തണൽ 3

Thanal Part 3 | Author : JK | Previous Part

---

ഫസ്റ്റ് പാർട്ടിന് കിട്ടിയ like നിലനിർത്താൻ സെക്കന്റപാർട്ടിന് കഴിഞ്ഞില്ല. അതിനർത്ഥം പലർക്കും സെക്കന്റ്‌ പാർട്ട്‌ ഇഷ്ടപ്പെട്ടില്ല എന്ന് ഞാൻ കരുതുന്നു..

എന്തായാലും ഇഷ്ടപെടുന്ന കുറച്ച് പേർക്കുവേണ്ടി കഥ മുൻപോട്ട് എഴുതിയല്ലേ പറ്റു.

അഭിപ്രായം രേഖപ്പെടുത്തണം ഇഷ്ടപ്പെട്ടാൽ ഹൃദയം ചുവപ്പിക്കണം❤️. Dear jk

%%%%%%%%%%%%%%%%%%%%%%%%%%

പ്രണയം തുറന്നു പറഞ്ഞതിനുശേഷമുള്ള ദിനങ്ങളിൽ ഏറ്റവും കൂടുതൽ ദുരിതം അനുഭവിക്കേണ്ടി വന്നത് ഞങ്ങളുടെ ഫോണുകൾക്കാണ്.

കാരണം ഫോണിന് ഒഴുവില്ലാണ്ട് ഞങ്ങൾ മെസ്സേജായും കോളുകളയും സംസാരിച്ചുകൊണ്ടേയിരുന്നു.

ബാത്‌റൂമിൽ പോകുബോൾ പോലും ഫോൺ ഉപയോഗിക്കുന്ന അവസ്ഥ.

പണ്ട് നമ്മൾ ബാത്‌റൂമിൽ കയറുബോൾ ഫോൺ (porn🔞) ഉപയോഗിച്ചതുപോലെയല്ല. ഇന്ന് ഞാൻ അന്നത്തേതിനേക്കാൾ ആനന്ദം അനുഭവിക്കുന്നുണ്ട് എന്ന് മാത്രം.

ഇത്രയേറെ ഫോൺ വിളി ഉണ്ടങ്കിലും ബാങ്കിൽ നിന്നും മാത്രമാണ് തമ്മിൽ കാണാൻ കഴിയുന്നത്. അതുകൂടെയാണ് ഫോൺ വിളി ഇത്രക്ക് ഭീകരമാവാനും കാരണവും.

അങ്ങനെ ഒരാഴ്ച കടന്നുപോയത് അറിഞ്ഞില്ല. ഇന്ന് വൈകിട്ട് നാട്ടിൽ പോണം. രണ്ട് ദിവസം ലീവ് അല്ലെ..

പിന്നെ നാട്ടിൽ പോവുന്നതിന്റെ പ്രദാന ഉദ്ദേശം അഭിയുടെ കാര്യം വീട്ടിൽ പറയണം.

കുറച്ച് കാലം പ്രേമിച്ച് നടക്കണം എന്നാണ് ആഗ്രഹം. പക്ഷേ ഒരു കുഞ്ഞിന്റെ അമ്മയല്ലേ അവൾ അതുകൊണ്ട് ഞങ്ങളുടെ ബന്ധം ചീത്തപ്പേര് വരാൻ വളരെയധികം സാധ്യതയുണ്ട്. ഒരുപക്ഷേ അത് അഭിക്ക് താങ്ങാൻ കഴിഞ്ഞെന്നുവരില്ല. അതുകൊണ്ടാണ് ഞാൻ കല്യാണത്തിന് തിടുക്കം കൂട്ടുന്നതും അവളിൽ നിന്നും അല്പം അകലം പാലിക്കുന്നതും.

പിന്നെ അവളുടെ ചേട്ടനും എന്നെ പൂർണമായി വിശ്വാസം വന്നിട്ടില്ല. ഞാൻ അവളുടെ അവസ്ഥയെ മുതലെടുക്കുകയാണോ എന്ന് അയാൾ വിചാരിക്കുന്നുണ്ടാവും.

രണ്ട് ദിവസം മുൻപ് അവളുടെ ചേട്ടൻ എന്നെ വിളിച്ചിരുന്നു. കുറേനേരം ഞങ്ങൾ സംസാരിച്ചു. അതിൽ നിന്നും അദ്ദേഹത്തിന് എന്നിൽ അല്പം ആശങ്കയുള്ളത് പോലെ എനിക്ക് തോന്നിയിരുന്നു.

എനിയിപ്പോ എന്നായാലും കല്യാണം വേണ്ടേ.. അതുകൊണ്ട് ആദ്യം കല്യാണം അതിനുശേഷം പ്രണയം. അതാണ് എന്റെ തീരുമാനം. അങ്ങനെ പാടില്ല എന്ന് ആരും പറയുന്നില്ലലോ..