Posted by പാപ്പി മുഖം തിരിച്ചുകൊണ്ട് പറഞ്ഞു.
” എന്തെ… ഇച്ചായൻ സമ്മതമില്ലാതെ ആനി ടീച്ചറെ കേറി പിടിച്ചാ..? ”
കുട്ടാപ്പി സംശയരൂപേണെ ചോദിച്ചു.
” ഏയ്… ഞാൻ അത്തരക്കാരനല്ല… ഒരു സംശയം… അത് ചോദിചൂന്നെ ഉള്ളു.. ”
പാപ്പി അവന്റെ മുഖത്ത് നോക്കാതെ പറഞ്ഞു.
” പിന്നെന്തിനാ ഇച്ചായൻ രാവിലെ തന്നെ തലക്ക് വെളിവില്ലാത്ത ആളെ പോലെ പെരുമാറിയത്… ”
കുട്ടാപ്പിയുടെ സംശയം മാറിയില്ല.
” അതൊന്നുമില്ലെടാ… ”
” ഫസ്റ്റ് നൈറ്റ് ശെരിക്കും നടക്കാത്തതിന്റെ ഫ്രസ്ട്രേഷൻ ആണോ..? ”
” നിന്നോട് ആര് പറഞ്ഞു എന്റെ ഫാസ്റ്റ് നൈറ്റ് ശെരിക്കും നടന്നില്ലാന്ന്..? ”
പാപ്പി കള്ള ഭവത്തോടെ ചോദിച്ചു.
” പിന്നെന്താ നിങ്ങൾക്ക് ഒരു സന്തോഷം ഇല്ലത്തെ… 🤔”
” എന്റെ ഉള്ളില് നല്ലോണം സന്തോഷം ഉണ്ട്… അതൊക്കെ ഇങ്ങനെ പുറത്ത് കാണിച്ചു നടക്കാൻ പറ്റോ..? ആളുകൾ എന്ത് വിചാരിക്കും.. ”
” അത് ശെരിയാ… പാപ്പിച്ചായൻ നല്ല സന്തോഷത്തിലാണെന്നല്ലേ പറഞ്ഞത്.. ”
” അതെ.. ”
” എന്നാ എനിക്കൊരു വിസ്ക്ക് വാങ്ങിച്ചു തരോ..? ”
” എന്റെ വീട്ടില് നല്ല ടൈഗർ ബാം ഉണ്ട് അത് മതിയോ…? ”
” അതിന് ഇവിടെ ആർക്കാ ജലദോഷം..? ”
” നീയല്ലേ പറഞ്ഞത് നിനക്ക് വിക്സ് വേണമെന്ന്.. ”
” എന്റെ ഇച്ചായാ തലയിൽ പുരട്ടുന്ന വിക്സ് അല്ല… കുടിക്കുന്ന വിസ്ക്ക്.. ”
” വിക്സ് മരുന്ന് രൂപത്തിലും ഇറങ്ങിയോ..? ”
” 🥴 എന്റെ ഇച്ചായാ.. ഞാൻ കള്ളിന്റെ കാര്യമാ പറഞ്ഞത്…”
” ഓ… വിസ്ക്കി… ”
പെട്ടന്ന് പാപ്പിക്ക് കാര്യം പിടികിട്ടി.
” അഹ്.. അത് തന്നെ സാധനം… അതൊരെണ്ണം എനിക്ക് വാങ്ങിച്ചു തരണം… ”
” വല്ല പട്ട ചാരായം പോരെ… ”
” പോരാ… പറഞ്ഞ സാധനം തന്നെ കിട്ടണം..”
” അതൊന്നും ഇവിടെ കിട്ടില്ല… അങ്ങ് ടൗണിൽ പോണം… ”
പാപ്പി ഒഴിയാൻ ശ്രമിച്ചു.
” കാശ് തന്നാൽ മതി ഞാൻ പോയി വാങ്ങിച്ചോളാം… “