Posted by സാരംഗി ആ പെൺകൊടിയുടെ മുഖത്തേക്ക് സൂക്ഷിച്ചു നോക്കി.
അപ്പോഴാണ് അവൾ ഒരു കാര്യം മനസിലാക്കിയത്.
ആ പെണ്ണിന് തന്റെ മുഖച്ചായ അല്ലെ?
സംശയ നിവാരണത്തിനായി സാരംഗി ഒന്നൂടെ നോക്കി.
ശരിയാണ്……. അവൾക്ക് തന്റെ മുഖമാണ്…
സാരംഗി അത്ഭുതത്തോടെ ആ രംഗം വീക്ഷിക്കുകയായിരുന്നു.
പിന്നെ അവൾ കണ്ടത് പ്രക്ഷുബ്ധമായ ഒരു കടൽ ആയിരുന്നു.
അതിൽ വലിയൊരു കൊലയാളി ചുഴി രൂപപ്പെട്ടു.
ആ ചുഴിയിലേക്ക് സാരംഗി ഉണ്ടായിരുന്ന ബോട്ട് അകപ്പെട്ടു.
സമുദ്രത്തിന്റെ ആഴങ്ങളിലേക്ക് അവൾ താഴ്ന്നു പോയി.
ശ്വാസം കിട്ടാതെ അവൾ പിടഞ്ഞു.
ഒരിറ്റ് ജീവ വായുവിനായി അവൾ കടലിന്റെ അടിത്തട്ടിൽ കിടന്ന് കൈ കാലുകളിട്ടടിച്ചു.
പക്ഷെ ആരുടേയും സഹായഹസ്തം അവളെ തേടിയെത്തിയില്ല.
അവിടെ കിടന്നാവും തന്റെ അന്ത്യമെന്ന് അവൾ കണക്ക് കൂട്ടി.
പൊടുന്നനെ സാരംഗി കണ്ണുകൾ വലിച്ചു തുറന്നു മുന്നിലേക്ക് നോക്കി.
അവിടെ നിർവികാരതയോടെ നിൽക്കുന്ന അഘോരിയെ കാണാം.
അവൾ ഭയത്തോടെ പിന്നിലേക്ക് മാറി ആഞ്ഞു ശ്വാസം വലിച്ചു.
ഇപ്പൊ കണ്ടത് ഒക്കെ ഒരു മിഥ്യയായിരുന്നെന്ന് വിശ്വസിക്കാൻ അവൾക്ക് കഴിഞ്ഞില്ല.
നിന്റെ നിയോഗത്തിലേക്കുള്ള ആദ്യ കാൽവെയ്പ്……. ദാ ഈ നിമിഷം മുതൽ ആരംഭിക്കുകയായി….. കാലാന്തര യാത്രാ മന്ത്ര പ്രയോഗം അറിയുവനായി നീ വാ…… എന്റെ കൂടെ വാ
അതും പറഞ്ഞുകൊണ്ട് ആ അഘോരി സന്യാസി ബ്രിഡ്ജിന്റെ കൈ വരിയിൽ നിന്നും താഴേക്ക് എടുത്തു ചാടി.
അതു കണ്ട സാരംഗി അലർച്ചയോടെ അയാളെ പിടിക്കുവാനായി എഴുന്നേറ്റ് ഓടി ബ്രിഡ്ജ്ന്റെ കൈ വരിയിൽ വന്നു നിന്ന് താഴേക്ക് നോക്കി.
എന്നാൽ ആ സന്യാസിയുടെ പൊടി പോലും കാണുന്നുണ്ടായിരുന്നില്ല.
താഴെ ഉൾക്കടൽ ആണ്.
സാരംഗി നെഞ്ചിൽ കൈ വച്ചുകൊണ്ട് പിന്നിലേക്ക് മാറി.
അപ്പോഴാണ് ഇടത് കയ്യിൽ ഒരു പഴഞ്ചൻ പേപ്പർ കഷ്ണം അവളുടെ ശ്രദ്ധയിൽ പെട്ടത്.
അവൾ ആ ചുരുൾ പയ്യെ നിവർത്തി നോക്കി.
അതു വേൾഡ് മാപ്പിൽ നിന്നും കീറിയെടുത്ത ഒരു കഷ്ണമായിരുന്നു.
അതിൽ ജപ്പാനിലെ ടോക്യോ എന്ന സ്ഥലം ആയിരുന്നു രേഖപ്പെടുത്തിയിട്ടുണ്ടായിരുന്നത്.
ഇതും ടൈം ട്രാവൽ മന്ത്രവും ഞാനുമായി എന്ത് ബന്ധം?