൊണ്ട് പറഞ്ഞപ്പോൾ ഞാൻ ചിരിച്ചു…
“””ഓക്കെ…. ട്രൂത്ത് ഓർ ഡെയർ?”””
“””ട്രൂത്ത്””” ഒട്ടും ആലോചിക്കാതെ ചേച്ചി പറഞ്ഞു.
“””ചേച്ചിയ്ക്ക് ജീവിതത്തിൽ ഏറ്റവും നാണക്കേട് ഉണ്ടാക്കിയ ഒരു സാഹചര്യം, അത് വിശദമായി പറ””” ഞാൻ ആദ്യത്തെ പണി കൊടുത്തു
“””ഈശ്വരാ….”””
“””ഈശ്വരനെ വിളിച്ചിട്ട് ഒന്നും കാര്യമില്ല, സത്യസന്ധമായി ഉത്തരം പറഞ്ഞോ…”””
“””ഒരുമിനിറ്റ് ആലോചിക്കട്ടെ”””
“””ആ ആലോചിച്ചോ ആലോചിച്ചോ”””
ചേച്ചി ഒന്ന് ആലോചിച്ച ശേഷം പറഞ്ഞ് തുടങ്ങി “””നാണക്കേട് ഉണ്ടാക്കിയ ഒത്തിരി സംഭവങ്ങൾ കാണും, പക്ഷെ പെട്ടെന്ന് ഒരെണ്ണം പറയാൻ പറഞ്ഞാൽ… ഈ അടുത്ത് നടന്നൊരു സംഭാവമുണ്ട്, നിന്റെ ഏട്ടന്റെ ഓഫീസിലൊരു ഡിന്നർ പാർട്ടി ഉണ്ടായിരുന്നു, അതിന് ഞാനും പോയി…. അവിടെ ചെന്നപ്പോൾ ന്യൂലി മാറീഡ് കപ്പിൾ എന്നൊക്കെ പറഞ്ഞ് ഞങ്ങളെ ഇൻട്രൊഡ്യൂസ് ചെയ്തിട്ട് അവസാനം ഒരു പാട്ടും വെച്ച് തന്ന് ഡാൻസ് ചെയ്യാൻ പറഞ്ഞു… ഒരു നിവർത്തിയും ഇല്ലാതെ ഒടുക്കം ഞാനും ഏട്ടനും കൂടി ഡാൻസ് കളിച്ച് തുടങ്ങി, സത്യം പറയാലോ അങ്ങേർക്ക് താളബോധം എന്നൊരു സാധനമേ ഇല്ല…. ഡാൻസ് കളിക്കുന്നതിനിടെ എന്നെ പിടിക്കേണ്ട സമയത്ത് പുള്ളി നോക്കി നിന്നു… ഞാൻ ഊരയും കുത്തി വീഴുകയും ചെയ്തു…. അന്ന് ആ കൂടി നിന്ന മൊത്തം ആൾക്കാരും ചിരിച്ചപ്പൊ ഭൂമി പിളർന്ന് താഴേക്ക് പോയാ മതിയെന്ന് തോന്നിയിരുന്നു…. അത്രയും നാണക്കേട് ഈ അടുത്ത് വേറെ ഉണ്ടായിട്ടില്ല””” അത് പറഞ്ഞ് കഴിഞ്ഞിട്ടും ചേച്ചിയുടെ മുഖത്ത് അന്ന് അനുഭവിച്ച നാണക്കേടിന്റെ അംശമുണ്ടായിരുന്നു, എനിക്കാണെങ്കിൽ കേട്ട് കഴിഞ്ഞപ്പോൾ ചിരിയും പൊട്ടി….