Posted by
” ചേച്ചി ട്രൂത്ത് ഓർ ഡേറ്… ”
അവൾ ആതിരയോട് ചോദിച്ചു…
” അയ്യോ എനിക്കൊന്നും വയ്യ… ”
ആതിര താൽപര്യം ഇല്ലെന്ന അർത്ഥത്തിൽ ഒഴിവാക്കാൻ ശ്രമിച്ചു…പക്ഷെ നോ രക്ഷ…
” എൻ്റെ പൊന്നു ചേച്ചി കോളേജ് ലൈഫ് ഒന്ന് കളറാക്കാൻ നോക്കുമ്പൊ നിങ്ങൾ ഒക്കെ എന്താ ഒരു സഹകരണം ഇല്ലാത്തെ… ”
ആ പെണ്ണ് സങ്കടഭാവം കഷ്ടപ്പെട്ട് അഭിനയിച്ച് പറഞ്ഞതാണെന്ന് പറയുകയേ വേണ്ടല്ലോ…
” ഓ….മതി… ഡേറ് പറഞ്ഞ് തൊല… ”
അവളുടെ സെൻ്റി കേട്ട് ഒഴിവാക്കാൻ എന്ന മട്ടിൽ ആതിര ഒടുക്കം പറഞ്ഞു…
” ഹാ അങ്ങനെ പറാ…അപ്പൊ ഡേറ് ആണല്ലേ…എന്നാ സിംപിൾ…ഈ പൂവ് ഈ ചേട്ടന് കൊടുത്ത് ഒരു ഐ ലവ് യൂ പറഞ്ഞേ… ”
ആ പെണ്ണ് നിസാരഭാവത്തിൽ പറഞ്ഞതും ആതിര ഒന്ന് ഞെട്ടി…എനിക്ക് ആദ്യം ഒരു വല്ലായ്മ തോന്നിയെങ്കിലും ഇതൊക്കെ ഒരു തമാശ രൂപേണ വിടാം എന്ന അർത്ഥത്തിൽ വിട്ടു…അല്ലേലും ഇപ്പൊ അവൾക്കൊക്കെ അറിയാലോ…പിന്നെന്താ…
” അയ്യോ അതൊന്നും പറ്റില്ല… ”
അവളുടെ ആവിശ്യം തറപ്പിച്ചു പറ്റില്ല എന്നർത്ഥത്തിൽ ആതിര മറുപടി പറഞ്ഞു….
” ഏയ് അത് പറ്റില്ല…ചൂസ്സ് ചെയ്തല്ലോ അപ്പൊ ചെയ്യണം… ”
പിള്ളേരും വിട്ടില്ല… അപ്പോഴേക്കും നന്ദുവും ശ്രീയും അഭിയും കൂടി ഞങ്ങൾക്ക് സമീപം എത്തി…
” ഏയ് സരോല്ലടോ നമ്മൾ ഫ്രണ്ട്സല്ലേ താൻ തന്നോ… “