Posted by
ആനി സങ്കടപെടുന്നത് അവന് സഹിച്ചില്ല. അവളെ തന്റെ തോളോട് ചേർത്ത് പിടിച്ചുകൊണ്ട് അവൻ ആശ്വസിപ്പിച്ചു : കഴിഞ്ഞത് കഴിഞ്ഞു, എനി അതും പറഞ്ഞ് നമ്മള് പരസ്പ്പരം തർക്കികണ്ട.
ആനി അവനോട് കൂടുതൽ ചേർന്നിരുന്ന് അവന്റെ തോളിൽ തലചായ്ച്ചു. വിധു തന്റെ ഇടതു കൈകൊണ്ട് അവളുടെ മുടിയിൽ പതിയെ തലോടി. പെട്ടന്ന് ഡോറ് തുറന്ന് പാപ്പി അകത്തേയ്ക്ക് കയറി വന്നു. ഇരുവരും ഞെട്ടി, വിധു പെട്ടന്ന് നീങ്ങിയിരുന്നു.
” മുറിയിലേക്ക് കയറി വരുമ്പോ നിങ്ങൾക്കൊന്ന് കതകിന് തട്ടിക്കൂടെ ? “
ആനി ദേഷ്യത്തോടെ ചോദിച്ചു. മറുപടിയൊന്നും പറയാതെ വധുവിനെ നോക്കി പാപ്പി മുഷ്ടി ചുരുട്ടി.
” നിങ്ങൾക്ക് ഞാൻ പറഞ്ഞത് കേട്ടില്ലേ..? “
ആനി വീണ്ടും ചോദിച്ചു. ആനിയോട് ദേഷ്യപ്പെട്ടാൽ അവൾ തന്നോട് കൂടുതൽ അകലുമെന്ന് പാപ്പിക്ക് അറിയാം. അവൻ മനസ്സിലുള്ള ദേഷ്യം കഴിവതും നിയന്ത്രിച്ചുകൊണ്ട് ചോദിച്ചു : ട്യൂഷൻ എടുക്കാനാണെന്ന് പറഞ്ഞിട്ട്, എന്താ ഇത്ര താമസം ?
” ഞാൻ ഇവന്റെ ടീച്ചറാ, എനിക്ക് അറിയാം എപ്പോ പഠിപ്പിക്കണം,എങ്ങനെ പഠിപ്പിക്കണം എന്നൊക്കെ. ഇച്ചായൻ ഈ കാര്യത്തിൽ ഇടപെടേണ്ട.” ആനി കർശനമായി പറഞ്ഞു.
” ഉവ്വ് “
മൂളികൊണ്ട് പാപ്പി പോകാനൊരുങ്ങി.
” പോകുമ്പോ വാതില് കൂടി അടച്ചേയ്ക്ക്..”
ആനി നിർദ്ദേശിച്ചു. മറുപടിയൊന്നും പറയാതെ വാതിലടച്ചുകൊണ്ട് പാപ്പി മുറിവിട്ട് പോയി.
പാപ്പി പോയ ശേഷം വിധു സംശയത്തോടെ ആനിയെ നോക്കി.
” എന്താ ഇങ്ങനെ നോക്കുന്നെ ? “
ആനി ചിരിച്ചുകൊണ്ട് ചോദിച്ചു.
” ടീച്ചർ ഇത്രയൊക്കെ പറഞ്ഞിട്ടും ഇച്ചായൻ മറുത്തൊന്നും പറയാത്തതെന്താണെന്നാ എനിക്ക് മനസ്സിലാകാത്തത്..? “
ആനി മറുപടിയൊന്നും പറയാതെ പുഞ്ചിരിക്കുക മാത്രം ചെയ്തു.