Posted by Ok എന്ന നന്നായിട്ട് ആലോചിച്ചിട്ട് തീരുമാനം എടുത്താൽ മതി. ഞാൻ പറഞ്ഞു. അല്പസമയത്തിനുശേഷം കാർ മുന്നോട്ടെടുത്തു.
വണ്ടി ഓടിക്കുന്നതിനിടയിലും എന്റെ ശ്രദ്ധ അഭിരാമിയിലായിരുന്നു. ഞാൻ ഇടക്ക് അവളെ ഒളികണ്ണിട്ട് നോക്കി.
ആ കണ്ണുകൾ ഇപ്പോൾ റോഡിലാണ്. കാറിനുള്ളിലെ ഇരുണ്ട വെളിച്ചത്തിലും ആ കണ്ണുകൾ തിളങ്ങുന്നുണ്ടായിരുന്നു.
എതിരെ വരുന്ന വണ്ടികളുടെ ഹെഡ്ലൈറ്റ് പ്രകാശം അഭിരാമിയുടെ മുഖത്തൂടെ തഴുകി പോകുബോൾ ആ ചുണ്ടുകളിൽ തങ്ങി നിന്നിരുന്ന ഇളം പുഞ്ചിരി എന്റെ നെഞ്ചിൽ ആശ്വാസത്തിന്റെ വിത്തുകൾ വിതച്ചു.
അവളുടെ വലത് കൈ അവളുടെ വലത് തുടയിൽ വിശ്രമിക്കുന്നു. എന്നാൽ ആ നീണ്ട സുന്ദരമായ വിരലുകൾ വിശ്രമിക്കാൻ മടിച്ച് എന്തെല്ലാമോ വ്യഗ്രത കാണിച്ചുകൊണ്ടിരുന്നു.
പെട്ടെന്ന് റോഡിൽ റെഡ് സിഗ്നൽ തെളിഞ്ഞു. കാർ സിഗ്നലിനോട് അടുത്തപ്പോൾ ഞാൻ അവളിൽ നിന്നും നോട്ടം മാറ്റി റോഡിൽ ശ്രദ്ധകൊടുത്തു.
ഗിയർ ഡൌൺ ചെയുവാൻ വേണ്ടി ഗിയർ ലിവറിൽ കൈ വച്ചതും എന്റെ കൈക്ക്മേൽ അഭിരാമിയുടെ കൈവന്നമർന്നു.
ആ ഉള്ളൻ കയ്യുടെ മൃദുലത എന്റെ കൈക്ക്മേൽ അനുഭവപ്പെട്ടതും ഒരു നിമിഷം എന്റെ നോട്ടം അങ്ങോട്ട് നീങ്ങി ശേഷം അവളുടെ മുഖത്തെക്കും.
പക്ഷേ ആ മുഖത്ത് അപ്പോഴും ഭാവ വ്യത്യാസങ്ങൾ ഒന്നും ഉണ്ടായിരുന്നില്ല. ആ കണ്ണുകൾ ഇപ്പോഴും റോഡിൽ തന്നെയാണ്.
ഞാൻ വണ്ടി സീബ്രാ ലൈനിന് തൊട്ടുമുന്നിൽ ചവിട്ടി നിർത്തിയ ശേഷം ആ മുഖത്തേക് നോക്കി. ആ മുഖം ഇപ്പോൾ എനിക്ക് നേരെയാണ്. ആ കണ്ണുകൾ എന്റെ കണ്ണുകളിൽ എന്തോ തിരയുകയാണ് .
കിച്ചു…. ഞാൻ ഞാൻ… അർഹിക്കാൻ പാടില്ലാത്തതാണോ ഇത് എന്നൊരു ഭയം.
ഇല്ല അഭി…. ഒരിക്കലും അല്ല നിനക്ക് എന്നെ ഇഷ്ടാണോ… അത് മാത്രം. അത് മാത്രം അറിഞ്ഞാൽ മതി എനിക്ക്.
എനിക്കു.. എനിക്കും ഇഷ്ടാണ്. I love you കിച്ചു. ഒരുപാട് ഇഷ്ടാണ്. അത് പറയുബോൾ ആ കണ്ഠമിടറി. ആദ്യ സ്പർശനം തീർത്ത നെഞ്ചിടിപ്പ് മാറുന്നതിന് മുൻപ്. കാതുകളെ കുളിരണിയിച്ച വാക്കുകൾ എന്റെ കാതുകളിൽ വന്ന് തഴുകി.
ആ നിമിഷം അവളുടെ വിറയാർന്ന ചുണ്ടുകളെ എനിക്കെന്റെ ചുണ്ടുകൾക്കുള്ളിലാക്കാൻ വല്ലാതെ കൊതിച്ചു.